AMERICAN PRESIDENTS LAK PANIN PRESIDENTIAL SALARIES DONATIONS ADINGIN PIATE LEH TRUMPISM POLICIES
Trump in coronavirus dona dingin a khasum $100,000 piakhia hi. A thupi khat hi sam mah hi. Amah hun ma-in American presidents hunkhop in a khasumte huhna dingin na pia uh a, ama gen bangin George Washington leh amah bek hilo hi. Zan diakin zong lasak siam Taylor Swift in Tennessee state sung huihpi hat tornadoes nih in a nawkna hangin dongtuakte huhna leh a suksiatsate a lamkikna dingin donation in $1 million na pia hi.
Obama in term nih (kum giat) sunga a presidential salary $3.2 million lak panin $1.1 million charitable causes adingin na pia hi. Tua banah 2009 in Nobeal Peace Prize winner a ngah manin a sumtang in $1.4 million organizations tuamtuam sawm tungah na pia hi. US presidents lak panin a hau mahmah John F. Kennedy leh Herbert Hoover in zong in a khasum uh donations adingin na pia uh hi. A beisa kum 40 sungin US presidents Jimmy Carter, Ronald Reagan, Bill Clinton, George H.W. Bush, George W. Bush cihte in zong a businessess uh zuak ahih kei leh blind trust adingin na pia uh a, a businessess uh independent trustee magage dingin na laih uh hi ci-in The Registered Guard report in a nuai-a link ah sim theih in gen hi.
Gam lianpi a nei mihau (wealthy landowner) American president masa pen George Washington in a khasum pen executive branch makai leh lutang ka hih manin ka khasum ka la kei ding hi ci-in na nial masa ngei hi. Congressional thuneihna leh thupiakna (mandate) ah president in a khasum a lak ding ding hi cih thukhun om bangin a tawpna ah $25,000 bek a presidential duties min dingin la hi. Washington in military services in a sep sungin zong a paycheck na la lo hi. Gam adingin kipiakkhiatna lak panin a ettehhuai mahmah gam makai ahi hi.
31st American President leh multimillionaire Herbert Hoover pen American executive in chief dingin a presidential salary or income (paychecks) bup la nuam loin a nolh (refuse) masa pen hi ci-in kiciamteh a, a paycheck charitable causes adingin pia hi. Congressional mandate ah presidential salary lak ding cih thukhun om ahih manin a staff-te piak ding tang bek na la hi ci-in kiciamteh hi.
1961 kum in president len leh 35th American president John F. Kennedy in a presidential salary bek hi loin Congressman leh Senator paychecks zong donation adingin piakhia ahih manin a khasum piakhia ngamte lak panin a thupi pente lakah khat suak hi. Kennedy innkuan hauhna pen a sumtang in tuatin tua hun in $1bn hi a, $10 million trust fund JFK adingin pia hi. Kennedy in a beisa kum sawm thum hun lai-in Hoover' thukhensatna bang na etteh in gamta a, charity dingin a paycheck pia a, a tam ngah pente lakah Boy Scouts and Girls Scouts of America, the United Negro College Fund leh Cuban Families Committee kihel hi. Public entertaining bawlna ding bekin president ahihna tawh $50,000 expense account bek la hi.
Tu lianin US president khasum pen kum sim in $400,000 banah additional $50,000 expense account hi. Trump in a campaign lai-in a kamciamna bangin kum khatin a khasum $400,000 lak panin $100,000 quarterly amounts National Park Service leh departments of Education, Health and Human Services, Transportation leh Veterans Affairs adingin ka pia ding hi ci-in ciam hi. A ciam bangin a piak pawl khat a om hangin a piakna records kician takin muhna ding om lo hi.
Trump in US presidential history adingin George Washington khit nung ka kha sum ngahte donations in a piakhia masa ka hi hi a cih niloh pen ama ngeina bangin a kipumphatna leh zuau thu hi. Nung kum in makai kum ciangin G7 summit ama resorts ah a zindo ding vai a kidotna ah Trump in ka kha sumte National Park Service, Department of Education, Department of Veterans Affairs, Small Business Administration, Surgeon General's office leh Department of Agriculture ah ka pia hi ci-in dawng napi bang zah pia hiam cih gen lo hi ci-in November 29, 2019 in Politico news in suaksak hi. Trump in a khasum donation adingin ka piakhia hi ci-in kuamah hih ngei lo ahih bang keekin kisialhpih mun mahmah khinzo a, US president luite in donations adingin a piakna thute a za ngei lo tengin thupisa diakin pumphat tuam se den keei uh hi.
Donald Trump in coronavirus virus dona dingin a khasum $100,000 donation in piak ciam kik hi ci-in New York Post in suaksak hi.
Trump in a presidential salary quarterly payments $10,000 piak dingin a ciam teng a piak takpi leh a suksiatsa teng bawlphatkikna dingin ik ah a nam zo diam cih na ngaihsun kha ngei hiam?
Trump’s budget request in Congress kiangah budget a ngetna ah kum sim in annual funding cuts ding zah hih bang hi:
- $167,000,000 - Health Preparedness and Response a zat ding $167,000,000 cut ding hi.
- $175,000,000 - Centers for Disease Control a zat ding $175,000,000 cut ding.
- $3,000,000,000 - National Institutes of Health a zat ding $3,000,000,000
Tua banah Obama in president a let lai-in golf kimawl mun lua a, American siah piate sum (taxpayers money) phengzat hi ci-in a ngawh mun mahmah banah presidential campaign a bawl lai-in president cing leh Obama bangin gamta lo dingin kamciam hi. Ahi zongin a kamciam tampi a peelte lakah Obama sangin November 2019 dong president a let khit nung golf a leh 2.5 a tam vei zaw kimawl khinzo zaw ta hi. Trump in $10 million tawh a lei Mar-a-Lago, Palm Beach, Florida ah golf kimawl dingin a kuanna in leh a hun zatna tengin American tax payers money $113.7 millions kiim phengzat mang khin ta ahih manin a golf kimawlna a sum bei teng kum 334 sung American presidents khasum ding phengzat khinzo ta hi cihna suak hi.
Piakkhiatna zah leh zat khiatna zah a leh 334 valin tam beisak zaw leng Make America Great Again (MAGA) cih a taktak suah baih ngel ve maw? Kam beembeem in MAGA mah in ci-in otot pong ding hih tuak mawk hi.
@ Thang Khan Lian # ZUNs
No comments:
Post a Comment