TU HUNIN PAWLPI PAIZIA LEH NGEINA
Pawlpi makaite leh Siate: I pasitapa uh car kisia vat ahih manin pawpi mite kha leh pumpi cinate hong veh leh innte hong sik zo nawn lo hi. lamdang na sa sese kei un. Mailam hun ah Nipi ni sim beek kikhopna hong pelh hamtang lohna dingin car thak kisam ahih manin sum thawh khawmin i ipte sawk ciat-in car mode thak a tam mante leisak ni.
Pawlpi mite: I pawpi sungah zato ah cina gimsia om a, a dam zawhna dingin emergency in at loh kiphamawh hi. Bang cih ding ihi hiam?
Pawpi makaite leh Siate: Aw hi mawk maw? Cinat lunat bel mihing ngeina tawh i tuah dinga kilawm hi a, thungetna hat lo lua hi ding uh hi. Thungetna ah phawk lel ni. Thungetna mah vanglian pen hi. Tua hileh at kul sese loin hong dam ziau lel vak.
Tu hun teh pasitate zong car lo tawh pawlpi sungah kha leh pumpi cina dim napi-in innte a sik zo nawn lo kitam mahmah ta ahih manin pawlpi mite a lampial, a thanem kitam semsem leh a khasia in pawl dangah a tai kawikawi kitam mahmah hi. Hih thu hangin pawl kituak kimlai philtang bang a thehzak ngia tuuvun silhin a vak kawikawi Sia nengneng in pawlpi mite na tuah mangmang uh a, a mission fied uh-ah na lawhcing bilbel uh hi. Hih thu hangin pawlpi kipumkhat kimlai a kiphelkham tam semsem ahih manin kikhenna leh pawlpi mi a mangthang kibehlap semsem hi.
Pawlpi sunga a nei a lamte in Pasitate sum leh paai tawh phungvuhin, love gifts a piapia kitam mahmah ahih manin love gifts a pia zo lote innte Pasita pawl khat ten sik leh dak tak a sa nawn vet lo tam semsem hi. Cihmawhna a tuah ciangun thungetna sangin sum tawh phungvuh ding kipibawl masa lua ahih manin kha mangthang vei zo nawn loin kumpi uiante bangin a nop tat prosperity preachers leh thusuak ngah kici-in upmawh thusuak a mot gengen kamsang kineihkhem tam semsem hi.
Ahih hangin pawlpi mite zato ah lum in, cimawh beidong tawpkhop tuakin taina ding nei loin emergency in sum leh paai a kisap hun ciang nangawn un huh ding kisawm loin thungetna ah phawk ni, cih ciang bek tawh kinawlkhin ziauziau ahih manin pawpi sungah kha thu lamsang leh pumpi ah a thanem kitam semsem hi.
@Thang Khan Lian #ZUNs reports
No comments:
Post a Comment