REPUBLICAN JEFF FLAKE IN TRUMP LEH STALIN TEHKAK

REPUBLICAN JEFF FLAKE IN TRUMP LEH STALIN TEHKAK

Jan. 18: US President Donald Trump in media a gal bawlna hangin Senate innpi sungah Republic Jeff Flake in Trump in media a bawl dan pen Soviet Union dictator Stalin tawh kibang hi ci-in a tehkakna thu gen hi. Brigham Young University panin graduate ngah, politics ah a kibual ma-in South Africa gam-a Church of Jesus Christ of Latter-day Saintsand pawlpite Mormon missionary sem, Namibia a Foundation for Democracy ah Executive Director, Goldwater Institute ah Executive Director leh Arizona Republican Jeff Flake in Senate ah President Trump in media "fake news" leh "thuman laihna" (alternative facts) leh "American mite gal hi" ci-in a phin gige manin Stalin tawh kibang hi ci a, "2018 kum pen thuneihna a thanemsak langpang beina leh thudik;thuman kum hita hen," ci hi.

A beisa hun in zong Flake in Trump na to (challenge) mun mahmah a, President' statements leh kei aa hi ci teitei a kal tentan, ama aa ahihna ci-a genna (claims) hang leh amah a to ngam peuhmah vauna a bawlna hangin American institutions tuamtuam ah mipite gumna ngah loin luangkhia (eroded) sak hi ci hi. "A suakta mite leh tangpi tangta kipawlna suaktate to ding leh mun khempeuh ah suahtakna to dingin upadi zuih teitei ding cih deih a gam uk (authoritarian) hun ah ki-om hi. Thuneihna len minnei khatin media "fake news" a cih ciangin press/media zuau;bawltawm; thuzuau gen dingin uphuai loin a ci pa zuau gen dingin ummawhhuai zaw hi," ci-in gen hi.

Trump vs the media

Trump in a zum ah a tut a kipanin mediate gal bawlin to den in gal na pulakkhum hi. Trump in a Twitter ah reporters tampi leh newspaper tuamtuamte (news outlets) ngim in na nei mun mahmah a, "fake news" or "fake media" na cihsan mun mahmah hi. Hih thu hangin March kha-in Trump in media suahtakna ngim in a neihna United Nations Human Rights High Commissioner in a lunghimawhna thu na gen hi.

Republican Senator ahi leh US President tuh ngei John McCain in zong Senator Flake' ngaihsutna gum a, zan in news editorial page ah, "Leitung bup-a reporters ten vauna; totna (intimidation) thuakin, ngong bawlna; thatang zat khum dingin vauna tuakin, bawlsiat ding leh buaisak;lunggimsak ding a tuah ban uh-ah thah dinga vauna a tuah ban uh-ah thuman betdaihna dingin government in media ukkhum; ciantan'na (censorship) bawl khum hi," cih gelh hi.

White House in President Trump' gamtatna gum a, White House press secretary Sarah Huckabee Sanders in, "Media suahtakna kigum a, thu kizaksaktuahna ding tha kipa hi. Tua bangin media suahtakna ding leh tha piakna kinei lo hi ci-a ngaihsutna pen nuihzakhuai hi," ci hi. Trump in media a langbawlna kampau leitung bup mi tampi a etteh banah Philippines President Rodrigo Duterte in Philippine news website in Duterte' government hoih lohna a gen manin "fake news" hi na ci hi.

Jeff Flake in Stalin in journalist-te pen "mipite gal hi" a cih bangin Trump' gamtatna pen kumpi gilo (despotic) tawh kibang hi ci hi. Trump in media tuamtuam leh journalists tampi muitum in nei-in a ko gawpgawp hangin media leh journalists ten a nasep uh leh Trump' hoih lohna a gente uh dai tuam lo hi.

Source: Vox News; The New York Post; ABC; The Week; The Guardian; Financial Times; The Slatest; Al Jazeera
@Thang Khan Lian #ZUNs