THU KHAT PEUH A KHENTEL LEH KHAIHSIANG SIAM DING KISAM

THU KHAT PEUH A KHENTEL LEH KHAIHSIANG SIAM DING KISAM

*Cikhum leh Ci pen kigawmkhawm thei zel hi.
Ahih hangin Miksi in a muh ciangin,
Ci teng tuam khen in, Cikhum teng bek ne-in tuahkhia uh hi.

*Na nuntakna hun sungah mi lawhcing na ut a,
Na mai lam hun ding a hoihzaw leh limci zaw na deih leh...
Mi hoih leh mi pha a khen tel dan siam in.
Tua bek hi loin a polh ding teelsiam lai in.

*Na nasepna leh hanciamna hong el nuam leh
Khaktat nuam tam mahmah ding hi.
Ahih hangin lampi na pai ciangin Ui hong tawng khempeuh,
Suang tawh na den sawm leh na ngimna mun..
Na tung man kei ding hi cih mangngilh kei in.
Na lampi ah ling a om leh a lu tung-a khupa phawk in.

*Na hih theih bangin na hoih sep ding na hanciam hangin,
Hong mudah leh leh hong el, hong gensia nuam bei lo ding hi.
Tua bang mi ten tui tungah na laam thei zongin,
"Leivui a khusak hi lel veh aw!" hong ci veve lai ding uh hi.

*Geelna kician neih sawm in la, nang ii buaina mah ven'sak ding..
A thupi penin ngaihsun masa in.
Nang leh nang ki-uk zo lo pi-in..
Khuapi khat uk ding hanciam masa kei in.

*Na nuntakna ah hong nawngkaisak thei leh,
Na ngimna hong dal theite pelh ding hanciam in.
Vok tawh buainawi lakah kibuan le cin na nih un na niin ding uh hi.
Ahih hangin vok niin semsem leh thangah semsem zaw lai in,
Nuamsa semsem zaw lel hi cih phawk in.

*Saipi pen amah bekin zong gol khin zo lel hi.
Ahih hangin in mihing pen ei bekin kigol zo lo hi cih phawk in la,
Mi dangte tawh kilem ding delh in, hanciam tawmtung in.
Nga in a tam sihpih a, mihing in a tam hin'pih hi a kicih bangin,
Khekhap a tamna mun lam mah pi bawl zaw in.