OBAMA IN IS-TE TRAINING PIA DINGIN ORDER PIA: DECLASSIFIED DOCUMENTS

OBAMA IN IS-TE TRAINING PIA DINGIN ORDER PIA: DECLASSIFIED DOCUMENTS

July 5, 2017: Government watchdog Judicial Watch in US Department of Defense leh State Depart in thusim poimawhte (classified documents) laidal 100 mipi theih dingin tuate pholakkhia (declassified) in suaksak (published) hi. Hih thusim kipholakhia lai poimawhte pen US federal lawsuit panin kingah a, agencies news in suaksak hi. Tua ah Syria nisuahna lam ah 2012 in US in Syria kumpi daangkoihna ding leh laihkhiatna ngimna tawh ISte a piangsak hi ci hi.

US intelligence documents in US leh a pawlte (coalition allies) pawl khat in Syria kumpi Assad lehdo dingin IS na piangsak uh hi cih upmawhna man mah hi ci hi. Ahih hangin tua bek hilo in Central Intelligence Agency (CIA) contractors leh CIA members pawl khat zangin Jordan gam-a CIAte' facilities-te ah ISte galvan leh training na pia uh hi.

Examiner reports in a genna ah Defense Intelligence Agency (DIA) documents kimu khat ah President Obama leh US leh a pawlte President pawl khat ten Syria President Assad' ukna a tuk theihna dingin Syria nisuahna lam ah Salafist organization (ISte a pawlte) piansak ding na vaihawm uh hi cih kimu hi ci hi. Tua pen Syria kumpi langpang (opposition) gumte deihna lian hi ci-in DIA report ah tuang hi. Salafists i cihte pen Sunni Muslim ngongtat nakpi a kikhelna deih (radical Sunnis) leh Saudi Arabia gam pan-a piangkhia Wahahi sect kicite ahi hi.

Classified documents sunga thu kiselsimte pen theih dingin Obama administration in US Central Command (CENCOM), Central Intelligence Agency (CIA), Federal Bureau of Investigation (FBI), Department of Homeland Security (DHS) leh amau directorates, State Department leh amau tawh kizopna nei agencies tuamtuam tungah a zaksak hi a, mipi theih dingin kikoih lo hi. (Obama administration bei ta ahih manin hih thu hong kipholakhia thei pan ahi hi).

US military intelligence ulian ten zong Syria gam ah tualgal piangsak beh leng Iraq gam-a kumpi dengdel khinsa adingin thuakhak lua ding hi ci-in na awlmawh uh hi. US intelligence analysis ten Syria ah tualgal piangsak leng Iraq gam-a Mosul leh Ramadi ah al-Qaida in Iraq (AQII) hong hat kik ding hi ci-in genkholh uh hi.

DIA report in IS in amau tawh kipawl terrorists ten Iraq leh Syria gam ah IS ten kumpi gam (caliphate) kibawl hi ci-in hong tangkokhia ding uh hi ci-in a genkholhsa mah bangin Obama administration in “core al-Qaida” ci-in a ciamteh al-Qaida in the Arabian Peninsula (AQAP) leh ISte hong kipawl in, IS ten Syria leh Iraq ah Mosul leh Raqqa pansan in Islamic caliphate hong tangkokhia takpi mah uh hi .

Tu-in declassified document ah thu kimute ah US, EU leh gamdang pawl khat ten IS sunga ngongtat diak Muslim extremists kicite Syria kumpi laihna dingin gal dona dinga van poimawh (strategic asset toward regime change in Syria) in na tuat uh cih kimu hi. Tua mah bangin IS hong piankhiat a kipanin Iraq tu dong buai den a, June 2014 panin Syria buai hong nasia hi.

Judicial Watch in first official documentation declassified a muhna ah Obama administration in Libya gam-a Benghazi khuapi panin rebels galkapte zat dingin galvan a lomlom in a kuakkhiatna thu zong na thei a, tua loin IS, al-Nusra Front leh Syria gam-a Islamist terror groups tuamtuamte tungah tua galvante a kipuakna thu zong lim takin na thei hi ci hi. October 2012 report in Libya kumpi a tuk khit nungin galkapte galvante pen Benghazi panin Banias teembaw khawlna ah kipuak a, tua panin Syria gam-a Borj Islam teembaw khawlna ah kipuak hi ci hi. 2012 August kha tawp kuan a kipanin galvan kipuakhiate pen a tam zaw Sniper rifles, RPG’s, 125 mm missile leh 155mm howitzers missile ahi hi. Tua bangin galvan kipuakkhiatna ding leh Syria kumpi laih ding rebelste zatna dingin US ten thusiam tak leh ngiamsiam takin a vaihawm hangun US diplomatic mission kisuamna hangin American li in a luang kham uh a, tuate lakah Libya a US Ambassador J. Christopher Stevens zong kihel hi. A dangte pen US Foreign Service Information Management Officer Sean Smith, CIA contractors Tyrone S. Woods leh Glen Doherty hi a, CIAte 10 in liamna tuak hi.

US leh a pawl NATO ten Libya a simna hangin leikhamang Gaddafi ukna October 2011 in tuk a, tua khit US leh a pawl pen Libyan Army phiat uh ahih manin kum khat sung phial September 2012 dong Libya galkapte galvante Benghazi ah kikholhkhawm (stockpiled) hi. Tua mun panin Syria ah hong kipua lut ahi hi. Intelligence report in a genna galvante Benghazi teembaw khawlna panin Syria gam-a teembaw khawlna phual khempeuh ah teembaw tawh a lomlom in ka puak uh hi ci-in uliante kiangah classified documents a khak uh Judicial Watch in hong pholkakhia (declassified) documents panin hih bang thu kimu hi.

#Bottom line: US ulian leh intelligencies tuamtuamte thuman loin a gamtat hangin amau gamtatna sulnung teng mah Judicial Watch ahih kei leh Justice Department in hong pholakkhia veve lel hi. CIAte headquarter Sept. 11, 2012 in a kisuamna hangin Americans li a sihna na muhnop leh "13 Hours" kici 2016 kum a Hollywood film kibawl en le uh cin thal lam cit siat politics hoih lohna na mit uh keuh tuam ding hi. Hillary Clinton in Secretary of State a let lai hi a, akta duk dawl kilawh khuh i cih bangin US kiteelna ah a zawh ding kim lai Trump lel hiau hi.

Source: Your News Wire (by: Carol Adl Writer at Your News Wire telsiamna dingin tawm hong kipuahpha hi bek hi)
@Thang Khan Lian