SOCIALISM KICICI ANTI-CHRISTIAN HI TAKPI MAH HIAM?
Socialism cih kammal hong minthang khiasak Karl Heinrich Marx a pian 5 May 1818 ma kum 1000 kiim lai pekin Marxist na piang khin zo a, socialism cih kammal a kizat ma-in Christian masate in socialism na lim zuih mahmah uh hi. Socialism kici pen neih leh lamh neih khawmna hi cihna hi zaw bek a, angsung ding bek khual teta tuam loin neih bangbang neikhawm, sawkkhawm in nekhawm, hamphatpih khawmin kihuaikhawmna a cihna hi.Communism kici kammal a khiatna pen tangpi tangta kipawlna (social organisation) ah neih leh lamh khempeuh a hon a tengkhawm mite (community) in kitangin neikhawm ngeingai in, amau hih theihna leh kisapna (ability and needs) uh tawh a kituakin a ngah theihna dingun hawmkhiatna theory or system a cihna ahi hi. Communism kici anti-Christian hi cih pen zuau bulomtang thu leh mi' up theih dinga kiphuaktawm ahih kei kikhemna (propaganda or hoax) hi a, amau angsung ding bek a khuat nuam tentan masate, amau bek hauh cihtakin a hau nuam mite, summeet bawlna a ultungsak nuam capitalist kicite propaganda hi zaw hi.Lai Siangtho sung lim takin sim le'ng thu um mite (believers) in pawlpi a phuankhiat masakna uh pen Antiok (Antioch) khua hi a, Khristian na kici uh hi. Roman Catholic, Protestant hi ung na kici lo uh a, tuiphum pawlpi, tui theh pawlpi, full gospel pawlpi, Evengelistic pawlpi, Pentecostal pawlpi na kici lanlan sese lo uh hi. Lai Siangtho sungah Khristian cih kammal a kimuh masakna pen Sawltak sungah kimu masa hi."Tua ciangin Saul a zong dingin Barnabas pai a, Tarsas khua-ah a tung hi. Saul a muh ciangin Antiok khua-ah a paipih hi. Kum khat sung tawntung tua lai-a om pawlpi mite tawh amaute gel omkhawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi. (Sawltak 11:25-26)Thu um mi a kici Khristiante a kicite leh Khristian masate nuntak zia taktak pen socialism hi cih Sawltak sungah kician takin kimu thei hi. Khritian a kicite in socialism maw ahih kei leh capitalism koi na lim zuih zaw uh hiam?1. Thu um khempeuh kikhawlin omkhawm uh a, a neihsate uh zong a neikhawm uh hi. Amaute in a neih a lam teng uh zuak uh a, a sumte pen amau kisapna tawh kizui-in amaute lakah a hawm uh hi. Nisimin biakinn-ah kikhawm uh a, a innte uh-ah an nekhawmin, lungdamna leh kiniamkhiatna tawh a ne ciat uh hi. (Sawltak 2:44-46)2. Thu um mi khempeuh a lungsim uh leh a ngaihsutna uh kikhat uh a, kuamah in ama neihsa kei aa tuam ci loin, a neih khempeuh uh a neikhawm ciat uh hi. (Sawltak 4:32)3. Inn ahi a, lo ahi zongin a neite in zuak uh a, a sum ngahte uh sawltakte kiangah a ap uh hi. Mi khempeuh tungah a kisapna bang ciat un a sumte hawm uh ahih manin amaute lakah sum kitangsam kuamah om lo uh hi. (Sawltak 4:34- 35)Angsung ding bek a khual tentan, amau gilpi ding bek a ngaihsun leh sum leh paai meetbawl nuam Khristian mite lakah capitalist masa pen cih theih ding nupa na om uh hi. Amaute Ananias leh Sapfira-te nupa ahi uh hi. Socialism zuite sangin capitalism a lim zuih mahmah amaute nupa' nuntak zia ettehhuai masa takpi se mah ding hiam cih Lai Siangtho sung i et kik ciangin....Ahi zongin Ananias a kici pasal khat leh a zi Sapfira a kici, nupa kop khat om uh hi. A neihsa uh pawl khat zuak uh a, ahi zongin a zi tawh thukimin a sumte pawl khat im-in, a dang teng sawltakte tungah a va ap hi. Peter in, “Ananias aw, bang hangin Satan’ thu-in gamta a, na lo zuak man sumte pawl khat kem simin, Kha Siangtho khem na hi hiam? Tua lo na zuakma-in nangma aa hi a, na zuak khit ciangin a sum zong nangma aa mah ahi hi. Tua hi napi-in bang hangin tua bangin gamtat ding ngaihsun peuhmah na hi hiam? Mite a khem hi loin Pasian a khem na hi hi,” a ci hi. Ananias in hih thu a zak phetin thakhatin si-in puksukpah a, hih thu a za mi khempeuh a lau mahmah uh hi. Tua ciangin tangvalte hong kipanin puan tawh a luang tun uh a, puakhia-in a va vui uh hi.Tua khit nai thum bang ding ciangin a zi hong pai a, ahi zongin tua lai-a thupiang bangmah thei lo hi. Peter in tua nu kiangah, “Nang leh na pasal in na lo zuak man uh sum pen a vekpi-in hih zah mah ahi hiam, hong gen dih in,” ci-in a dong hi. Amah in, “Hi hi, tua zah mah hi,” ci-in a dawng hi. Tua ciangin Peter in tua nu kiangah, “Bang dingin na nupa-un Topa’ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmahah om uh a, nang zong hong puakhia ding uh hi,” a ci hi. Amah zong thakhat thu-in si-in Peter khe kiangah a puksuk hi. Tua ciangin tangvalte hong lut uh a, a sih khit lam a muh uh ciangin puakhia-in a pasal’ gei-ah a phum uh hi. Pawlpi mi khempeuh leh hih thu a za mi khempeuhte nakpi takin a lau uh hi (Sawltak 5:1-11) ci-in na kigelh hi.LST sungah socialism diktak a zuih manin gilkial a si leh Pasian' Kha Siangtho in a vatlup cih kuamah kimu lo hi. Jesuh leh a nungzuite in summeet na bawl uh a, Khristian masate in summeet na bawl uh hi cih a kigelhna kimu lo hi. Sawltak Paul in bel ama nuntakna dingin puanbuk (tent) bawlin na zuak a, Korin khua-a Khristian masa ahi Jew mi Aquila leh Priscilla-te nupa bangin puanbuk bawl a nungta hi bek hi (Sawltak 18:3).Khristian masate nisimin biakinn-ah kikhawm uh a, a innte uh-ah an nekhawm in, lungdamna leh kiniamkhiatna tawh a ne ciat uh hi. Pasian phat uh a, khat leh khat thupha kideihsakin a om uh hi. A neih a lamh uh neikhawm in, a nekkhawm hangun Pasian in nisimin hotkhiatna a ngah mi kibehlapsak tawntung hi. (Sawktak 2:46-47)Lai Siangtho sungah capitalism a lim zuih diak nupa kop khat - Ananias leh Sapfira-te Kha Siangtho in na vatlum hi cih kimu zaw hi. Tua ahih manin nang angsung ding bek khual luatna leh na neihsa kuamah tawh kitang nuam loin na tang neihtuam luat nop man leh na hauhna nang bekin ne-in na hamphatpih nuam luat manin socialism kici dawi hi na cih leh Khristian masate leh Khristian a kici thu um masate dawi a suahsak sawm na hi bek hi.Ananias leh Sapfira-te nupa na bat khak lohna dingin kidawm zaw in sanggam aw!!! Capitalism hoih na sak leh Ananias leh Sapfira-te nupa bang liangin huaiham khengval kei in la, zuauthu tawh Khristian masate nuntakzia socialism gensia-in awngawng se dah in. Leitung a bei dong capitalism a bei ngei loh bangin socialism zong bei ngei lo ding hi.Socialism kici kammal pen a kihta mi tam mahmah hi. Muh ngei loh Ngalkawhang bangin meidawi tengin kihta pha diak uh hi. 33th US President April 12, 1945 – January 20, 1953 kikal a sem Harry Truman (May 8, 1884 – December 26, 1972) in Oct. 10, 1952 in a thugenna ah hih bangin na gen hi:Socialism pen a a beisa kum 20 sungin mite khantohna dingin thakhauh tawh a deng a kitakhuai kammal (scareword) hi.Socialism kici tangpi tangta vangliatna;thuneihna (public power) a cihna uh hi. Socialism kici social security a cih uh hi.Socialism kici lokho mite laptohna dingin a huh (farm price supports) a cihna uh hi.Socialism kici sumkholna na sum koihte kamsiatna a tuah leh sum ngahna dingin kiciamna (bank deposit insurance) a cih uh hi.Socialism kici suakta takin nasem mite kipawlnate khantohna (growth of free and independent laboour organisations) a cih uh hi.Socialism kici mi khempeuh a huh ding khatpeuh genna min hi khin dektak hi, na ci hi.Socialism cih a kihta mite pen amau angsung ding leh gilpi ding bek a khuat nuam vanvan, amau bekin hamphatna ngah nuamin mi dangte in amau hamphatna tawh kikim a ngah khak ding uh a haza leh kihta leh Pasian in leitung mite hamphatna dingin a bawlte mi dangte ngahsak loin amau bekin keupi tawh a hawp gai nuam teng kihtak mahmah kammal hi."Leitung in mihing khempeuhte kitaangsapna hong pia (guan) zo a, ahih hangin mihing khempeuh duhhopna leh huaihamna hong pia (guan) zo lo hi." - Mahatma GandhiDisclaimer: A maan sunga mit limlang bulh Jesuh' lim na muh ciangin na zakdah ding ka thei hi. Jesuh in mit limlang bulh lo hi ahih kei leh bulh hi cih LST sungah laibu 66 sunga panin Thuciam Lui sungah a neu 23,145 om leh Thuciam Thak sungah a neu 7,957 om - a kigawmin a neu 31,102 om lak panin koimah ah kigelh kha lo a, Jesuh lim leh mel tawh kibang lianin a suai leh kem ahih kei leh maan zaih kuamah na om lo hi. Jesuh' lim leh mel puak zia taktak amah i muh ciang bekin kithei pan ding hi. Jesuh maan leh socialist ideology bulphuhte laan na muh ciangin na kitom nuam pah kha ding hi. Gam tuamtuamte in hih bangin amau laan tawh Jesuh' lim na nak zatkhawm khin lua lel napi-un na zadah tuan kei hi. Mihoih a kineihkhem (hypocrite) na hihna leh capitalism bek ultungsak nuamin Topa Jesuh nang bekin a bup lak nuam na hih manin a zadah na hi bek hi. Topa Jesuh nanga bek hilo hi.
Thang Khan Lian
Socialism cih kammal hong minthang khiasak Karl Heinrich Marx a pian 5 May 1818 ma kum 1000 kiim lai pekin Marxist na piang khin zo a, socialism cih kammal a kizat ma-in Christian masate in socialism na lim zuih mahmah uh hi. Socialism kici pen neih leh lamh neih khawmna hi cihna hi zaw bek a, angsung ding bek khual teta tuam loin neih bangbang neikhawm, sawkkhawm in nekhawm, hamphatpih khawmin kihuaikhawmna a cihna hi.
Communism kici kammal a khiatna pen tangpi tangta kipawlna (social organisation) ah neih leh lamh khempeuh a hon a tengkhawm mite (community) in kitangin neikhawm ngeingai in, amau hih theihna leh kisapna (ability and needs) uh tawh a kituakin a ngah theihna dingun hawmkhiatna theory or system a cihna ahi hi. Communism kici anti-Christian hi cih pen zuau bulomtang thu leh mi' up theih dinga kiphuaktawm ahih kei kikhemna (propaganda or hoax) hi a, amau angsung ding bek a khuat nuam tentan masate, amau bek hauh cihtakin a hau nuam mite, summeet bawlna a ultungsak nuam capitalist kicite propaganda hi zaw hi.
Lai Siangtho sung lim takin sim le'ng thu um mite (believers) in pawlpi a phuankhiat masakna uh pen Antiok (Antioch) khua hi a, Khristian na kici uh hi. Roman Catholic, Protestant hi ung na kici lo uh a, tuiphum pawlpi, tui theh pawlpi, full gospel pawlpi, Evengelistic pawlpi, Pentecostal pawlpi na kici lanlan sese lo uh hi. Lai Siangtho sungah Khristian cih kammal a kimuh masakna pen Sawltak sungah kimu masa hi.
"Tua ciangin Saul a zong dingin Barnabas pai a, Tarsas khua-ah a tung hi. Saul a muh ciangin Antiok khua-ah a paipih hi. Kum khat sung tawntung tua lai-a om pawlpi mite tawh amaute gel omkhawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi. (Sawltak 11:25-26)
Thu um mi a kici Khristiante a kicite leh Khristian masate nuntak zia taktak pen socialism hi cih Sawltak sungah kician takin kimu thei hi. Khritian a kicite in socialism maw ahih kei leh capitalism koi na lim zuih zaw uh hiam?
1. Thu um khempeuh kikhawlin omkhawm uh a, a neihsate uh zong a neikhawm uh hi. Amaute in a neih a lam teng uh zuak uh a, a sumte pen amau kisapna tawh kizui-in amaute lakah a hawm uh hi. Nisimin biakinn-ah kikhawm uh a, a innte uh-ah an nekhawmin, lungdamna leh kiniamkhiatna tawh a ne ciat uh hi. (Sawltak 2:44-46)
2. Thu um mi khempeuh a lungsim uh leh a ngaihsutna uh kikhat uh a, kuamah in ama neihsa kei aa tuam ci loin, a neih khempeuh uh a neikhawm ciat uh hi. (Sawltak 4:32)
3. Inn ahi a, lo ahi zongin a neite in zuak uh a, a sum ngahte uh sawltakte kiangah a ap uh hi. Mi khempeuh tungah a kisapna bang ciat un a sumte hawm uh ahih manin amaute lakah sum kitangsam kuamah om lo uh hi. (Sawltak 4:34- 35)
Angsung ding bek a khual tentan, amau gilpi ding bek a ngaihsun leh sum leh paai meetbawl nuam Khristian mite lakah capitalist masa pen cih theih ding nupa na om uh hi. Amaute Ananias leh Sapfira-te nupa ahi uh hi. Socialism zuite sangin capitalism a lim zuih mahmah amaute nupa' nuntak zia ettehhuai masa takpi se mah ding hiam cih Lai Siangtho sung i et kik ciangin....
Ahi zongin Ananias a kici pasal khat leh a zi Sapfira a kici, nupa kop khat om uh hi. A neihsa uh pawl khat zuak uh a, ahi zongin a zi tawh thukimin a sumte pawl khat im-in, a dang teng sawltakte tungah a va ap hi. Peter in, “Ananias aw, bang hangin Satan’ thu-in gamta a, na lo zuak man sumte pawl khat kem simin, Kha Siangtho khem na hi hiam? Tua lo na zuakma-in nangma aa hi a, na zuak khit ciangin a sum zong nangma aa mah ahi hi. Tua hi napi-in bang hangin tua bangin gamtat ding ngaihsun peuhmah na hi hiam? Mite a khem hi loin Pasian a khem na hi hi,” a ci hi. Ananias in hih thu a zak phetin thakhatin si-in puksukpah a, hih thu a za mi khempeuh a lau mahmah uh hi. Tua ciangin tangvalte hong kipanin puan tawh a luang tun uh a, puakhia-in a va vui uh hi.
Tua khit nai thum bang ding ciangin a zi hong pai a, ahi zongin tua lai-a thupiang bangmah thei lo hi. Peter in tua nu kiangah, “Nang leh na pasal in na lo zuak man uh sum pen a vekpi-in hih zah mah ahi hiam, hong gen dih in,” ci-in a dong hi. Amah in, “Hi hi, tua zah mah hi,” ci-in a dawng hi. Tua ciangin Peter in tua nu kiangah, “Bang dingin na nupa-un Topa’ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmahah om uh a, nang zong hong puakhia ding uh hi,” a ci hi. Amah zong thakhat thu-in si-in Peter khe kiangah a puksuk hi. Tua ciangin tangvalte hong lut uh a, a sih khit lam a muh uh ciangin puakhia-in a pasal’ gei-ah a phum uh hi. Pawlpi mi khempeuh leh hih thu a za mi khempeuhte nakpi takin a lau uh hi (Sawltak 5:1-11) ci-in na kigelh hi.
LST sungah socialism diktak a zuih manin gilkial a si leh Pasian' Kha Siangtho in a vatlup cih kuamah kimu lo hi. Jesuh leh a nungzuite in summeet na bawl uh a, Khristian masate in summeet na bawl uh hi cih a kigelhna kimu lo hi. Sawltak Paul in bel ama nuntakna dingin puanbuk (tent) bawlin na zuak a, Korin khua-a Khristian masa ahi Jew mi Aquila leh Priscilla-te nupa bangin puanbuk bawl a nungta hi bek hi (Sawltak 18:3).
Khristian masate nisimin biakinn-ah kikhawm uh a, a innte uh-ah an nekhawm in, lungdamna leh kiniamkhiatna tawh a ne ciat uh hi. Pasian phat uh a, khat leh khat thupha kideihsakin a om uh hi. A neih a lamh uh neikhawm in, a nekkhawm hangun Pasian in nisimin hotkhiatna a ngah mi kibehlapsak tawntung hi. (Sawktak 2:46-47)
Lai Siangtho sungah capitalism a lim zuih diak nupa kop khat - Ananias leh Sapfira-te Kha Siangtho in na vatlum hi cih kimu zaw hi. Tua ahih manin nang angsung ding bek khual luatna leh na neihsa kuamah tawh kitang nuam loin na tang neihtuam luat nop man leh na hauhna nang bekin ne-in na hamphatpih nuam luat manin socialism kici dawi hi na cih leh Khristian masate leh Khristian a kici thu um masate dawi a suahsak sawm na hi bek hi.
Ananias leh Sapfira-te nupa na bat khak lohna dingin kidawm zaw in sanggam aw!!! Capitalism hoih na sak leh Ananias leh Sapfira-te nupa bang liangin huaiham khengval kei in la, zuauthu tawh Khristian masate nuntakzia socialism gensia-in awngawng se dah in. Leitung a bei dong capitalism a bei ngei loh bangin socialism zong bei ngei lo ding hi.
Socialism kici kammal pen a kihta mi tam mahmah hi. Muh ngei loh Ngalkawhang bangin meidawi tengin kihta pha diak uh hi. 33th US President April 12, 1945 – January 20, 1953 kikal a sem Harry Truman (May 8, 1884 – December 26, 1972) in Oct. 10, 1952 in a thugenna ah hih bangin na gen hi:
Socialism pen a a beisa kum 20 sungin mite khantohna dingin thakhauh tawh a deng a kitakhuai kammal (scareword) hi.
Socialism kici tangpi tangta vangliatna;thuneihna (public power) a cihna uh hi. Socialism kici social security a cih uh hi.
Socialism kici lokho mite laptohna dingin a huh (farm price supports) a cihna uh hi.
Socialism kici sumkholna na sum koihte kamsiatna a tuah leh sum ngahna dingin kiciamna (bank deposit insurance) a cih uh hi.
Socialism kici suakta takin nasem mite kipawlnate khantohna (growth of free and independent laboour organisations) a cih uh hi.
Socialism kici mi khempeuh a huh ding khatpeuh genna min hi khin dektak hi, na ci hi.
Socialism cih a kihta mite pen amau angsung ding leh gilpi ding bek a khuat nuam vanvan, amau bekin hamphatna ngah nuamin mi dangte in amau hamphatna tawh kikim a ngah khak ding uh a haza leh kihta leh Pasian in leitung mite hamphatna dingin a bawlte mi dangte ngahsak loin amau bekin keupi tawh a hawp gai nuam teng kihtak mahmah kammal hi.
"Leitung in mihing khempeuhte kitaangsapna hong pia (guan) zo a, ahih hangin mihing khempeuh duhhopna leh huaihamna hong pia (guan) zo lo hi." - Mahatma Gandhi
Disclaimer: A maan sunga mit limlang bulh Jesuh' lim na muh ciangin na zakdah ding ka thei hi. Jesuh in mit limlang bulh lo hi ahih kei leh bulh hi cih LST sungah laibu 66 sunga panin Thuciam Lui sungah a neu 23,145 om leh Thuciam Thak sungah a neu 7,957 om - a kigawmin a neu 31,102 om lak panin koimah ah kigelh kha lo a, Jesuh lim leh mel tawh kibang lianin a suai leh kem ahih kei leh maan zaih kuamah na om lo hi. Jesuh' lim leh mel puak zia taktak amah i muh ciang bekin kithei pan ding hi. Jesuh maan leh socialist ideology bulphuhte laan na muh ciangin na kitom nuam pah kha ding hi. Gam tuamtuamte in hih bangin amau laan tawh Jesuh' lim na nak zatkhawm khin lua lel napi-un na zadah tuan kei hi. Mihoih a kineihkhem (hypocrite) na hihna leh capitalism bek ultungsak nuamin Topa Jesuh nang bekin a bup lak nuam na hih manin a zadah na hi bek hi. Topa Jesuh nanga bek hilo hi.
Thang Khan Lian
No comments:
Post a Comment