TRUMP IN IMMIGRATION LEH FEDERAL SPENDING BILL VOTE KHIAT MA-IN DEMOCRATS PARTY "SHUTDOWN" VAI TAWH KISAI HANGIN PHIN KIK
Jan. 22: US President Donald Trump in US federal government shutdown hangin Republicans leh Democrats partyte kial ah kikhenna kha mahmah bawlphatna ding a kihanciam laitak leh shutdown beisakna ding nakpi takin hanciamna a neih laitak un zan in Democrats party phin kik hi. "Republicans ten i galkapte leh i gamgi bitna ding nakpi takin a dona muh ding thupi ka sa hi. Democrats ten thukham palsat a US gam-a lut gambeelte (illegal immigrants) tui banga hong luanglut thudon lo uh hi," ci hi.
Trump in Senate Republicans makai ten thukhun haksa nuclear geelna (procedural maneuver known as the “nuclear option”) kici US Senate ah thukhun laih a, buget thukimna bawl theihna dingin Republicans ten simple majority tutna a nei uh 56 (51 votes) zanga shutdown beisakna dingin thukhun laih dingin nawh hi. Ahih hangin hih bang "nuclear option" kizatna hangin a beisa hun ah lungkim lohna piangte Republican makai ten mangsia bangin phawk kik uh a, Senate ah Democrats ten simple majority hong ngah le uh budget thukimna bawlna Republicans party thukimna loin kibawl thei ziauziau ding hi cih lunghimawhna lianpi nei uh hi.
“Thukimna piang thei loin Senate ah vote tam zaw ngah zo om lohna (stalemate) a om zom kik leh Republicans ten 51% (Nuclear Option) zangin vote taktak piangsak a, sawtpi khom ding term budget bawl ding hi. #NoC.R.’s!” cih Trump in a Twitter ah tuangsak hi. Zanhal nitakin top Senate Republican leh Senate a Republicans majority makai Mitch McConnell in immigration leh federal spending bill vote khiatna Monday (US timing adingin zing ciang) in vote khiat kikna neih ding leh Sunday in Congress ah innpi nihte (House of Representations leh Senate) tut kik kipat ding hi ci hi.
Tu lian-a Congress innpi nihte party nihte kituah lohna leh kikangtuahna nasia om pen phalna nei gambeelte (undocumented immigration) vai ahi hi. Republicans ten DACA tawh Us lut khangno 800,000 omte lak panin Democrats tawh meeting ah thukimna a neih bangun tua huhna sum a kipiak leh House a bill nihte gup ding thukim uh a, Republicans ten US-Mexico gamgi a kulh cian'na ding sum beite immigration reform ah kihelsak a, sum zat ding kalh uh hi. Democrats ten kulh cian' ding vai Trump' campaign kamciamna hi a, federal government in immigration reform bill ah kulh cian'na ding sum kizang lo ding a, tua pen Trump' kulhbaang (Trump wall) hi a, ko kulhbaang hilo hi ci-in pang uh hi.
Democrats ten Republicans in thukimna a pian' theihna dingin gu helin Trump' populism bulphuh pasan in DACA tawh undocumented immigrants khangno 700,000 huhna sum piak dinga thukimna kinei khinsa funding programme zat ding kici panin kidok kik uh a, hong kipatna uh a gamte uh-ah puak kik ding hanciam uh hi ci-in mawhpaih uh hi.
#Behlapna: Trump' nuclear option vs Senate a de facto law om theih dinga kilawm: Senate ah tutna 100 om a, Republicans ten tutna 51 nei uh a, Democrats ten tutna 49 nei uh hi. Budget thukimna resolution passed theihna dingin vote 60 kisam hi.
Source: Agence France-Presse
@Thang Khan Lian #ZUNs
@Thang Khan Lian #ZUNs
No comments:
Post a Comment