PRO-LIFE HI LOIN PRO-BIRTH

 

PRO-LIFE HI LOIN PRO-BIRTH

Ei khang adingin global health emergency a nasia pen Covid-19 pandemic suuksiat hun lai leh masks zat ciat ding hoih pen ci-in cidamna lamsang makaipite in a tangko lai takin nuntakna humbitna ding leh a virus kilawhsawnna dalna dingin a baihlam leh olsam pen ahi masks zat ding ut lo napi-in pro-life a kici lanlante in, "Keima pumpi ahih manin keima deihteelna hi. Mask ka zat nop kei leh keima thuthu hi," thau leh hiam tawi liangin anti-masks protests nei-in a kitomtom thei uh leh Fourteenth Amendment of US Constitution bulphuh in US Supreme Court in gay marriage leh abortion phalna a piakte in, "It's my body, it's my choice" a cih uh a lamdang hilo hi.

Neih kibang kitengte leh nauphiatte in kuamah dang a natna lawhsawn lo uh hi. Nang leh na innkuanpihte na kikep peuh leh nang pautauhna ding om kiuhkeuh lo hi. Neih kibang kiteen'na leh nauphiatna kilawhsawn theihna dingin huih lak panin a virus kilawhsawn theih hilo hi. Nangmah leh na innkuanpihte tungah kinga hi bek hi. Kuamah in nau na phiatna ding leh neih kibatpih tawh na kiteen'na dingin hong sawl lo, hong lawhsawn thei lo hi. A man takin ci le'ng pro-life a kicite pen pro-birth bek hi uh a, mi dangte nuntakna khualna nei kiuhkeuh lo napi-in mi hoih a kineihkhem leh Pasian' tutna tuhin mi dangte tungah thukhen nuam teng bek hi zaw uh hi.

“Pasian in note hong mawhsak lohna dingin m idangte va mawhsaksak nawn kei un. Bang hang hiam cih leh mi dangte’ thu na khen zia uh tawh kizui-in note tungah hong khen ding a, mi dangte tungah na zat uh ngeina mah note tungah hong zang ding hi. Bang hangin na lawmte’ mit sunga ninthem tang muhsak thei napi-in nangma mit sunga singluang tang phawk thei lo na hi hiam? Nangma mit sungah singluang a tang kimlai, bangci-in na lawmte kiangah, ‘Na mit sunga ninthem tang hong lakkhiatsak ning,’ ci thei ding na hi hiam? No a kineihkhem mite aw, note’ mit sunga singluang tang lakhia masa le-uhcin, na lawmte uh mit sunga ninthem tang na lakkhiat theihna dingun hoihtakin khua na mu thei pan ding uh hi. (Matthai 7:1-5)

- Thang Khan Lian