DONALD TRUMP IN BIDEN GUALZAWHNA A LUMLETSAKNA DINGIN GEORGIA TOP ELECTION OFFICIAL KIANGAH, "KA VOTES DING NA ZONG IN," CI-IN EXTRA VOTES 11,780 A PIAKNA DINGIN THU PIA
Jan. 4: US outgoing President Donald Trump in Georgia top election ulianpa kiangah election result ah Biden' gualzawhna lumletsakna dingin vote kicing ka ngahna dingin kei adingin na zong in, ci-in a thu piakna phone panin a hopihna a voice record The Washington Post in khahkhia hi.
Trump in Georgia Secretary of State Republican Brad Raffensperger' kiangah, "I just want to find 11,780 votes," ci-in votes 11,780 ama adingin a zonsak a, a piakna dingin thu pia hi. Ahih hangin Secretary of State Brad Raffensperger in, "Georgia's results were correct," ci-in Georgia ah vote kigukna om loin man hi, ci-in dawng hi.
Joe Biden in kum 28 adingin a masa penna dingin Republican khut sung panin Georgia ah Democratic party gualzawhna ngahpih a, kum 24 adingin a masa penna dingin Arizona ah zong Democratic party a gualzawhppih banah swing states dangte ah a gualzawhpih manin 306 electoral college votes ngah a, Trump in 232 bek ngahin 76 electoral votes takin kikhia uh hi.
November 3 panin Trump in vote gukna zaipi ah kizeel hi, ci-in "widespread electoral fraud" om hi ci-in tu ni dong a ngawh thapai den hangin voter fraud om hi ci-in a ngawhna thuman ahihna a lahna ding teci (evidence) bangmah pia leh nei loin tu ni dongin a guallelhna thuman sang nuam nai lo lai-in kitomtom lai a, thuman lopi-in Georgia Republican Governor Brian Kempt in gualzawhna a ngahsak dingin a nawhna ah huh lo ci-in cingpi (rhino) ci-in a Facebook leh Twitter posts ah ko mun mahmah hi.
States 50 tengin mun pawl khatte votes kisim kikna leh thukhenna innpi ah heekna (recounts and legal appeals) khit nungin election results kipsakna pia khin zo (certified) uh hi. Trump leh a pawlte in Biden' gualzawhna lumletsakna (overturned results) dingin a legal challenges tona bawlte uh US courts in 60 lawsuits tak nolhsak (rejected) khinin guallel dikdek khin zo uh hi. Tua loin Trump leh a pawlte in swing states pawl khatte ah a results tona a bawlna hangun khut tawh votes nih vi thum vei kisim kik a, Georgia state bang ah electronic voting machines (EVMs) in a sim khit zawh khut tawh nih vei a kisim kik banah a state election results zong Secretary of State leh Governor in thum vei tak kipsakna (certification) na pia thuah liang zawzen uh a, thum vei tak votes a kisim kik hangin sim khialh leh vote kigukna mu zo tuan lo uh hi.
January 6 ciangin Congress in joint meeting a neih ciangin election results a ngeina bangin hukimpihna (formally approve) pia-in electoral colleges votes kipsakna tawpna (final certification) pia ding hi. Tua khit Jan. 20 ni pen Democrat Biden' presidential inauguration neih ni ding hita hi.
Georgia ah November elections khit zawh Jan. 5, Tuesday ciangin Georgian voters ten run-off election ah senator nih teelna dingin vote khia ding uh ahih manin tua in Senate ah balance of power kici thuneihna kileek loin a kikim theihna ding khensatna piangsak thei dingin kilamen hi. Georgia ah Senate tutna nih kituhna ah Democrat contenders (candidates) ten gualzawhna a ngah uh leh Senate ah senator tutna 100 omte 50 tuak Democrats leh Republicans ten ngah ding uh a, Vice-President-elect Kamala Harris pen Senate ah president za len ding ahih manin khensatna vote (deciding vote) nei ding cihna hi.
President-elect Biden' Democrats in lower House of Representatives ah majority nei-in thuneihna lian zaw 2018 November mid-term election panin nei khin zo uh hi. Developments dang piangte lakah US defense secretaries lui a nungta lai 10 tengin The Washington Post ah opinion piece a gelhna uh-ah, President Trump in election results dotna (questions) a bawl lohna dingin ngen uh a, Trump supporters ten kigolh dingin a deih uh vote khiatna thubuai (voting disputes) ah US military a kigolh lohna dingin zong ngen uh hi.
TRUMP IN RAFFENSPERGER A CALL IN BANG GENIN BANG PIANG?
Trump in Republican Secretary of State Raffensperger phone panin a hopihna voice recording kilakhia (excerpts) washington Post in a releasd khiatna ah, Trump in kamdam in Raffensperger a thuzawhna ding leh vau bawlin nawhna bawl (alternately cajoling and pressurizing) thuahkhawm hi. "Georgia state election ka zawh theihna dingin a votes na tuatphat (simphat) kik hangin a man lohna ding thu om lo hi," (that there was "nothing wrong with saying you have recalculated") ci-in gen hi.
Raffensperger in a dawn'na ah: "A result tona na bawl a data man lo hi Mr. President aw, " ci-in "The challenge you have Mr. President is that the data you have is wrong," ci-in dawng kik hi. A phone call bei kuanin Trump in, "Thuthang a bul a bal a kithei lo kamdawn (rumour) kigenna ah, Georgia state sunga Fulton County ah vote khiatna ah vot kibalkeek leh voting machine kihemkhia hi," ci-in Trump in, "The rumour was that ballots had been shredded and voting machinery had been removed from Fulton County in the state," ci-in gen hi.
Trump in Fulton County ah hih bangin voter fraud om hi ci-in a ngawhna tu dong mah ngawh zom den lai hi. Ahih hangin Trump in tua bangin a ngawhna Raffensperger' lawyer in tua bang thupiang om lo hi, ci hi. Tua khitin Trump in Raffersperger kiangah a khuanung in court ah heekna na thuak kha thei (possible legal consequences) ding hi, ci-in vauna bawl hi.
Tua khitin Trump in, "Amaute in bang hih uh hiam cih na thei a, ahih hangin na report kei hi. Tua bangin report loh pen thukham palsatna (criminal offense) hi. Tua bang na piangsak thei kei ding hi. Nang leh na lawyer Ryan' adingin lauhuaina lian (big risk) mahmah hi," ci-in Raffensperger kiangah, "You know what they did and you're not reporting it. That's a criminal offence. You can't let that happen. That's a big risk to you and to Ryan, your lawyer," ci-in vau kik hi.
Tua khitin Trump in Georgia states ah Biden' votes ngah 2,473,633 lak panin amah extra extra votes 11,780 a piakna (suhsakna) a, Biden ngah sangin vote khat tam zaw 2,473,634 a piakna dingin Raffenserger' kiangah ngen hi. Tua khitin Raffensperger' kiangah Georgia state sunga vote kikhia khempeuh a sittel leh simphat kikna dingin nawhna bawl a, dawn'na mu nuamte tawh kipawl in la, dawn'na mu nuam lote tawh kipawl loin votes simpha kik in, ci-in "You can re-examine it, but re-examine it with people who want to find answers, not people who don't want to find answers," ci-in gen hi.
Raffensperger in, "Mr President aw, nang tungah information hong pia nangmah in na nei a, ko zong information hong pia ka nei uh hi. Thukhenna zum a tun' hong tun ciangin a thukhen thukhun zum hi. Ka numbers (votes results) uh ka din'pih uh kisam a, a number man hi cih ka um uh hi," ci-in "Mr. President, you have people who submit information and we have our people that submit information and then it comes before the court and the court has to make a determination. We have to stand by our numbers, we believe our numbers are right," ci-in dawng hi.
Sunday in Trump in a Twiiter post ah Raffensperger in voer fraud om hi ci-in ka ngawhna thu kician dawn'na leh hilhcianna hong pia lo hi, ci-in "He has no clue!" cih tweeted hi. Raffensperger in tweeted ah a dawnna ah,"Zaktakna tawh President Trump: Na thugen man lo hi (zuau hi). Thuman hong kilangkhia ding hi," ci-in a nuai-a bangin dawng hi.
— GA Secretary of State Brad Raffensperger (@GaSecofState) January 3, 2021- "Respectfully, President Trump: What you're saying is not true. The truth will come out." https://t.co/ViYjTSeRcC
White House in Trump leh Raffensperger' phone call recorded audio kikhahkhia dawn'na ding thei loin bangmah gen nei nai lo hi. Georgia ah Kamala Harris in Trump' comments pen "Thuneihna hangsan takin a khengvalin zatna ahih kei leh zatkhialhna hi," ci-in "A bold abuse of power," hi ci hi.
Moderate Republican Adam Kinzinger in zong a tweeted ah: "Hih pen kihtakhuai lua ahih kei leh lamdang lua hi. Election results dal a sawm Congress ah member khawmpeuhte aw, hih bang thu kipholakkhiat khit nungin ellection results dal theih ding hilo hi. Sia leh pha khentel theihna siangtho tawh gamta un," ci-in "This is absolutely appalling. To every member of Congress considering objecting to the election results, you cannot - in light of this - do so with a clean conscience," cih post hi.
November 3 presidential elections ah vote gukna om hi cih a kimankhia omsunte pen ama vote a khiat khit nungin a si khinsa a nu' vote khia-in, tua khit nungin a si khinsa a sungnu (a zi' nu or mother-in-law) kineihin mail ballot panin vote khiat a sawmin a mail ballot register dingin a rquest manin matna tuak Marple Township, Pennsylvania ah a teng Trump supporter leh Trump' adingin vote khia kum 70 mi Bruce Bratman hi. Delaware County District Attorney Jack Stollsteimer in Dec. 21 in a kimatna thu leh a tungah ngawhna (charges) thum kum 19 thongkiat theihna ding criminal cases a kifiled khit thu pulak hi.
Tua loin Bartman' tungah thukham palsat hi ci-in court in a criminal case a ngawhna (indictment or arraignment) ma-in October kha-in a si khinsa a nu kineihin Forty Fort, Pennsylvania ah a teng Republican pasal khat zong a nu min zangin absentee ballot application fill-up khat na kiman hi. Tua banah Chester County, Pennsylvania ah a teng registered Republican papi khat in November election ah a polling station ah a vote a khiat (casting in-person ballot) khitin a polling station ah sunglass bulin a mel a kitheih lohna dingin kisiamsia (disguise himself) a, a tapa min tawh register ballot khiat a sawm hangin matna na tuak hi.
Tua loin Georgia state sung bekah 11,780 votes a guk sawm hangin lawhsam napi-in American elections tangthu sungah vote gukna nasia pen a sawm Donald J. Trump in a votes gukna sawmna thu ama phone call voice clip panin kimankhia ta hi.
My Take: US elections tangthu sungah vote gu leh guk sawmin a kitheikhia omsun pen kua dang, mi dang leh sa dang hi loin a kithu-um sak pha diak se leh a kithumansak pha diak Republican kicite na hi zawsop uh hi. Guta, zuau gen leh mi thuman lote in mi khempeuh guta ding, zuau gen ding leh thuman lo dingin a ummawh leh ngawh uh pen amau ngeina leh a DNA uh hi lel hi. Thuman lo leh zuautatna leh zuau genna a gum ng mah in Trump pum gup ngam veve lai zen uh a, Khristian mite adingin makai muanhuai hi a ci lanlan Tapidaw hi loin TAKPIDAWI tam cihakin tam mahmah henhan zaw lai dep hi.
Sources: BBC and Forbes
@Thang Khan Lian #ZUNs reports
No comments:
Post a Comment