US IN RUSSIATE' AIR DEFENSE SYSTEM S-300s LEH S-400s NGIAN ZANGA KHEMNA DING BAWL SAWM IN BUAI NGEINGAI

US IN RUSSIATE' AIR DEFENSE SYSTEM S-300s LEH S-400s NGIAN ZANGA KHEMNA DING BAWL SAWM IN BUAI NGEINGAI

Nov. 11, 2016: US kumpi tungah Russiate' air defense system S-300s leh S-400s galvante ngian zanga zawh theihna (outwit) dingin US Air Force Long Range Standoff (LRSO) nuclear cruise missile program thak kici bawl dingin ngetna nei hi. Hih LRSO pen a bawlna dingin $17 billion tak bei ding a, tua kibawl theih leh leitungah kilemna leh lungmuanna om thei ding hi cih geelna nei uh hi.

Hih LRSO thak pen US military nuclear galvan (arsenal) adingin zat dingin bawl ding kingahsun hi ci-in Deputy Chief of Staff for Strategic Deterrence and Nuclear Integration a sem Lt. Gen. Jack Weinstein in Scout Warrior military website ten a interview-na ah gen hi. US Air Force in tu-in air defense system suksiatna dingin a neihsun AGM-86B Air Launched Cruise Missile (ALCM) pen Russiate' air defense systems S-300 and S-400 dalna dingin kizang thei lo hi. Longer-range, digital air-defenses kici galvante computer processing power hatzaw in kibawl leh Russiate S-300s lehS-400s ten missile leh vanleng lengte a muh theihna “surveillance radar” frequency dausak tuam ding a, tua banah galvan frequency hat UHF, L-band leh X-band cihte dal thei ding hi ci-in Scout Warrior military website ci-in gen hi. Russia uliante leh press reports ten Russiate air-defenses ten stealth aircraft kicite a ma theih kholhtheihna leh a kapsiattheihna uang gen uh a, ahih hangin US uliante leh galvan bawl (weapons and stealth platforms) ten Russiate' air defenses-te kihta mahmah veve uh a, tua hangin US in galvan hoihzaw sem bawl ding dan "US weapons development strategy" kici nakpi takin buaisak in, patausak zo hi ci-in gen beh hi.

US Armed Forces ten hih Long-Range Standoff Missile thak pen nuclear tawh zat theih dingin kibawl sawm a, US galvan neihte lak panin a muanhuai pen pawl hi ding a, galte van hoih koihna mun, galvan leh high-tech air defenses lut/luh thei dingin kibawl sawm a, tua hi leh nuclear dalna ding (nuclear deterrence) leh galvan hoih neite tawh galpi nasia "major-power warfare" panin kidal theihna om ding hi ci-in Lt. Gen. Jack Weinstein in gen hi. US Air Force ten a galvan bawl sawm kisaktheihpih mahmahte uh LRSO thak pen kizo leh S-300 leh S-400 dalna dinga kizang thei lo B-52 vanleng-a kithuah AGM-86B Air Launched Cruise Missile (ALCM) laihna dingin zat sawm hi. AGM-86B Air Launched Cruise Missile (ALCM) pen 1980s pawlin kibawl a, kum 10 zat theih ding (10-year design life) in kibawl hi.

LRSO thak pen kibawl leh ALCM sangin hoihzaw ding a, B-2 Spirit leh B-21 bombers ah kizang thei ding hi. ALCM leh LRSO pen na lianpi siatsak theihna galvan (conventional weapons) leh nuclear weapons kicite ah zat theih dingin kibawl (ding) hi. LRSO thak bawlna dingin a bawl ding (contract) nih tungah 2017 bei ma-in ap sawm uh a, Air Force ten LRSO thak pen 2030 pek ciangin zat theih dingin lamen uh hi (Russia in a hoihzaw bangzah a bawl man tam??). Inside Defense website in US Air Force cruise missiles thak zong 1,000 lei beh sawm uh a, LRSO bawlna ding (program) $17 billion bei ding hi. Union of Concerned Scientists (US-based nonprofit science advocacy organization) in hih galvan thakte (new weapon system) leina dingin $22-25 billion bei ding hi ci a, tua pen US defense programs final price tag sangin tam zaw hi ci hi. Hih cruise missile thakte US Air Force in lei leh ALCM-a kizang W80 laih ding a, W80-4 warheads kici ding a, 2025 ciangin zat sawm uh hi ci-in gen beh hi.

Ahih hangin hih galvante leina ding leh bawlna dingin sum tam bei lua a, US siah piate sum mah kizang tum ding hi ci-in LRSO programme thak bawl ding vai US Senators tampi in dal hi. US in hih bangin galvan thak lei-in bawl leh zong gamdang ten a hoihzaw sem na kibawl kik man ding a, LSRO leh W80-4 warheads pen zat theih loh, luilua, muantak lo lua ( both be redundant, too costly and too destabilizing) ding hi ci-in Scout Warrior in ci hi. Hih thu comment pia Area Threeothree kici in US ten S-300s leh S-400s-te dalna ding galvan (counterweapon) a bawl sungin Russia ten S-1000 na bawl khin man ding uh hi ci a, Tomas Tarvydas kici in USte gum in, no Russiate' taw in bang na bawl kik man uh hiam en dih ni ci-in kitawng uh hi :P

Source: Sputnik

Photo: 1. S-300, 2. S-400, 3. AGM-86A, 4. B-2 Spririt 5. LRSO