"PASAL KIHEL KHA KEI.... FASCIST VIVE HI. 309"
Kum sim #WomensHistoryMonth hun in leitung bup Hitler' Nazi galkapte in a lak zawhna ding uh a do leh a nuntakna uh a lauhuai ah ding khia ngam in a nuntakna uh leh lutang uh a phum khinsa numei galhang Roza Shanina, Lyudmila Pavlichenko leh Soviet thaukap siam (snipers) numeite dangte kipiakkhiatna phawkhuai mahmah hi. Galpi Nihna a nasiat saan lai leh Hitler' Nazi galkapte a hat saan laitak uh 1941 kum in Soviet Union (tu-in Russia gam i cih) va sim (invaded) uh hi. Nazi galkapte leh Nazism lehdona dingin Soviet Union' Red Army ah numei 2,484 in a min khum uh hi.
Red Army ah a tum lai-in Roza Shanina pen kum 19 in upa a, a sih ma-in Nazi galkapte 59 that hi, cih kikipsak (confirmed) hi. Nazi galkap ten Galpi Nihna [1939-45] hun lai-in College degree a man khit ciangin, naupang sangsia a sem kimlai Soviet Union military centre ah a lut mawk pen lamdang i sak hangin a lamdang lua na hi khin lo hi. Nazi German galkap ten Leningrad 1941 in a lak lai un Roza Shanina’ sanggam pasal khat in zong sihna tuak hi. Shanina zong Soviet galkap lut dingin kithawi a, gal nasia lua ahih manin galkap bupa (local military commissariat) in na phal lo hi. 1942 in a sanggamte nih gal-ah hong si kik leuleu uh ahih manin Soviet gam humbitna dingin Soviet numei sniper galkap 2,484 dingin hong lut thei hi.
Shanina in Central Female Sniper Academy Army ah hong sep khit a sawt loin East Prussia sungah Nazi galkapte tam a kaplup luat manin a kimu lo dipkuatna leh patauhna a piangsak "the unseen terror of East Prussia" cih sapna min hong ngah hi.
A sawt loin kum 20 a phak ma January 1945 in liamna tuak Red Army galkap bu khat a humbit lai takin thaupi (artillery) tang in a awm kha ahih manin a awm puakkham in, a ngoi nangawng lengkhia hi. Thau in khak khit second tawm vei sungin si a, a sih in kum 20 cing man lo hi. Sniper ah a sep taktak kum khat sangin a tawm zawk hangin tua sungin mi 54 kap lum hi, ci-in a gen a om hangin pawlkhat in 59 hi ci-in kikipsak hi.
Rosa Shanini' biography:
A pian' ni leh pian'na: 3 April 1924, Vologda Governorate
A sih ni leh sihna: 28 January 1945, East Prussia
Years of service: 1943–1945
Rank: Senior Sergeant
Unit: 184th Rifle Division (3rd Belorussian Front)
Commands a letna: 1st Sniper Platoon (184th Rifle Division)
A gal donate (Battles/wars):
World War II
Eastern Front
Battle of Vilnius
East Prussian Offensive (DOW)
Awards:
*Orders of Glory 3rd and 2nd Class
*Medal for Courage
12 July 1916, Bila Tserkva, Ukraine (tua hun in Soviet Union gam) ah a piang Lyudmila Pavlichenko kici nu pen Galpi Nihna hun lai-in Soviet Union' Red Army sung bek hi loin leitung tangthu sunga numei sniper lak panin a lawhcing pen in kiciamteh a, amah bekin Nazi galkapte 309 kap lum hi, ci-in a kap lup pha zah kiciamteh hi. Sniper rifle a zat siamna hangin "Lady Death" cih min phatna na ngah a, Sihna Nungak kici liang hi.
Galpi Nihna a bei khit nungin a hangsanna hangin Lyudmila Pavlichenko' tungah Gold Star of the Hero of the Soviet Union a pahtawina a kipiak banah Order of Lenin pahtawina nih vei kipiathuah hi. Kum 58 a phakin a khuak ah leh sigui ah sisan a pai ding ngeina pai leh lut ding bang lui loin tuk (stroke) in 10 October 1974 in Moscow khuapi-ah ah si a, a tapa Rostislav kivuina Novodevichy Cemetery kici hanmual ah Rostislav' kiangah kivui hi. 1976 kum in ama lim second Soviet commemorative stamp kibawl ah kituangsak hi.
Lyudmila Pavlichenko a nuntak lai-in a gal dona ah thu a kidotna ah, "Pasal bang zah na that hiam?," ci-in a kidot ciangin, "Pasal khat beek kihel kha kei. Fascist vive hi. 309," ci-in dawng hi.
Lyudmila Pavlichenko' biology:
Years of service: 1941–1953
Rank: Lieutenant in the Army Senior Researcher with rank of Major in the Soviet Navy
Unit: 54th Stenka Razin Rifle Regiment in 25th Rifle Division
Soviet Navy General Staff
A gal donate (Battles/wars):
*World War II
*Siege of Odessa kici Odessa khuapi a ki-umcih hun
*Siege of Sevastopol kici Sevastopol khuapi a ki-umcih hun
Awards:
*Hero of the Soviet Union
*Order of Lenin (twice)
References: Red Fish and Wikipedia
@ Thang Khan Lian #ZUNs reports
Red Army ah a tum lai-in Roza Shanina pen kum 19 in upa a, a sih ma-in Nazi galkapte 59 that hi, cih kikipsak (confirmed) hi. Nazi galkap ten Galpi Nihna [1939-45] hun lai-in College degree a man khit ciangin, naupang sangsia a sem kimlai Soviet Union military centre ah a lut mawk pen lamdang i sak hangin a lamdang lua na hi khin lo hi. Nazi German galkap ten Leningrad 1941 in a lak lai un Roza Shanina’ sanggam pasal khat in zong sihna tuak hi. Shanina zong Soviet galkap lut dingin kithawi a, gal nasia lua ahih manin galkap bupa (local military commissariat) in na phal lo hi. 1942 in a sanggamte nih gal-ah hong si kik leuleu uh ahih manin Soviet gam humbitna dingin Soviet numei sniper galkap 2,484 dingin hong lut thei hi.
Shanina in Central Female Sniper Academy Army ah hong sep khit a sawt loin East Prussia sungah Nazi galkapte tam a kaplup luat manin a kimu lo dipkuatna leh patauhna a piangsak "the unseen terror of East Prussia" cih sapna min hong ngah hi.
A sawt loin kum 20 a phak ma January 1945 in liamna tuak Red Army galkap bu khat a humbit lai takin thaupi (artillery) tang in a awm kha ahih manin a awm puakkham in, a ngoi nangawng lengkhia hi. Thau in khak khit second tawm vei sungin si a, a sih in kum 20 cing man lo hi. Sniper ah a sep taktak kum khat sangin a tawm zawk hangin tua sungin mi 54 kap lum hi, ci-in a gen a om hangin pawlkhat in 59 hi ci-in kikipsak hi.
Rosa Shanini' biography:
A pian' ni leh pian'na: 3 April 1924, Vologda Governorate
A sih ni leh sihna: 28 January 1945, East Prussia
Years of service: 1943–1945
Rank: Senior Sergeant
Unit: 184th Rifle Division (3rd Belorussian Front)
Commands a letna: 1st Sniper Platoon (184th Rifle Division)
A gal donate (Battles/wars):
World War II
Eastern Front
Battle of Vilnius
East Prussian Offensive (DOW)
Awards:
*Orders of Glory 3rd and 2nd Class
*Medal for Courage
12 July 1916, Bila Tserkva, Ukraine (tua hun in Soviet Union gam) ah a piang Lyudmila Pavlichenko kici nu pen Galpi Nihna hun lai-in Soviet Union' Red Army sung bek hi loin leitung tangthu sunga numei sniper lak panin a lawhcing pen in kiciamteh a, amah bekin Nazi galkapte 309 kap lum hi, ci-in a kap lup pha zah kiciamteh hi. Sniper rifle a zat siamna hangin "Lady Death" cih min phatna na ngah a, Sihna Nungak kici liang hi.
Galpi Nihna a bei khit nungin a hangsanna hangin Lyudmila Pavlichenko' tungah Gold Star of the Hero of the Soviet Union a pahtawina a kipiak banah Order of Lenin pahtawina nih vei kipiathuah hi. Kum 58 a phakin a khuak ah leh sigui ah sisan a pai ding ngeina pai leh lut ding bang lui loin tuk (stroke) in 10 October 1974 in Moscow khuapi-ah ah si a, a tapa Rostislav kivuina Novodevichy Cemetery kici hanmual ah Rostislav' kiangah kivui hi. 1976 kum in ama lim second Soviet commemorative stamp kibawl ah kituangsak hi.
Lyudmila Pavlichenko a nuntak lai-in a gal dona ah thu a kidotna ah, "Pasal bang zah na that hiam?," ci-in a kidot ciangin, "Pasal khat beek kihel kha kei. Fascist vive hi. 309," ci-in dawng hi.
Lyudmila Pavlichenko' biology:
Years of service: 1941–1953
Rank: Lieutenant in the Army Senior Researcher with rank of Major in the Soviet Navy
Unit: 54th Stenka Razin Rifle Regiment in 25th Rifle Division
Soviet Navy General Staff
A gal donate (Battles/wars):
*World War II
*Siege of Odessa kici Odessa khuapi a ki-umcih hun
*Siege of Sevastopol kici Sevastopol khuapi a ki-umcih hun
Awards:
*Hero of the Soviet Union
*Order of Lenin (twice)
References: Red Fish and Wikipedia
@ Thang Khan Lian #ZUNs reports
No comments:
Post a Comment