PAWLPI MAKAI, SIATE LEH LEH PAWLPI MITE ZIA GENTEHNA TANGTHU

PAWLPI MAKAI, SIATE LEH LEH PAWLPI MITE ZIA GENTEHNA TANGTHU

Khalkhate sermon khatah ciamnuih kidemna thu a genna uh lungngaihhuai tham mahmah ka sa hi. Tua ciamnuih kidemna ah finalist mi giat kahzo uh a, tuate lakah pastor sem khat kihel kha hi. Ciamnuih gen leh a action piah limlim uh zong siam thei lua uh ahih manun kidemna saite in khatna piak ding thei zo loin a tawpna ah bawng khat hong kai lut ngawngaw uh hi. Ciamnuih kidemna en len ngai mi tampi om ta se leh 'Hih bawng a nuisak, a kapsak leh a taisak zo penpen khatna hi ding hi," ci-in a saite in thukhensatna hong bawl ta uh hi.

Midang sagih tengin a hanciam theih zah un a hanciam keeikaai hangun bawng nuisak zo lo, kapsak zo lo, taisak zo lo uh hi. Tua leh a tawpna dingin pastor pa zong a bawng nuisak, kapsak leh taisak sawm ding hong kipan ta hi. Pastor pa in bawng bil ah thukhat va gen siausiau a, a bawng hong nui fefa mawk hi. Tua khit ciangin a bawng bil lang khatah thukhat a huau sim siausiau kik leh a bawng hong kap nena mawk hi. A thum veina dingin bawng bil ah thukhat kuamah zak loh dingin thu va gen nawn a, a bawng kitawmin taimang hi.

Mipite in lamdangsa in, bawng bil ah bang gen na hi hiam? Na gen masak in nui a, a nih veina ciangin kap a, a thumvei na gen ciangin diangin taimang hi. Bang gen peuhmah na hi hiam ci-in mipite in dong uh hi.

Pastorpa in zong a gen thute mipi kiangah hih bangin hong genkhia ta hi:

• A masa a ka gen pen: "Ko pastor leh Pasian na semte pen mite in mihoih dingin hong um uh hi," ka ci hi. (Bawngin mihoih leh hoih lo theitel lua ahih manin a nuihza lua-in nui fefa hi)
• A nih veina ka gen pen: "Pawlpi mite in tu ni-in makai dingin hong teel uh hi. Zing ciangin ka ginat lohna uh tangkopih pah uh hi," ka ci hi. [Bawngte in a pute (makaite) nung phun lo pau loin zui-in a sawlna bangbangin pai uh a, nial sese lo, gensia lo ahih manin bawng kap hi]
• A thum veina ka thugen pen: "Ko pastor leh hunbit nasemte in Pasian na sem zo nawn lo ka hih manun no bawngte in Pasian na hong sem ta un ka ci hi," ci hi. (Mihingte kianga Pasian nasep ding bawng zong ngap lo ahih manin kitawmin taimang hi)