TANGVAL SAM SAU PA' TANGTHU TOM

TANGVAL SAM SAU PA' TANGTHU TOM

Khua khat-ah tangvalno khat sam sau mahmah leh thadah mahmah khat om a, a duh a ngah leh a deih teng a pa' kiangah ngen in kiphin den keei hi. Ni khat...

Tangval: Pa aw, ka nungak helna ding leh ka vakna mun teng ah nungakte ka puak kawikawina dingin motorbike (motorcycle) khat hong leisak in. Nong leisak mateng na tapa ka hi nawn kei ding a, "pa" kong ci nawn kei ding hi.

A pa: Na sam va meet phot o leh. Tua khit ciangin dam in ngaihsun ni.

Tangval: LST sunga mi minthang mahmah Samson' sam zong a sau mahmah a, Jesuh' sam zong sau mahmah hi.

A pa: Nang Samson leh Jesuh na hih lopi...

Tangval: Amau ka hih loh hangin amau etteh in, amau bangin ka sam ka khoisau hi. Motorbike hong leisak in ka ci ve deemdaam.

A pa: Aw hi maw, amau bangin a sam sau uh etteh na hih leh amau hun in zong motorbike zang sese loin a khe uh tawh lampai uh hi. Amau mah na etteh lai phot o boihboih.

Moral: I kizep i kipuahzia, i gamtat i luheekziate midangte a etteh i hih leh amau mi zia leh tong zong etteh sawm pah ni. Lai Siangtho thu um i kicih leh Lai Siangtho kammal sunga kigelhte bangin gamta ni. Christian i kicih leh Jesuh Khris bangin thuman in gamta in, itna nei in, mi zawng daipaamte, cimawh genthei, cinate it in kem ni. I gamtatna panin Jesuh liim leh mel kilangkhiasak ni.

Eimen?

@ Thang Khan Lian #ZUNs