AFGHANISTAN WAR AH NUNTAKNA LEH DOLLARS BANGZAH BEI-IN SUPLAWHNA PIANG HIAM?
Aug. 31: Kum 20 sung Afghanistan ah America' gal dona lak panin sawt a kidiah pen Afghanistan War kici tu ni, i.e. Aug. 31, 2021 in a gal dona (combat operation) beisak dingin US President Joe Biden in a khensatna leh kamciamna kipsak ahih manin bei ta ding hi.
Americans nautangte ten mangngilh sawm uh a, Vietnam War hun lai-in US Congress in government operations, a diakin federal funds zatna (oversight) a lawhsapna banah US presidents ngate: Dwight Eisenhower (1953 – 1961), John F. Kennedy (1961-1963), Lyndon B. Johnson (1963 – 1969), Richard Nixon (1969 – 1974), Gerald Ford (1974-1977)-te lawhsapna leh guallelhna thu a phawkkha lo tamzaw uh hi. Ei mite sungah tamzaw kan lai a, upmawh, phuahtawn leh zuau gen kisan tamzaw lai hi.
Afghanistan War zong 43rd US Republican President George W. Bush (2001-2009), Barrack Obama (2009-2017), Donald Trump (2017-2021) leh Joe Biden in a gal dona uh-ah lawhsam uh hi. Joe Biden' bek lawhsapna hilo hi. US in gamdang ah a gal dona dingin a sum leibat leh leitawite (borrowed money) a lohkik mah kisam ahih manin US administrations tuamtuamtuamte guallelhna leh lawhsapna bek hi loin gal dona dingin letbatte American khangthak siah piate adingin vangik lianpi guan a, kum tampi tak a lohkik ngekngek uh kul hi. US in kum 20 sung a gal dona ah military contractors leh military gavan bawlte lo buang a hamphatpih om lo hi.
US makaihna nuai-ah a pawlte in Afghanistan War 7 October 2001 – 15 August 2021 kikal galdo in na om uh a, Feb. 29, 2020 in doha Peave Agree ah Trump administration hunin US leh Taliban ten kilemna thukimna suai na kai uh hi. Doha ah thukimna thukhun tawh kituakin Aug. 31, 2021 in Afghanistan gam panin US galkapte dawhkhiat dingin Biden in hunciam (deadline) na khung hi. Taliban ten Aug 15 ni-in khuaphialep bangin thuneihna a lak khit ma uh Aug. 14 ni panin Biden administration in Afghanistan panin mi hepkhiatna dingin "evacuation operation'' na pan a, Kabul airport panin mi 120,000 val na kihemkhia hi.
Mi 120,000 val nuntakna hutkhiatna dingin nuntakna hu dingin mawhpuakna nei-in galdona si ngam dingin a kiciam leh khasum kipia US galkap 13te Aug. 26, Thursday in Kabul airport kisuamna mi 170 val site a kihel manin Biden a pum mawhsak tam mahmah hi. Gal dona ah a nuntakna kipiakhia dingin kamciam US galkap 13 nuntakna sangin American, US pawl European citizens leh Afghan galtai kigawm mi 120,000 valte nuntakna sup ngam zawk ding a deih banga am paupau mi tam mahmah hi.
AMERICAN GAL DONA SAWTPEN AFHANISTAN WAR (7 OCTOBER 2001 – 31, AUGUST 2021)
A nuai-a sazian (data) kipiate pen Harvard University’s Kennedy School panin Linda Bilmes leh Brown University Costs of War project genna hi Bang hang hiam cih leh 2003-2011 kikal sung US in Bush' gal pat Afghanistan leh Iraq Wars na do khawm a, American galkapte hun hunin gam nihte ah galdo in na kuan uh ahih manin a saziante pen post-9/11 U.S. wars huam khawm hi.
Sept 11, 2001 in Afghanistan gam bukna dingin a nei Osama bin Laden' makaihna nuai-ah al-Qaeda fighters 19te in commercial airlines li pikawi-in US gam a suam (9/11 attacks) khit nung uh US ah a pian' beh gam milip mi li lakah khat (4:1 ratio) hi. Tua ahih manin Afghanistan War a do masa US galkapte' tate nangawn galdo in na kuan khin man uh hi.
Hih thu hangin Biden in, ''A beisa kum 20 hun lai-in a pata uh Afghanan ah galdo in a kuan na om uh hi. Tuate tate, tute uh leh tu sawnte, na tapate, tunute galdo dingin sawl beh lai nuam na hi hiam? Kum 20 khit nungin trillions dollars bei-in Afghan security leh defense forces a za-a simte training piakna in kizang hi.
US galkap 2,448 galkapte kithat a, 20,722 in liamna tuakin, a kigen zo lo a tul-a sim liamna lungsim natna (mental trauna) neisa-in hong ciahkik uh hi. American khangthak dang lametna om lo galdo dingin Afghanistan ah ka sawl nawn kei ding hi," ci-in Aug. 15, 2021 in a khensatna ah kip takin a din'na leh hong kimawhsakna khatpeuh ka sang hi, ci-in na gen hi. Afghanistan ah na tapa leh tanute galdo dingin na sawl nop leh nomau thuthu hi.
MIHING LUANG SUPNA (HUMAN COST):
- Oct. 7, 2001 panin April 2021 kikal sungin Afghanistan gamah US galkap 2,448 si uh hi. (A nunung penna dingin evacuation operation lai takin ISIL-K suicide bombers ten Kabul airport pua a suamna uh-ah mi 170 val site lakah US galkap 13 kihel uh hi).
- April 2021 dong Afghanistan ah US contractors 3,846 na kithat hi.
- Afghan national military leh police 66,000 val si uh hi.
- NATO member gamte kihelin US kipawlpih galkap 1,444 si uh hi.
- Afghan nautang mi 47, 247 si uh hi (Aug. 26, 2021 in Kabul airport kisuamna ah Afghan nautang mi 150 val site kisimkhawm lo hi)
- Taliban group member leh Afghan government leh US-led coalition forces a lehdo (opposition fighters) 51,191 si uh hi. US leh a pawlte leh Afghan nautang gal sungah si zah tawh teh le'ng Taliban leh opposition fighters a si zah pen a leh nih valin kikhia cihna suak hi.
- Huhna nasem mi (aid workers) 444 kithat hi.
- Media mite (journalists) 72 kithat hi.
US IN AFGHANISTAN KUM 20 DEKTAK A VA LUAHKHUM (OCCUPATION) KHIT NUNGA THUPIANGTE:
2001 kum bei kuanin US leh kipawlpih Afghan' Northern Alliance Forces leh NATO member gamte in Taliban government a lotthal khit nung uh Afghanistan gamah naungek si (infant mortality) pha zah a kiamna percentage 50 suk tung hi. Afghanistan gamah nupi leh numeite inn sungah a kikhumcip ding uh hi, cih Islamic thukham or Sharia khauh mahmah tawh Taliban ten 1996-2001 kikal sung na ukcip uh hi. US leh a kipawlpih gamte in Taliban government a lotthalna dingin Talibante' Sharia law khauh nuai-ah numeite rights hencipsakna paulap lianpen in nei uh hi.
Ahih hangin US leh a pawlte in 2001 bei kuanin Taliban government a lotthal khit uh a kum 20na April 2021 in Afghan numei kum 13-19 kikal mite (teenager) laisim thei 37% bek pha hi. Kilamdan'na piangsak tuan lo uh hi, cih a kimuh banah Talibante' Sharia law pen Afghanistan ah US occupied forces a omcip theihna dingin paulapna ahih banah American neo-colonialism leh neo-imperialism regime keekna hi, cih kilang hi.
US CONGRESS OVERSIGHT BANGZAH VEI NA PIANG?:
US Congress in government operations vai, a diakin federal funds zatna (oversight) thukhenna leh thukham a bawlte hih a nuai-a bang hi:
- Sept. 11, 2001 in al-Qaeda fighters ten US a suam khit nung uh Sept. 18, 2001 in Congress in America gam-a World Trade Center, New York, Manhattan, Shanksville, Stonycreek Township, Arlington County kisuamna ah mi 2,996 sihna a piangsak mi gilote mat ahih kei leh thahna dingin US galkapte tungah phalna pia-in thu na pia hi.
- 9/11 attacks ah America gam suamte mat ahih kei thahna dingin Congress ah thukham bawlte (lawmakers) ten US galkapte phalna na pia uh hi. US lawmakers ten Afghanistan ah gal pulakin do theihna dingin (declare war) vote a khiat zah uh ZERO (beem) hi. Afghanistan ah galdo dingin thukham bawlte in khat vei beek vote khiatna tawh na kipsak leh phalna na pia ngei nai lo uh hi.
- Vietnam War hun sungin Senate Appropriation defense sub-committee in Vietnam gal ah sum bei zah ding genna Congress ah thukham bawlte in 42 vei genna (adresss cost of war) na nei uh hi.
- Ahih hangin Afghanistan leh Iraq Wars ah sum bei zah ding Senate Appropriations defense sub-committee ah Congress ah thukham bawlte in Sept. 11, 2001 panin mid-summer 2021 kikal sungin Biden administration hun mid-summer (nipi hun kimkhat lai) mid-summer 2021 panin "cost of war" genna 1 vei bek na gen uh hi. A beisa administrations hun sungin khat vei beek genin kinei lo hi. Nekguk takgukna nasia mahmah ding cihna hi.
GAL DONA DING SUMTANG IN KIPIA LOIN LEIBAT TAWH KIPIA (PAYING FOR A WAR ON CREDIT, NOT IN CASH):
- Korean War (25 Jun 1950 – 27 Jul 1953) ah sum beite a lohkikna dingin tua hunin US President (Democrat) Harry Truman in tawlkhat sung siah a khan'sak (temporarily raised top tax rates) zah 92% na tung hi.
- Vietnam War ah sum kizangte leh a beite a lohkikna dingin Democrat President Lyndon Johnson in ama presidency hun sungin tawlkhat sung siah a khan'sak 77% na tung hi.
- Afghanistan War leh Iraq War dona ah sum beite a lohkikna dingin a gal nihte a pan' Republican President George W. Bush siah khan'sak nak sangin America mihau pente (wealthiest) siah piak zah 8% na kiam suksakin na maapsak beh zawsop hi.
- Donald Trump in zong Afghanistan War leh Iraq War ah sum beite lohkikna dingin siah khan'sak nak sangin Bush mah bangin American billionaires leh corporate mite siah piak zah 35% panin 21% in ka kiamsak ahih manin 14% tak siah maapsak beh hi.
- Trump' tax cuts hangin Covid pandemic in US a nawk khit nung Trump administration hunin US economy leh unemployment kiatna or siatna pen 1930s Great Depression khit nung a sia pen or niam pen na tung a, Jan 20, 2021 in White House office a nusiatin US federal leibat $7.8 trillion na behlap ahih manin president lakah leibat tam a behlap pen lakah kihel hi. Trump in US economy leh employment rate khangsak a, America gam liansak kik hi, cih pen vote zon'na leh hak gega kawmpipi in kikhemna hi.
- US in Afghanistan leh Iraq Wars a dona hangin leibat thangbat (debt-financed) a neih 2020 in $2 trillion pha khin zo hi. 2050 ciangin hih debt-financed a meeet/pung (interest) tawh gawmin $6.5 trillion tung ding hi. Biden in hih thu telcian hi ding hi ven American billionaires leh corporate sectors siah khan'sak sawm a, Republicans lam ten zadah mahmah uh hi. kum khat sungin $40,000 val sum muhna nei mihaute siah khan'sakna ding geelna hi napi-in nautangte siah zong kikhangsak ding hi, ci-in thu tel lo leh kan lo tampi khem zo uh hi.
AFGHANISTAN LEH IRAQ GAL A BEI HANGIN A SUM BEI ZAH BEI TUAN LO (WARS END. THE COSTS DON’T):
Harvard University’s Kennedy School panin Linda Bilmes in Afghanistan War leh iraq War hangin US in American galkap kuante (veterans) 4 million kiimte adingin health care, gal kidona ah liamna tuakin a poilawhte (disability), a luanghawm uh a vuina leh sum beina dangte (burial and other costs) ah $2 trillion kiim zat dingin ciam hi, ci hi. US military verans 4 million kiimte healthcare, disability, a vuina leh sum paihna dangte ah US government in 2048 khit ciangin a beisak a tam pen tung to (costs will peak) ding hi.
BANG HANGIN AUG. 15, 2021 IN TALIBAN TEH AFGHANISTAN AH THUNEIHNA LA KIK ZO UH HIAM?
Trump administration in Qatar state capital Doha ah terrorist group Taliban tawh kilemna thukimna suai a kaihna nuai-ah thukimna suaikaih khit ni 135 sungin i.e. July 2000 ciangin Afghanistan ah galkap om 13,000 panin 8,600 in khiam suk ding, kha 14 khit ie. May 1, 2021 in US galkapte khempeuh dawhkhiat (withdraw) ding, ni 135 sungin Afghanistan ah US military bases nga khakin nusiatsan ding, ci-in thukimna leh kamciamna na nei hi. Talibante thuneihna lak zawh kikna ding lampi sialsakna dingin thukimna mah bang hi.
Tua bek hi loin Doha Agreement thukhun sungah Trump administration in a thukimna bangin US galkapte leh a kipawlpihte gamte galkapte leh US-led coalition gamte galkapte, non-diplomatic civilian personnel, private security contractors, trainers, advisors leh supporting service personnel (galkapte a huhte) khempeuh Afghanistan gam panin dawhkhiat ding, leh Afghanistan gamah NATO galkap 16,000 panin 12,000 khiam suk dingin NATO Geneneral Security Jens Stoltenberg in na ciam beh lai hi.
Doha Agreement thukhun tawh kituakin March 10,2020 in Trump in US galkapte dawhkhiatna na pan khin zo hi. July 1,2020 in US House Armed Service Committee in National Defense Authorization bawlphat (amend) ding gumin kituak takin vote a khiatna uh-ah Trump in afghanistan gam ah US galkap 8,600 sanga tawm zaw a omna dingin a dawhkhiat beh theih lohna dingin a gakna in thukham na bawlpha uh hi. Tua bangin thukham na bawlpha lo uh hileh Trump' presidency hunin Taliban ten thuneihna la khin zo ding uh hi, cih kitel sinsen khin hi.
Trump' zalaih dingin Biden a kiciam ni "inauguration day" ni Jan 20, 2021 in Afghanistan gamah US galkap 2,500 bek na om lai uh hi. Doha agreement khit nung Taliban ten Afghanistan forces do, gamkeek, Afghan khamtung gam lamte lak leh khuapite suam hong kisan uh hi. Hih thu hangin Biden' national security adviser, Jake Sullivan in, Biden administration in Trump administration in Talibante tawh Afghanistan gam panin US galkapte dawhkhiat ding thukimna etphatna (review withdrawal agreement) kinei ding hi, na ci hi.
14 April 2021 in Biden administration in, Afghanistan gamah US galkap om laite Trump administration' withdrawl agreement deadline May 1, 2021 in kidokkhia lo ding a, Sept. 11, 2021 ciangin kidokkhia ding hi, ci-in Afghan government ngetna leh Afghanistan security dengdelna hangin a khensatna pulak hi. 8 July, 2021 in Biden in US withdrawal date ding 31 August, 2021 hi, ci-in a khensatna pulak hi.
US kipawlpih nitumna gamte galkapte (Western forces) ten amau galkapte kidawhkhiat hun ding (withdrawal timetables) amau hoihsakna bang tekin khensat uh hi. July 2, 2021 panin Afghanistan gam panin Germany leh Italy in a galkapte dawhkhiat kipan hi. July 15 in Australia in a galkapte khempeuh Afghanistan panin dawhkhiat man siang hi. Afghanistan gam a nusiatsan nunung pen British galkapte 28 August in Kabul airport panin military plane tawh lengkhia uh hi.
US makaih nitumna gamte galkapte in Afghanistan gam panin a galkapte uh dawhkhiat hun ding thukimna nei thei lo uh hi. Afghanistan gamah a galkap omsun laite un lah Trump administration in Doha Agreement ah Talibante tawh kikaptuah leh kidona khawlsan (ceasefire) dingin thukimna a neih uh a letkip uh kiphamawh hi. US leh NATO galkapte in kum 20 sung military training, galvan leh funding a piak 300,500 kiim a pha Afghanistan forces in lah 80,000 kiim galkap a nei Taliban group lehdo ngam or nuam taktak loin a kipiakhia leh a gamvengte uh a tai keek (surrendered or flee) kiteh uh hi.
Aug. 15, 2021 Nipini in Kabul khuapi-ah Talibante lut uh a, Afghan presidential palace a lat khit nungun Afghan Ashraf Ghani, a vice-president Amrullah Saleh leh senior official bangzah hiam taimang uh hi. Tajikistan gamah Ghani tawh a tai khawmte lakah Afghan National Security Adviser Hamdullah Muhib leh head of the administrative office of President Fazel Mahmood Fazli zong kihel hi. Pakistan state capital Islamabad ah a taite lakah Speaker of Afghan parliament Mir Rahman Rahmani leh senior official dang Younus Qanuni, Muhammad Muhaqeq, Karim Khalili, Ahmad Wali Masoud leh Ahmad Zia Masoud cihte kihel uh hi, ci-in Afghan media reports in gen hi.
Biden administration in Taliban ten thuneihna a lak khit nung uh Kabul airport panin US leh a kipawlpih gamte gam mite, a beisa kum 20 sung US leh a pawlte galkapte kipawl Afghan mite leh galtaite nawkhiatna dingin Kabul aiport a cing dingin US galkap a puak beh leh omsa 5,800 kiim leh UK galkap 1,000te cin'na tawh ni 17 evacuation operation sungin leitung khangthu sungah galphual panin mi tam pen 12,000 val na hemkhia hi.
Biden in mi 12,000 valte nuntakna hutkhiatna dingin pan a lak theih bangin a lak lai-in Aug. 26 in ISIS-K suicider bombers suamna ah site lakah US galkap 13 site nuntakna sangin nautang 12,000 valte nuntakna sup zawk ding deih bangin Trump leh a gumte in Biden a pum mawhsakna uh nasia mahmah hi. Trump in white House office in a nusiatsanin afghanistan ah galkap 2,500 bek omte in Aug. 26, 2021 ni-in US galkap 5,800 leh UK galkap 1,000 kiimte dal zawh loh koici dal zawh tuan ding uh a, Afghan security forces 300,500 kiimte do ngam lo Trump presidency hunin US galkap 2,500 bekte in Taliban ten Afghanistan gam a lak ding uh koici dal zawh tuan ding uh hiam?
Covid pandemic kici Democratic new HOAX leh seasonal flu mawkmawk hi, ci-in pandemic in US in a nawk lai-in a presidency hunin Americans 630,000 val US ah na sihlawh hi. Ahih hangin Chinese-made virus or Kungflu hi, ci-in racist rhetoric vive zangin awngawng a, a mawhpuakna Trump in thudon loin mi dang bek mawhsakna ding na leitang zon' hi. ama hunin pandemic hangin leitung bupah mi tam a sih penna - Americans 630,000 val sihna hunsa loin Covid-19 restrictions leh mask tuah ding a deih lohna thu gen belin nei napi-in US galkap 13te sihna manpha diak bangin amah leh a gumte in lim gen mahmah uh hi.
Syria ah US kipawlpih Kurdish mite leh amau makaih SDF rebels groups teng Trump in ama hunin na nusiatsanin US galkapte na dokkhia a, Syria gam-a US military bases teng Russia galkapte leh a pawlte luah dingin a nusiatsan banah Syria panin US kipawlpihte a hepkhiat zah pen ZERO tak hi.
Talibante' ukna nuai-ah om ding kihta-in a tai nuam Afghan mite a bang leh US huh ding a kilamen Syrian government lehdo US pawl rebels group tuamtuamte leh Kurdish mite a nusiatsan lai-in Trump leh a gumte in a phengtatna thupi na sa mahmah uh hi. Tua hunin Trump' khensatna phat mahmah napi-in Kurdish mite a nusiatsanna a gensia Franlin Graham in tu tungin Biden in US galkapte dawhkhiat dingin a khensatna leh mi 120,000 val a hepkhiat hangin lim gensiat mahmah leuleu zel hi.
Biden in Afghanistan gam panin ni 17 sung bekin mi 120,000 val hepkhiatna dingin a panlakna ah US galkap 13 hangin minsiatna teng leh Afghanistan War a pan mah bangin gensiat leh mawhsakna teng khu hi. Trump in Syria a nusiatsan khit nung Turkish galkapte leh a kipawlpih Islamic rebels groups ten Kurdish mite a lom thahna (tua hunin Turkish genocide or ethnic cleaning program a kici liang), Kurdish rebel group ukna leitang Russia leh Turkey galkapte kihawmna, ISIS ten Syria ah RC priests kihelin Syrian Christian bangzah hiam a thahna uh, Russia in US bases a laksakna kitheihmawh bawlin Biden bek a pum mawhsak tam mahmah bilbel uh hi.
AFGHANISTAN WAR AH A MEETPIH KUATE HIAM?
9/11 thukkikna dingin President George W. Bush in Authorization for Use of Military Force a kici a thukimna suai a kaih kaih lai-in american defense contractors gol ngate - Boeing, Raytheon, Lockheed Martin, Northrop Grumman, leh General Dynamics panin stock $10,000 lei-in reinvest bawl hi lecin Afghan war sungin $97,295 tung ding hi. $10,000 investment panin $100,000 dektak tung to zen hi.
Hih defense contractors ngate total stock returns Dividend Channel’s DRIP calculator panin tuatna ah Sept. 18, 2001 panin Aug 15, 2021 kikal hih bang hi: Boeing: 974.97 percent; Raytheon: 331.49 percent; Lockheed Martin: 1,235.6 percent; General Dynamics: 625.37 percent; Northrop Grumman: 1,196.14 percent
S&P 500
Total return: 516.67 percent
Annualized return: 9.56 percent
$10,000 2001 stock purchase today: $61,613.06
Basket of Top Five Contractor Stocks
Total return: 872.94 percent
$10,000 2001 stock purchase ($2,000 of each stock) today: $97,294.80
BOEING:
Total return: 974.97 percent
Annualized return: 12.67 percent
$10,000 2001 stock purchase today: $107,588.47
Board includes: Edmund P. Giambastiani Jr. (former vice chair, Joint Chiefs of Staff), Stayce D. Harris (former inspector general, Air Force), John M. Richardson (former navy chief of Naval Operations)
RAYTHEON:
Total return: 331.49 percent
Annualized return: 7.62 percent
$10,000 2001 stock purchase today: $43,166.92
Board includes: Ellen Pawlikowski (retired Air Force general), James Winnefeld Jr. (retired Navy admiral), Robert Work (former deputy secretary of defense)
LOCKHEED MARTIN:
Total return: 1,235.60 percent
Annualized return: 13.90 percent
$10,000 2001 stock purchase today: $133,559.21
Board includes: Bruce Carlson (retired Air Force general), Joseph Dunford Jr. (retired Marine Corps general)
GENERAL DYNAMICS
Total return: 625.37 percent
Annualized return: 10.46 percent
$10,000 2001 stock purchase today: $72,515.58
Board includes: Rudy deLeon (former deputy secretary of defense), Cecil Haney (retired Navy admiral), James Mattis (former secretary of defense and former Marine Corps general), Peter Wall (retired British general)
NORTHROP GRUMMAN:
Total return: 1,196.14 percent
Annualized return: 13.73 percent
$10,000 2001 stock purchase today: $129,644.84
Board includes: Gary Roughead (retired Navy admiral), Mark Welsh III (retired Air Force general)
Kum 20 piikpeek sung a kidiah Afghanistan war ah stock market overall ah defense stocks 58 percent sum teng defense executives leh shareholders ip sungah na lut a, US in Afghanistan war $2trillion a investment ah a beisak siah piakte ip sung panin kisawk khiatsak hi. US military defense contractors tawh kigullukte leh amaute tung panin politican donations (funds) a ngah political party or politician pawl khatte in Biden in afghanistan panin US gakapte a dawhkhiat pen a supna lianpi uh leh sumbawlna nak uh kangsak ahih manin nasa mahmah uh a, a tatang uh thak litlit den ding uh ahih manin mawhsak leh gensiat hong kisan semsem ding uh hi.
References: Associated Press; Reuters; Washington Post; The Intercept; Wikipedia; BBC and NDTV
@Thang Khan Lian #ZUNs reports
