THEI LE'NG VAL LO
LEITUNGA DAILEN BUK TANGKHAT PENPEN SIBERIA KAWL AH OM HI
July 10: Leitunga dailen buk tangkhat penpen (loneliest toilet) leh a khauhpai khengval penpen (most extreme) hi ci-in a kiciamteh Siberia, Russia gam-a Altai mual tungah om hi. Hih dailen buk tangkat (lonely lavatory) omna mun pen tuipi mai (sea level) panin a sangna lam 2,600 metres (more than 8,500 feet) kawl ahih kei leh suang omna keen sang (cliff) ah ding velval ahih manin leitung adingin dailen buk a khauhpai khengval penpen (most extreme toilet) hi ci-in kiciamteh hi.
Altai Mountain, Russia gam-a Kara-Tyurek (local South Altayan pau in Black Heart a cihna) weather station ah ama guakin a tol om giugeu hih dailen buk 1939 kum in a bawl na kipan hi. Kara-Tyurek weather station outpost ah gal vil a om staff members pasal ngate dailen buk neihsun ahi hi. Mun simtham-a om Kara-Tyurek weather station outpost ah staff ngate kha sim in khat vei bek khuahun kaikhawm (weather data) ding bekin hih mun va pha zel uh a, a nek leh a dawn ding uh helicopter in puak hi.
Dailen buk tangkhat omna munah vuk a tam luat manin singkung po lo ahih manin mei dingin stove kizang hi. November 2013 in Daily News reports in a genna ah, a dailen buk survey a kibawl nunung penna ah Belarus' Interfax news agency in hih bangin gen hi ci hi: "A dailen pen a ithuai lo pen mun (most unromantic place) hi kha ding hi. Bang hang hiam cih leh leitung mun pawl khatte ah mite in a special ngiatin dailen buk bawl uh hi," ci hi.
Hih Siberia gam-a dailen buk-a va daileeng khate a dailen' khit zawh uh kum tam lo khit nungun a launa uh kuangkhia ahih manin leitung adingin dailen buk a khauhpai penpen (most extreme) hi ci-in kiciamteh hi. Hih Siberia gam-a dailen buk tawh kilehbulh in gen le'ng leitunga dailen buk tam man penpen (most expensive toilet) Hong Kong sunga om Swiss Horn Gold Palace hi ci-in kiciamteh hi.
Swiss Horn Gold Palace a kici a bawlna dingin gold (kham) tons (ton khat i cih 1,000 kg hi) thum a gik tawh kum bang zah hiam sung kilam a, a dailen buk baang leh tungte (walls and ceilings) kihelin gold tawh kibawl ahih manin a daileng dingte a lut ding ciangin khedap tuamna/dalna (protective footwear) a bulh loh uh kiphamawh hi.
Leitunga dailen buk kihtakhuai pen (scariest loo) hi ci-in a kiciamteh Mexico gam-a Guadalajara khua-a building dawl 15na (15th floor) ah open lift shaft ah kibawl hi. A dailen buk bawlte in a dailengte a kiat lohna dingun a dailen buk a tuam, a khuh ahih kei leh a tungtham a daldal (layer) glass tawh bawl uh hi.
Source: Daily News
Photos: Siberia gam-a om leitunga "most extreme lavatory" ci-in a kiciamteh dailen buk khauhpai penpen
No comments:
Post a Comment