ZOMITE IN PIANTHAK CIANGIN

 

ZOMITE IN PIANTHAK CIANGIN

Zomite i pianthak ciangin:

Kha siangtho tawh i kidim ding hi,

Khrih' lungsim i pua ding hi,

Khat leh khat i ki-it ding hi.

Zomite i pianthak ciangin:

Beh leh phungin i ki-en nawn kei ding hi,

A zawng a hai kidei nawn kei ding hi,

A hai a pil i kisimmawh nawn kei ding hi.

Zomite i pianthak ciangin:

A neu a lian i kibawlsia nawn kei ding hi,

A tek a khang i kilangneih nawn kei ding hi,

Numei pasal i kisimmawh nawn kei ding hi.

Zomite i phianthak ciangin:

Pau nam khat, kam khat i zang nuam ding a,

Lai nam khat, la nam khat i zang nuam ding hi,

Ngeina khat i zang nuam ta ding hi.

Zomite i pianthak ciangin:

Kha mangthang i it ding hi,

Khrih' teci i pang ding hi,

Topa' na i sem ding hi.

By: Rev. Khup Za Go

(Lungdawmna Aw, Vol. XIV, No. 6, Sept. -Oct., 1990, laimai 29 panin a kiteikhia)