TRUMP' ADINGIN NISIM NUNTAKNA PEN AMAH LEH AMAH KIDOPNA DINGA GALDONA HI

TRUMP' ADINGIN NISIM NUNTAKNA PEN AMAH LEH AMAH KIDOPNA DINGA GALDONA HI

Dec. 11, 2017: Zingsang sim nai 5:30 am kiim pawlin US President Donald Trump tho-in White House' master bedroom ah TV hong a, TV en in tu hi. News a et ciangin CNN news channel hong masa a, tua khit ciangin a thangahna ding leh messaging ideas a ngahna dingin “Fox & Friends” en a, khat veivei MSNBC’ “Morning Joe” en thei zel hi. Thangah leh hehna ding ngah thuah kawmin Trump in a iPhone man hi. Khat veivei a lukham ah kingam in Twitter ah a tweets khahkhia hi ci-in amah huh nasem (aides) ten ci uh hi. To loin a giahna dei kianga kongkhak panin tweets a, tua mun-a TV dang om pen hong in en hi.

A zum ah a tutna kum khat cing ding hita a, Trump in President hih bang cihna hiam cih genphatna bawlbawl (redefining) lai hi. A zum pen Hillary Clinton a zawh manin letsong/thaman (prize) a ngah bangin ngaihsun a, ahih hangin a letsong ngah a kep leh humbit kul hi. A thu phawksim in Twitter pen a thahatna Excalibur suak hi. Ngaihsutna mel nei loin a vak kawikawi in a Twitter ah vauna leh lungkim lohna a khahkhah (bluster) hangin a pualamte muhna bang leh minsiat sak nopna awlmawh loin amah leh amah leitung stage ah a thahat pen (titan) bangin kingaihsun hi ci-in ama advisers 60 interview na pan, leh a lawmte leh Congress a members ten ci uh hi.

A beisa hun palsatna:

US Presidents luite adingin nisim pen pawl sung pan-a lengkhiate/kikhennate (factions) bek hilo in a gam uh bangci makaih ding, meetna (interests) kidemna a kikimsakna dingin bangci bawl ding cih kisitna;ze-etna (tests) hi. Ahih hangin Trump' adingin nisim pen naikal khat khit khat pen amah leh amah a kidopna/kikepna dingin galdona (every day is an hour-by-hour battle for self-preservation) hi. Nung kum kiteelna ah Russia kigolh in cing hi ci-a paihkhiatna dingin ngawhna vai ah Robert Muller in thukanna a bawl lai hangin nung kum kiteelna vai thukhenna ah awk (re-litigates) lai hi. Trump' tawh kineel leh kinaih ten Trump in nisim in TV mai-ah a hun naikal li, khat veivei tua zah nih (8hrs) a hun beisak a, khat veivei TV aw ging loin (mute) in en a, cable news galdo in news sunga a thu zakte lehdo/kap kik (fire back) hi ci uh hi. "(Presidential election 2016 ah Russia' kigolhna thu ngawhna man hi cih kimukhia nai lo) Trump in kiteelna ah a gualzawhna kineumuh sak bangin tuat hi," ci-in Sen. Lindsey Graham in ci hi.

Modern US President lak panin Trump a minthang lo pen leh min hoih ngah lo pen hi a, tu ciangciang a nasepna 32% bekin thukimpih uh ci-in a nunung pen Pew Research Center poll ah mi thukimpihna ngah hi. Ahih hangin President luite sangin a min kiza zaw hi. Tu lai takin siah khiam sakna (tax cut) ding leh Obama' health care programme phiat ding a hanciam laitak hi. Obama administration hun a US economy kah/khangto luahsawn a, Muslim gamte lutsak lohna dingin a travel van policy kizang ta hi.

A makpa pa leh a senior adviser Jared Kusher in a lawmte kiangah kum 71 mi Trump' zia leh tong kilaih ngei lo ding a, a zum a hun bei ma-in nusiatsan kha thei hi ci hi. Ahi zong tua bang a genkholh a kimkhat bek man a, Trump in a presidency draw in a omna dingin buan (wrestled) hi. Aksi li tawh general pension leh White House chief of staff John F. Kelly in amah leh amah kithunun zawhna/ki-uk zawhna (disciple) dingin buai mahmah kawm in nisim in naikal 14 na a sep hangin lawhcin'na ngah den lo hi. Trump in nisim in Kelly phone in 12 vei bang ho den a, geelna hilhna hoih piakna (policy advice) ngen den hi.

Trump heh vatvat (rage) mun luat manin a zaa letna tawh kituakin ahihna neusak hi. Oval Office sunga private hun/a innkuanpihte leh a tate tawh hun a zatkhawm ciangin mipi lak sangin aw nem zang zaw hi. Ahih hangin a beisa kalte a kipanin Russia tawh Trump campaign uliante kiteelna ah kigullukna ngawhna thukanna nei Robert Muller in Trump campaign ulian luite mawhna a muhkhiat khit nungin Trump leh a tanaute kikal nawngkai sakin nasak (hurt) hi ci-in Trump' lawm ten muhna nei uh hi. Trump tawh kikhawlkhawm den leh kiho mun ten Trump omzia pen a lamdang sih theihna omzia (surprisingly fatalistic attitude) hi ci-in pawlkhat ten gen uh hi.

Naikal 5-6 kikal sung a ihmut khit ciangin a TV' aw hong ging kik a, tua khit ciangin a iPhone la-in galdo kipan kik hi (a Twitter ah ot kipan kik a cihna).

(Maggie Haberman leh Glenn Thrush in US daily news New York Times ah a gelhna panin hong kitei sawn hi. A news thulu pen: "For Trump, each day is a battle for self-preservation" hi)

Source: The Hindu

@Thang Khan Lian #ZUNs