MYANMAR AH MYTEL TELECOMMUCATION COMPANY THU A KIGENNA A MAN MAH HIAM?

 

MYANMAR AH MYTEL TELECOMMUCATION COMPANY THU A KIGENNA A MAN MAH HIAM?

Sept. 18: Myanmar gam sungah MyTel telecommunication company pen Min Aung Hlaing aa hi, ci-in anti-junta forces ten internet towers 80 val bomb tawh suksiatsak khin zo uh a, Kalaymo kihelin MyTel newtworks a kizatna khua tampi in internet connections ngawl lawh khin zo uh hi. A taktakin MyTel a nei pen Viettel hi a, Jan 12, 2017 hun lai pekin Suu Kyi makaih civilian government in thuneihna a let lai-in a licence na kipia khin hi.

MyTel compay CEO pa pen February 2011 by ex-President Thein Sein in Minister for Electric Power len dingin a guan 2011-2016 kikal sung Electric Power minister a len Khin Maung Soe hi a, company' a headquarter Yangon hi. Mytel company internet supply a piak khit kha nih zawhin Myanmar ah amau internet network a zang 4% or 2.4 million subscribers pha pah hi. A sum muhna khempeuh uh lak panin a share 28% a ne kha military tawh kizopna a nei Myanmar Economic Corporation in a nek khak a sumtangin kituat leh tam lua het lo ding cih kilang khin hi.

Mytel in mei a mit ciangin a line a kingah lei nuai-ah a kiphum Myanmar' army network fibre-optic cables kihelin Myanmar military' infrastructure na updated sak bek hi. May 2019 in MyTel ah subcontractor Hsan Myo Aung Company in a nasemte mi 20 khasum 40 million kyats kiim a piak lohna hangin Pathein ah khasum ngah lote in lungphona na nei ngei uh hi. October 2019 in Shwedagon Pagoda ah a kikoih Mytel' telecoms cells zangte in a zat man a piak lohna hangun buaina piang ahih manin kihemkhia (removed) hi.

February 2020 in Mytel in social media ah information man lo (disinformation campaign) $1.2 million kikhah hi. Hih thu hangin Facebook in MyTel tawh kizopna a nei pages leh accounts 24 kiimte in MyTel brand a laptohna uh, MyTel kidempih companies dangte Ooredoo Myanmar, MPT leh Telenor Myanmar a gensiatsakna uh leh gam itna thute a khahna hangin na khaksak (banned) hi. US leh gam tuamtuam panin US presidential elections vai-ah electoral fraud om hi; Covid-19 zatui leh mask zat loh dinmg hi ci-in conspiracy theorists ten misinformatiion a khah niloh uh tawh kilamdang lo hi.

December 2020 in Justice for Myanmar in investigation lianpi a a thukankhiatna a pholakkhiatna ah “web of cronyism and corruption” a kici MyTel company sungah ki-angvantuamna leh nekguk takgukna a omna thu kician takin pholak a, Burmese military in MyTel zang mite personal data a ngah theih banah mi tampi ekcikna (mass surveillance purposes) dingin zang hi, ci hi. British banks - HSBC leh Standard Chartered in MyTel telecommunication a nei taktak Viettel a nei Vietnam' Ministry of National Defence tungah loans in $60 million tak na pia hi, ci hi.

MyTel a nei taktak pen MAL hi loin Vietnam' Ministry of National Defence' Viettel hi zaw hi. MAL aa liuliau bangin gengen pen kikhemna hi. MyTel pen group in a kipawl conglomerate telecommucation company hi zaw a, a shareholders Viettel in 49% ngah a, Myanmar military tawh kizopna nei company Myanmar Economic Corporation in 28% ngah a, Myanmar National Telecom Holding Public Co Ltd in 23% ngah hi. A sum muhna uh Thangho leh Liando' mimtang kihawm bangin kihawm uh hi. MyTel tungah $60 millions tak a pia pen British banks HSBC leh Standared Chartered na hi zawsop hi.

Hih dan pian mahin foreign companies tawh kizopna nei-in military tawh kizopna neisawn shareholders companies khempeuh infrastructures omte suksiat ding i sawm leh Myanmar ah mipite hamphatna infranstructures khempeuh suksiat kul ding a, a suplawh masa mipite kihi den ding hi.

China leh Russia in military tawh defense ah kizopna a neihna uh 1948 khit pek hita a, Sente leh Russia bek pum mawhsakna zong haina bek hi loin mawlna leh tawta thuahkhawmna na hi zaw den hi. Thokang or namsia thahna dingin a inn a hal tum ngampa gamtatna tawh kibang hi. Infrastructure omsun teng suksiat tawh D-Day i pat leh i lawhcing zongin ninbulomtang (scratches) panin leitungah gam zawng pente lakah khat Myanmar gam lamkik kipat kul ding hi.

Tua bek hi loin Geneva Conventions, human rights leh international kizui ding hi a ci NUG leh PDF ten a kamciamna teng palsatin a gamta niloh uh suak ding ahih manin international community in TERRORIST GROUP thak khat in hong ciamtehna ding muakin phengtatna suak zawsop thei hi.

Democracy gumin kam beembem in a awngawng nitumna leh South East Asia gam-a foreign companies tampi mah tawh military in kizopna thukpi na nei uh ahih manin tu dong international community in NUGte' legimate government in sang or thukimpihna (recognised) ngam lo hi bek hi. Amau sumbawlna tek sukha ciat ahih manin a sum ngam kuamah om lo hi. Capitalism i cihcih a zia leh tong hih dan na hi ngitnget hi.

@Thang Khan Lian #ZUNs reports

"TAX THE RICH" CIH PEN LIANGKO KIKIMNA (EQUALITY) DINGIN FAIR SHARE HI ZAW HI

 "TAX THE RICH" CIH PEN LIANGKO KIKIMNA (EQUALITY) DINGIN FAIR SHARE HI ZAW HI

Capitalism a pum gupte in ngaihsutna thak (innovative ideas) a pian'sakna hangin kidemna (competition) om a, khantohna ahih kei leh mainawtna (development) piangsak hi, cih gen belin nei uh hi. Tua dan na hi khin sam lo hi. Early stage of human human development or progress pen Eden huan sungah guaktang panin singteh puan dingin a zat khit uh puan silh zia theihna panin khaici ciin dan, gan khoi dan theihna panin na kipan khin tham hi. Capitalism a pian' ma pekin khantohna leh mainawtna leh ngaihsutna thakte sim zawh loh na piang khin hi. 

Paleolithic (or Old Stone Age) panin Mesolithic (or Middle Stone Age) leh Neolithic (or New Stone Age) hunin early stage of human development na kikhen diudeu a, mihingte khantohna a dei a dei in na kikhenin na kizom toto hi zaw hi. Silver zat zia mihingin a theih khit copper leh tin a kigawm (alloying) bronze kicina khauhzaw zat dan mihingin hong thei a, tua leh sik (iron) zat dan a theih uh-a kipanin lokhawhna ah khaici khamkhop ding hong nei zo uh hi. Mihingte in lokhawhna panin nek ding a kham uh a ngah zawh uh teh sa bengin nuntakna hun (hunting age) kivakna panin gankhoi in mun khat panin mundang ah peem kawikawi in nuntak hun (nomadic life) panin munkip ah a teen' (sedantary life) khit nung uh development taktak hong piang thei hi zaw hi.  

Tu dongin Western bloc capitalism leh eastern bloc communism kikal ah 1991 kumin Soviet Union gam a kitapkhap khit Cold War bei hi a kicih hangin China military power leh economic power hong khang hanhan ahih beisak loin kuang kik ding bang semsem hi. Muhna, ngahna sangin a meet leh huaihamna lungsim tawh a kituah capitalism hangin gal kido i cihcih zong power kituhna ahih kei leh leisung sum piangte (natural resources) ahih kei leh leitang kituhna - huaihamna hang vive hanga piang den hi na zaw hi. Thuman taktak tua na hi zaw hi. 

American writer leh critic minthang Mark Twain gen hi ci-in quote a kilim zat mahmah apocryphal aphrorinism, "When the rich rob from the poor, it's called business, but when the poor fight back, it's called violence," in capitalism kammal khiatna taktak na lim gen kha zaw bang hi. Mihaute in a zawngte neihsa suk sakin a suamsak ciangun sumbawlna ahih kei leh ngian siamna bangin kingaihsun napi-in, mizawngte in amau neihsa ahih kei leh a rights uh humbitna dingin a lehdo ciangun ngongtatna kici hi. Terrorist leh terrorism kici zong tua dan mah hi. Amau national interest or movement dinga gumte leh zangte in suahtakna dinga galdo mite freedom fighter or rebel hi ci uh a, amau a lehdo kik ciangin terrorist ci zawsop zel uh hi. 

Capitalism gumte in capitalism pen Christianity tawh kituak a, communism or socialism pen anti-Christian or Dawi tawi kipawlte hi a cihcih uh pen hih sanga kikhemna lianzaw om lo ding hi. Sawltakte tangthu sung i et ciangin Antoich khua-ah Khristian a kici masate nuntakna zia pen communist society diktak ah nungta khawmin socialism na lim zat mahmah uh a, gilkial in a si leh kialpi in a si a om loh banah Christian kibehlap zawsop hi. Christian a kici thu um masate nuntakna LST sungah hih bangin na gen hi: 

Thu um khempeuh kikhawlin omkhawm uh a, a neihsate uh zong a neikhawm uh hi. Amaute in a neih a lam teng uh zuak uh a, a sumte pen amau kisapna tawh kizui-in amaute lakah a hawm uh hi. Nisimin biakinn-ah kikhawm uh a, a innte uh-ah an nekhawmin, lungdamna leh kiniamkhiatna tawh a ne ciat uh hi. Pasian phat uh a, khat-le-khat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi. (Sawktak/Acts 2:44-47) 

US ah super rich billionaires 1% ten kum sim tax a piak loh uh $160 billion bang pha dingin kituat hi. 2017 in tRump' tax cuts hangin America ah corporate gol 55 in federal income tax a piak amau profit ngah $40 billion lak panin a piak uh ZERO hi. 

28 September 2020 in BBC leh New York Times reports in a genna a beisa kum 15 sungin tRump in kum 10 sung tax a piak ZERO hi a, president a tuh kum 2016 leh 2017 in a federal income tax piak $750 (£580) bek hi ci-in tRump tax returns a muhna bulphuh in gen hi. Trump pen kum 15 sungin kum 10 sung tax ZERO a pia leh 2016-17 in tax $750 (£580) pia in, tax pia loin zuaukhempa (taxfraudster) hi zaw a, kum li sung bek president a let sungin weekend sim phialin a golf kimawlna ah tax piate sum a zat December 13, 2020 in Huffington Post reports genna ah, $151.5 million netum ahih manin US presidential salary kum 379 tawh kikim khin zo hi ci hi. Amah a cing Secret Agent guaihna leh a Zinn tun'na dingun ama hotel a zatna ah a khep thum a nepa hi. 

A gamah siah piate a nektum hunsa loin 2017 in tRump' tax cuts Tax Cuts and Jobs Act kici nuai-ah individual tax rates overall top rate 39.6% panin 37% a cut 2% pha lo working class ten hamphatpih bek uh a, corporations income tax rates 35% panin 21% tak hamphatna uh hi. Tua loin stock market ah corporate tax 40% cut sawnsawn ahih manin Institute for Policy Studies in October 22, 2020 in genna ah, "October 13, 2020 in the combined fortunes of the nation’s 644 billionaires totaled a jaw-dropping $3.88 trillion — up 40.7 percent since 2017, the year before the tax cuts went into effect," na ci a, Trump in 2018 Chinese trade war a pat khit 2016 kum sangin 2020 in US corporations ten China gamah investments a bawl uh tam zawsop hi ci-in Institute for Policy Studies, Boston University’s Global Development Policy Center, and the Groundwork Collaborative in gen hi. 

China tungah a trade war lah guallel, Trump in president a let khit nung 1930s Great Recession khit nung US economy leh unemployment crisis siatna nasia pen na piangsak a, record in a kiciamteh federal leibat $6.7 trillions val na behlap napi-in America First leh Make America Great Again ci-in a otot a um veve ngam leh BEST PRESIDENT hi a ci ngam veve laite number sim dan - a neu leh a lian, economy bang hi a, unemployment crisis a cih bang a cihna hiam cih a thei lo teng hih tuak uh bang hi. 

Biden in a kamciamna bangin US ah super rich top billionaires leh corporate golte tax cuts khan' dingin a panlakna House leh Senate ah America gam leh a it a kici pha diak Republican lawmakers ten dal theih dal mawhin dal veve lai zen uh hi. Vampire bangin working class mite deksi dawnsakna tawh abortion leh gay marriage issues vote bank leh dirty politics in a zat niloh loh uh Republican ten hak gega kawmpipi in mi a hing khemkhemna dingin agenda bangmah dang nei lo uh hi cih kilang hi. 

Biden' administration in tRump' Tax Cuts and Jobs Act 2017 laih ding a geelna uh a hoih a bat hangin hoih khin zo lo lai hi. Bang hang hiam cih leh 2017 tRump tax cut ma-in corporate tax 35% kila pen 21% in khiam sukna panin 26.5% lak ding, graduated rate of 18% on annual income below $400,000, 21% on income up to $5m and 26.5% on income above $5m ci-in tRump' Tax Cuts and Jobs Act laih ding geelna nei uh hi. Individual taxation top rate pre-2017 level -  37% panin 39.6% in khan'sak ding a geelna uh-ah kum sim in mimal summuhna (individual income) $400,000 a neite leh nupa kop (married couples) kum sim sum muhna $450,000 neite 2.6% khan'sak ding cih geelna nei uh hi. 

Kum sim sum muhna $400,000 valte bel nautangte siah piak kikhan' ding cihna hi. Working class mi na hih a, nitha nai khat in $12 lawh na hi zongin ni khat in nai giat sung kha khat ni 30 sung na sep hangin kha khat na sum muh $2,280 hi a, kum khat in na sum muh a kigawm $34,560 tung ahih manin Committee Democrats in tRump' Tax Cuts and Jobs Act 2017 a phiat hangin nang hong sukha lo ding hi. Kum khat in sum muhna $40,000 neite, millionaires leh billionaires teng bek siah piak nautangte piak tawh a kituak dingin bawlphatna ding leh Democrats' $3.5 trillion domestic investment plan funding bawlna ding ngimna in hih bang a geel uh ahi hi. 

tRump in 2016 presidential elections a tuh lai-in a campaign rallies neihnate ah US national debts (leibat) ka beisak ding hi, ci-in na ciam hi. Ahih hangin January 20, 2027 panin January 20, 2021 kikal kum li bek president a let sungin FY 2020 nei-in US national debt $26.9 trillion na tung ahih manin Trump in US leibat $6.7 trillion a behlap record-high tung hi, ci-in April 06, 2021 in The Balance in US National Debt phazah na gen hi. 

America tangthu sungah national debt tam kibehlapsak pen ngate: 

1. Franklin D. Roosevelt (1933-1945): Galpi Nihna hunin leitung bup sum haksatna Great Recession panin US a hunkhia 1933-1945 kikal term thum sungin President Franklin D. Roosevelt hunin national debt 1050% dektakin na khang a, leibat $236 billion na kibehlapsak hi. Ama mai-a President President Herbert Hoover in leibat $22.5 billion debt na nusiatsan hi. President FDR' hunin Great Depression leh New Deal in kum simin deficits a pian'sak hangin deficit or leibat tam a piangsak pen Galpi Nihna ah US a kihel sung 1942 - 1945 kikal sungin US budget $186.3 billion kizang hangin leibat tam na kibehlapsak pen hi. 

2. Woodrow Wilson (1913-1921): National debt a percentage in a etna America tangthu tam a behlap pen nihna President Wilson hi. Wilson hunin national debt $21 billion na tung ahih manin 724% valin khang ahih manin manin leibat $2.9 billion debt na behlap hi. Galpi Khatna hangin leibat tampi kibehlapsak hi. 

3. Ronald Reagan (1981-1989): US tangthu sungah tax cuts lianpen a bawl President Reagan' hunin a supply-sude economics hangin economy a khan'sak loh banah a tax cut hangin sum muhna siah kila (revenue) na liansak ahih manin leibat $1.85 trillion na khangsak hi. Republican ahihna tawh term nih President Reagan in defense budget 35% takin a khan'sak hangin leibat nakpi takin khangsak ahih manin Galpi do lopi US presidents lakah leibat tam a behlap pen thumna in pang hi. 

4. George W. Bush (2001-2009): President Bush in national debt $6.1 trillion, or 101% increase na kibehlapsak ahih manin a lina ah pang hi. Republican President ahihna tawh galdo mah a pa bangin term nih President Bush na uk a, 9/11 attacks a thukkikna dingin War on Terror kici a patna hangin Iraq War leh Afghanistan War ah multi-trillion-dollar na beisak hi. Tua loin Bush' hunin sum leh paai haksatna 2001 recession leh 2008 financial crisis na piang ahih manin leibat tamsak hi. 

5. Barack Obama (2009-2017): Bush hun panin US economy haksatna a kiluahsuksawn (legacy) hunin term nih President Obama' hunin national debt a dollar in etna ah a tam pen $8.6 trillion na kibehlapsak a, a percentage in etna ah 78% na khan' beh ahih manin a ngana ah pang hi. Obama in Great Recession $831 billion economic stimulus package tawh a do banah tax cuts ah $858 billion na beisak hi. Bush panin a luahsuksawn Iraq War leh Afghanistan War a do zomna leh Great Recession panin US a hutkhiatna leh tax cut hangin kum giat sungin national debt $8.6 trillion na behlap hi. 

A tungah US presidents nga i gente in US federal debts a kibehlapsak uh pen a presidency term uh tawh kituakin etna leh, Reagan cih loh Galpi hun lai takin recession hun lai takin president lente ahih manin pum mawhsak theihna ding om lo hi. Obama presidency hunin economy growth a luahsuksawn leh ama hunin galdo lo hi ci-in a gumte in a phat mahmah hangun Donald Trump in a dollar sumtang tawh tuatna ah kum li sungin gambup leibat (national debt) tam kibehlapsak penpen lai hi. 

Tua bek hi loin President Donald Trump in White House office ah a tut ni January 20, 2017 hi a, a first budget May 2017 in na submit pan hi. tRump presidency hun pen Obama' administration hunin 2018 fiscal year (FY) in huam kha a, October 1, 2017 ma-in 2018 fiscal year kipan nai lo hi. Trump a term masa pawl khat President Barack Obama' budget for fiscal year 2017 kici September 30, 2017 dong a huamkha tengin budget ngahsa na nei ahih manin ama budget pen Oct. 2017 panin January 20, 2021 in national debt kum thum leh kha kua sung bekin $7 trillions dektak $6.7 trillions leibat na kibehlapsak hi. 

Donald Trump in term nih len suak hi hen la, a term masa bangin leibat kibehlap kikim hileh kum giat or term nih sungin national debts ahih $13.7 trillions kibehlapsak ding ahih manin US tangthu sungah amah zahin America a zawng behsak kuamah om lo cihna hi. US economy ka khangsak a, America gam ka hauh behsak hi cih pen number sim dan thei lote bek a khemna hi. A pa billionaires mi Fred Trump panin a hauhna a luahsuksawn hi napi-in li vei leibat thangba ah awkin financial bankruptcies a tuah a lamdang na hilo a, sumbawl siam hi loin a kam a cidam leh kiphat leh mut siam hi zaw hi. 

US in American corporates or super rich a kici multi-billionaires mite sungah tax share man la-in khangsak loin tRump' Tax Cuts and Jobs Act 2017 law a zat zom suak suak leh kum simin national debts trillion dollars kibehlap beh den ding a, US Treasury ah revenue lut dinga kilawm zah lut loin billionaires leh corporates golte a hauh semsem hangin federal government in leibat hau semsem ding ahih manin Chinese economic superpower lel semsem ding cihna hi. 

@ Thang Khan Lian #ZUNs reports 

NUG IN A GENNA BANGIN INTERNATIONAL COMMUNITY OR UN IN LEGITIMATE GOVERNMENT IN SANG ZIAU THEI DING MAW? INTERNATIONAL POLTICS PAI ZIA ETNA PANIN MYANMAR POLITICS A BEISA LEH MABAN KUPNA

 NUG IN A GENNA BANGIN INTERNATIONAL COMMUNITY OR UN IN LEGITIMATE GOVERNMENT IN SANG ZIAU THEI DING MAW? INTERNATIONAL POLTICS PAI ZIA ETNA PANIN MYANMAR POLITICS A BEISA LEH MABAN KUPNA

Sept. 16: Myanmar gam pen 1962 panin 2011 kikal dong junta dictators regime nuai-ah kum 49 sung piikpeek na om hi. March 2, 1962 in Ne Win' coup khit nungin democracy zat kikhawlsak (suspended) a, 1962 panin 1988 dong Burma Socialist Programme Party (BSPP) in Burmese' socialism ngeina zia (Way of Burmese Solialism) a cih bulphuhin party khat bek a om ding phalin "one-party state" tawh gam hong ukcip hi.

BSPP in Burma gam leitung bup panin dangkoih ahih kei leh tuamkoihna (isolationsm) zangin Socialist Republic gam suaksak a, Donald Trump in US gam leh ama administration officials singin mikangte vive bek panmun guanin, Mikangte thupi pen leh minam dangte sangin sangzaw hi ci-in white supremacy a lim zat mahmah bangin junta' BSPP in Kawlte bek thupisakna tawh Burmese superiority hong zang ngekngek hi. Tua bangin BSPP in Burmese superiority a zat a cimtak mahmah leh dawi gilo bangin gengen napi-in Trump' white supremacist policy peuh a pum gup leh Pasian' mi zatpa hi, ci-in a pum phat ngam tu dong kitam mahmah ahih manin mihing ngaihsutna nei mipil kisa a kitam hangin thankik i batna mah hong kilang khia zel hi.

Gen. Saw Maung' makaihna tawh 1988 kum panin Burma ah military government a makaih min ding State Peace and Development Council (SPDC) cih hong zang hi. March 30, 2011 in Senior General leh Council Chairman Than Shwe in a kumpi suaikaihna (decree) tawh hih Council official in a phiatna suai na kai hi. 1988 panin 1997 kikal sungin BSPP a laihna dingin SPDC cih kizang pen State Law and Order Restoration Council (Burmese: နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့; abbreviated SLORC or နဝတ) ci-in kithei zaw hi. Nov. 15, 1997 in SLORC kiphiatin State Peace and Development Council (SPDC) ci-in a min na laih uh hi.

SPDC makaihna nuai-a senior military officers 11 om uh uh hi. SPDC government nuai-ah junior military officers leh nautang cabinet ministers panmun lente sangin junta' senior military officers 11te in thuneihna lianzaw nei uh hi. SPDC nuai-ah senior military officers 11te thuneih khum zawk lohna sun pen Defence minister panmun (portfolio) a len junta makai Than Swe' tung bek hi. Sept. 15, 1993 in SPDC in Union Solidarity and Development Association (USDA) ci-in a min a laih khit nungun 29 March 2010 election hunin Union Solidarity and Development Party (USDP) ci-in a min hong laih kik leuleu hi. Tua zawh tu ni dongin USDP om suak den hi.

SLORC in thuneihna a lak ni Sept. 19, 1988 in The Working People's Day ah a Order suaksak hi. SLORC ah Chairman masa General Saw Maung hi a, tua khitin Senior General in a za a khan' khit Prime Minister len hi. 23 April 1992 in General Than Swe in senior General za hong let ciangin SLORC Chairman leh Prime Minister panin Saw Maung kipaikhia hi.

1988 kumin junta in thuneihna a let kik khit nungin BSPP hunin "totalitarian Burmese Way to Socialism" a kici amau deih bangin Kawlgam taal kaihna panin a nungkik hangin junta regime in human rights a palsatna nasia mahmah zom lai hi, ci-in ngawhna tuak hi. Myanmar gam sungah galtai Internally Displaced Peoples (IDPs) mi 600,000 bang om hi, ci-in kituat hi. Junta regime in 1990 election ah gualzawhna ngah democratic icon Aung San Suu Kyi leh a makaih NLD' gualzawhna sang nuam loin Suu Kyi a inn ah khumcip (house arrest) a, Nov. 13, 2010 in suaktasak pan hi. Junta makaih council March 30, 2011 in official in kiphiat a, a kiteelcing thak government ah a council member lui leh Prime Minister panmun a len President Thein Sein in hong makaih hi.

President Thein Sein in gam hong makaih nungin gamvai kilaihna (political transition) damdamin hong om a, military-drafted 2008 constitution nuai-ah galkapte thuneihna a kikhiam suk tawh kituakin Myanmar gamah semi-democratic system or quasi-democracy tawh ki-uk hong kipan hi. 1989 kumin Burma in a official min "Union of Burma" panin "Union of Myanmar" ci-in laih a, tua khit nungin "Republic of the Union of Myanmar" ci-in laih kik leuleui-in tu dong a gam min official dingin kizang suak lai hi.

Jan. 31, 2021 in media leh news outlets tuamtuamte in military in ukna buluh (coup) sawmin governing NLD members pawl khatte manin hencip hi, ci hi. National League for Democracy (NLD) spokesman Myo Nyunt in, "Military in Myanmar capital Naypitaw ah thuneihna la khin zo uh bang ta hi," ci-in gen hi.

Nov. 8, 2020 elections ah NLD in gualzawhna lianpi a ngahna a tangko khiat nungin buaina hong kipan a, military in vote a man loin kikhiatna leh vote gukna (election fraud) om hi ci-in a gen hangin a teci leh thukankhiatna nei beek loin tang ngawh pong hi. Election fraud paulapna tawh Feb 1, 2021 ni-in military in zawhthawh thu zangin thuneihna la (coup d'état) a, NLD government panin presidential powers suhsak hi. Tua khit nungin leitunga broadcasters tuamtuamte in Myanmar democracy pusuah khiat theihna ding a om nawn lo lampi tawpna (dead end) tung ta hi, ci-in gen ngeingai uh hi.

Myanmar ah vote kigukna om hi cih November 8, 2020 elections bek hilo hi. 2012 by-elections ah Dec 13, 2011 in political party in registration a ngahkik pan NLD in tutna 44 lak panin 43 tak na ngah pah ahih manin USDP in vote kiguk om hi, ci-in Union Election Commission (UEC) kiangah heek hi. NLD in zong vote sim theih loh dingin a kisusia (tempered) om hi, ci-in UEC ah lehheek hi. Ahih hangin President Thein Sein in by-election lawhcing takin kinei hi, a cih ngam manin buaina lian na piang loin veng thei hi.

Nov. 8 2015 general election results UEC in Nov. 13, 2015 in a pulakna ah Pyidaungsu Hluttaw ah tutna 348 omte lakah NLD in 238 ngah hi, ci-in pulak hi. Nov. 8, 2020 general election ah Assembly of the Union ah upper house- Amyotha Hluttaw (the House of Nationalities) leh lower house- Pyithu Hluttaw (the House of Representatives) banah State and Regional Hluttaws (legislatures) ah tutna omte ni kibangin vote khiatna ah NLD ten tutna House of Nationalities ah tutna 224 om lak panin 138 (+3); House of Representatives ah tutna 440 om lak panin 258 (+3) ngah uh a; State and Regional Hluttaws ah tutna 880 om lak panin 501 (+25) ngah uh hi.

Galkapte in Feb. 1 ni-in ukna a buluh khit nung uh a beisa kha li hun lai April 16, 2021 in a kiphuankhia pan 2021 junta coup tawh a kilawnkhia Committee Representing Pyidaungsu Hluttaw (CRPH) a kici group of parliament ah elected lawmakers leh members group ten a phuankhiat uh National Unity Government of the Republic of the Union of Myanmar (NUG) in ko pen thukham tawh kituakin Myanmar ah kumpi (legitimate government) hi ung, ci uh hi.

International community in legitimate government in a sangna (recognised) dingun a nawh leh nget hangun tu dong gam khat beek a sang zo om nai lo hi. Hih thu hangin Sept. 13 ni-in NUG in, "Myanmar ah democratic movement maban ding leh junta ngongtatna panin hong humbit dingin international community tungah muan'na kinei nawn lo hi,'' ci-in a statement bawlna a gen kawmin May 5, 2021 in NUG in junta lehdo dingin a phuankhiat armed wing People's Defence Force (PDF) in junta hiam zangin a lehdo thu Sept. 7 in Acting NUG President Duwa Lashi La in D-Day a pulakna thu a kisiamtan'na gen pha kik hi.

NUG in amau nawh hehu zawh leh ngaklah luatna tawh international community in legitimate government or de facto government in a san' ziau ding na hilo hi. Gentehna dingin, Yemeni Civil War kici tual gal pen Yemeni President Abdrabbuh Mansur Hadi' maih Yemeni governmentleh Houthi armed movement kidona hangin 16 Sept. 2014 in na kipan hi. Sept. 16, 2014 in Houthi rebels ten Yemeni state capital Sanaa la uh a (tu dong amau khut sungah om lai), Yemen government ah thuneihna thakhat thu-in la zo uh hi.

March 21, 2015 in Houthi' makaih Supreme Revolutionary Committee in President Hadi paihkhiatna dingin general mobilization pulakin, Yemen leitaw lamah a ukna leitang keek hong kipan uh hi. March 22, 2015 in Yemen President lui Saleh a gum Yemen military forces tawh kipawlin Houthi ten Lahij Governorate ah galdo pan uh hi. March 25 ni-in Houthi-te' khut sungah Lahij khuapi tuk ziau a, Hadi government tutna Yemen gam-a khuapi golpen nihna Aden khuapi nawl tung uh hi.

President Hadi lau-in March 25, 2015 ni-in Saudi Arabia gamah va tai-in bucip hi. Tua tawh kituakin Saudi Arabia makaih Sunni Muslim gamte kipawlin (coalition), Hadi' makaih Yemeni government din'sak kik ding ngimna in gal vanleng zangin March 26, 2015 in military operations a pat uh tu dong kidiah lai a, ACLED tuatna ah mi 100,000 val a sih banah millions a simte galtai-in Yemeni nautang 13 million gilkial dangtak (starvation) in om ahih manin kum 100 sung adingin kialpi nasia pen tuak thei dinmun in a om manin UN in leitungah humanitarian crisis lianpen hi, ci hi. Yemen gam-a tual gal nasiat luatna hangin 2018 kumin Syria ah tual gal kipan sangin leitung buppi bildawh zawk suak hi.

Sept. 16, 2014 in Yemen gamah tual gal a kipat khit nung kha nga khit nung March 2015 in United Nation security Council (UNSC) ah Saudi Arabia in puaklut Resolution 2216 vote khiatna ah Russia in khia loin 14-0 votes tawh President Hadi pen Yemen’ legitimate president hi, ci-in san' (recognised) banah UNSC resolution in Houthi tungah leitung bupin galvan a zuak theih lohna dingin international arms embargo kici koih khum hi. Hih arms embargo kikoih Saudi in a kisiamtan'na dingin Huthi groupte ukna teembaw khawlna munte (ports) ah Yemen gam-a datsi leh nek ding kisam lut dingte khaktansak ahih manin kialpi tuak thei dingin Yemeni 13 millions gilkial dangtang lawhsak hi.

Yemen ah UNSC Resolution 2216 tawh legitimate president in Hadi a kisan' theihna pen US leh a pawlte in Iran tawh 2015 nuclear deal or Joint Comprehensive Plan of Action (JCPO) vai ah Saudi Arabia gam US in a foreign policy tawh a gupna a lahna hang leh Iran in a langtangin a huh lian loh hangin a simtham in a huh den Houthi ten Hadi government lotkhiatna ding revolution a tangko uh Iran-backed coup a lawhsaksak nop man uh na hi lel dih hi. Saudi lungkimsakna dingin nitumna gamte national interests leh Saudi diplomacy in international community a thuzawhna hangin legitimate president in Hadi na kisang hi.

Tua loin NATO-led coalition gamte in Libya leikhamang Myammar Gaddafi a thuneihna tokhom tung panin a lotkhiat zawh nung uh Oct. 20, 2011 in Western-backed Islamic rebels ten Sirti khuapi-a kidona ah hingmatin na that uh hi. Gaddafi a kithah khit nung Libya gam-a House of Representatives a gum Field Marshal Khalifa Hafar' Libyan National Army (LNA) leh Government of National Accord (GNA) galkapte leh a kipawlpih militia or rebel groups tuamtuam kidona hangin 16 May 2014 – 23 Oct 2020 kikal sung Libyan Civil War kici tual gal nihna kum guk val sung na piang hi.

Libya gam-a tual gal hangin nitumna gamte in Gaddafi paihkhiatna ding galvan tawh huhna a piak uh Islamic rebel groups leh Iraq gam-a Iraqi Tribunal Court in Iran-Iraq War (22 Sept. 1980 – 20 Aug. 1988) ah Saddam Hussien in a gam mipihte thahna dingin chemical galvan a zatna hangin sih dan a piakna bangin 30 Dec. 2006 in Kadhimiya, Baghdad ah kikhai lup khit nungin rebels groups tuamtuam ISIS ah hong kihel uh ahih manin ISIS group hat cihtakin hong thahatsak hi.

Libya gam pen ISIS thahatna a kipatna dingin Islamic terrorists tampi a piangsak gamte lak-a khat hong suah banah Libya gam-ah LNA, GNA leh armed groups tuamtuamte thuneihna kituhna hangin tu dong gal veng taktak thei loin om suak hi. Kum guk leh kha nga leh kal khat tual gal tawh Libya a kidiah khit nungin kikaptuahna khawlsanna (ceasefire) thukimna tampi a lawhsap khit nung a tawntungin kikaptuah khawlsanna dingin a kipsakna (permanent ceasefire ratified) Oct. 23, 2020 in piang zo pan hi. March 10, 2021 in a kiphuankhia Government of National Unity (GNU) a kici Libyan parliament in March 10, 2021 in unity government ci-in a sang manin international community in GNU pen Libya ah legitimate government in a sang zawh na hi pan bek hi.

A tunga Yemen leh Libya model tawh kituakin NUG in international community in legitimate government in a san'na ding leh gam bup a kipumkhatsak zo dingin unity government a suah theihna dingin gam khat beekin a thuzawh nai loh banah myanmar parliament in thukimpihna pia nai lo hi. Legitimate government in NUG a sangin a kilamen US leh UK gam nangawnin NUG in Sept. 7, 2021 in D-day a tangkona a gup leh muak loh banah kilemhuai takin kilaihna (peaceful transition) tawh democracy a om kik ding a gupna gen zawsop hi. Tua loin UNSC ah permanent member ngate lakah khat China in zong NUG' D-day tangko muak lo a, Myanmar gam sunga parties or actors khempeuhin gamvai buaina kilemhuai takin a ven'sakna dingin kihona a neih ding uh hi, ci hi.

International law leh international poltics pai zia a telcian lote in social media groups sungah UN General Assembly (UNGA) in Sept. 14-30 September 2021 kikal sungin a meeting neihna ah legitimate government in pulak ding hi cih a khah ziahziah h tawh; UN Credential Committee in legitimate government in NUG a kipsakna tangko ding hi, cih peuh upmawh, phuahtawh, deihkaih leh zuauthu a khahte uh hangin mi tampi um khialsak, kilamensak leh lung-amsak gawp uh hi.

Credentials Committee pen UNGA pumpite (bodies) lak-a khat hi a, Rules of Procedure of the General Assembly' Rules 28na tawh kituakin UNGA ah a member gamte tangmite (representatives) citna (qualification), nasep khiatna (achievement) ahih kei leh a a backgound uh UNGA ah representative dingin cinh (credential) mah hiam cih a sittel ding leh UNGA ah report a pia dingin a Comittee tungah mawhpuakna a piak hi bek hi. Coup a pian'na gamte ah legitimate government ding kipsakna leh san'na a piak theihna dingin mawhpuakna leh tavuan nei dihdih lo hi.

75th Session of the General Assembly ah Credential Committee ah member kua omte pen members kua - Cameroon, China, Iceland, Papua New Guinea, Russian Federation, Trinidad and Tobago, United Republic of Tanzania, USA leh Uruguay hi. Kum simin UNGA in regular session a pat ma-in Office of Legal Affairs in General Assembly for the Credentials Committee' President tungah Rule 27na zui-in group candidates a thukimna a piakna dingin ngen hi. Tua khit ciangin President of the General Assembly in UNGA ah canbdidate kuate min proposal a bawl khit ciangin vote khiatna tawh kipsak uh hi.

Rules of Procedure of the General Assembly' Rule 25na ah, UN Member States ten UNGA regular session (kum sim khawmpi) kipat ma kal khat ma-in UN Secretary-General kiangah a khak ding hi, na ci hi. UNGA ah member hihna nei gamte or Members States ten amau gam leh sik tangin UNGA ah a pau ding a tangmite uh citna (credentials) a formal in UN Secretary-General kiangah pia uh hi. Members States UNGA ah amau gam leh sik tangin a pau dingin Head of State, Head of Government (President or Prime Minister) or Minister for Foreign Affairs cihte sawl thei uh hi.

Procedure of the General Assembly' Rule 25na ah, Member States ten palai (delegations) dingin a sawlte pen representatives nga, alternate representatives nga, leh a kisapna bangin advisers leh experts (diplomatic thu a siamte) tampi sawl thei hi, na ci hi. UNGA in merber State-te representatives sawlte citna a thukimpihna pia hi. UNGA ah special or emergency sessions leh UNGA' thuneihna nuai-ah conference khatpeuh a kineih ciangin credentials committee a kisamna ah regular session hun bangin Credentials Committee tengin makaih hi.

Credential Committee ah taangmite citna kisitna pen a ngeina ah a pongpi danin "formality" in kisit hi. Ahih hangin UNGA ah kihel dingin delegations kisawlte thukham tawh a kituahna (legitimacy) vai nialna nei a om leh Member States khatpeuh in a citna (credentials) tona bawl thei hi. Hih bang buaina a pian' ciangin a thu a vengsak dingin President of the General Assembly office in Credential Committee in formal meeting a sapna dingin a huhna kingen hi. Tua bang hi napi-in UNGA ah a kah dingin a kisawl delegations mite credentials tona a kibawl ciangin UNGA in a credentials uh a phiatsak or lak khiatsak (revoke) mateng a credential rights nei suak veve thei uh hi.

Credential Committee kici pen UNGA ah delegates kisawlte credentials a sittelsak UNGA members gam kuate mawhpuakna hi zaw a, coup a pian'na gamte ah legitimate government dingin tua group or party lamte hi ci-in kipsakna piak theihna dingin thuneihna nei laizang lo uh hi. UNGA ah coup pian'na gamte ah legitimate government kipsakna ding vai kikupna a om zongin UNGA ah Member States a tamzaw thukimna votes lo tawh kikipsak leh sang ziau thei lo ding cihna hi.

Tua loin ngongtatna a zang junta regime ukcipna lotkhiatna dingin international community muanlahna gengenna, international community thuzawhna dingin diplomacy leh lobbying zang siam lopi leh ngongtatna mah zatna tawh tangpi tangtate hamphatpih vante leh khantohna leh noptuamna dingin vante (public property leh infrastructures) suksiat kisanna tawh gam kuamah gupna ngah ma-in international commynity in legitimate government in hong sang leh namkip ziau dinga lamet miumiau mawk pen diplomacy, international relations leh politics, leh international law pai zia thei lo i hihna lahkhiatna tangkona hi.

By: Thang Khan Lian #ZUNs reports

TRUMP' PRESIDENCY HUNIN THUPIANG PAWL KHATTE

 

TRUMP' PRESIDENCY HUNIN THUPIANG PAWL KHATTE

Kum li sung Jan. 20, 2017 panin Jan. 20, 2021 kikal sung Trump in US president a let sungin hate crimes 17 year record-high na tung a, Christian biakinn (church), Judah biakinn leh sumbuk Jersey Kosher Grocercy ah kisuamna na pen, high school, shopping mall leh public concert ah gun violence nasia pen US tangthu sungah na piang hi. Tua loin Egypt leh Sri Lanka gamte ah Good Friday leh Palm Sunday ni-in Christian biakinn kisuamna mi tam na kithat pen a, Trump' presidency hun sungin America tangthu sungah Christian percentage na nak kiam pen lai hi.

• Trump' presidency hunin US in a foreign policy tawh democratically elected Syrian President Bashar al-Assad leh a government lotkhiatna dingin ISIS do kineihin a kipawlpih gam 68 val tawh Syria a dona ah guallelh leh lawhsap piikpeek khit nungin Assad government a lehdo leh ISIS dona ah funding leh galvan a supply Kurdish rebel groups nusiatsanin Syria panin US galkapte na dokkhia hi. Syria gam-a US military bases teng Russia leh Turkey galkapte leh a pawlte in luah pah uh hi.
• Trump administration in Syria ah US kipawlpih Kurdish rebels leh a pawlte nusiatsan a, US galkapte a dawhkhiat hunin evacuation operation ah US pawlte a hepkhiat ZERO hi. Ahih hangin tua hunin tRumpanzees ten," Thupi tak e, tRump in ISISte leitung panin beisak mang zo hi. Syria panin US dokkhia-in a kamciam bangin sem hi," ci-in pum phat thapai uh hi.
• Trump in leitung panin beisak leh thah bei khit ISIS ten Biden' hun evacuation operation hun lai-in August 26, 2021 in Kabul airport a suamna uh-ah mi 170 val site lakah US galkapte 13 kihel hi. A ISIS thah beite a hankhuk sung panun a va kaihthawh kik hi ve maw? ahih kei leh Obama leh Biden in a thawhkiksak hi, ci nuam niloh hi zaw ai tam?
• Trump in leitung panin ISIS a beisak leh Middle East sung, cikmah in a om ngei loh uh Africa leh Asia gamte ah ISIS ngongtatte gamtatna leh suamnate na piang lo ding hi. Trump presidency hun in Palm Sunday ni 9 April 2017 in Egypt gam leilu lam-a Nile delta ah a omTanta khuapi-a George' Church biakinn kisuamna ah mi 78, Alexandria khuapi-a St. George' Church biakinn kisuamna ah ah mi 48 - a vekpi in ISIS ten mi 126 suicide bombings tawh a thahna uh hi.
• Trump presidency hun sungin Christian biakinn kisuamna nasia pen Easter Sunday ni-in Sri Lanka gamah RC biakinn thumte leh luxury hotels thumte 21 April 2019 in a kisuamna uh-ah mi 269 (+8 bombers) a sih banah mi 500+ liamna thupiangte zong a beisak ISISte Obama leh Biden in vok ek va namsakin a va suam lupsak uh hi ve uh maw?
• Trump presidency hun sung mahin American tangthu sunga Christian biakinn kisuamna lak panin a nasia pen Texas State sunga om New Braunfels, Texas mi Devin Patrick Kelley in November 5, 2017 in Sutherland Spring Church biakinn a va suamna ah mi 26 a thah banah mi 26 na kapliam hi.
• American tangthu sungah high school shootings ah mi tam a kithahna penna February 14, 2018 in kum 19 mi Nikolas Cruz in Stoneman Douglas High School ah mi 17 va kap lumin, mi 17 kapliam hi.
• American tangthu sungah public concert ah mi tam a kithah penna dingin kum 64 mi Stephen Paddock in mandalay Hotel dawl 32 tung panin October 1, 2017 in Mesquite, Nevada ah Route 91 Harvest music festival a suamna ah mi 60 (amah tawh 61) a kap lup banah mi 867 (thau tawh a kapliam 411) in liamna tuak uh hi.
• 15 March 2019 in Muslim ten Friday Prayers a neih hun lai takun Trump in a anti-immigration vai leh migrant invasion cih kammal zangin gambeelte a deih lohna thu a gennate hangin tha hong pia hi, a ci far-right extremism, Islamophobia, white supremacy, white genocide conspiracy theory, Great Replacement conspiracy theory leh ecofascism ideologies a nei amah bekin a gamtang (lonewolf) Australia mi Brenton Harrison Tarrant kicipa in New Zeland gam-a Chrischchurch khuapi na suam hi. Tarrant in AR-15 style rifles nih, 12-gauge Mossberg 930 semiautomatic shotgun, 12-gauge Ranger 870 pump-action shotgun, .357 Magnum Uberti lever-action rifle leh .223-caliber Mossberg Predator bolt-action rifle tawi-in Al Noor Mosque leh Linwood Islamic Centre a va suamna ah mi 51 a thah banah mi 40 kap liam hi.
• American tangthu sungah mall shopping kisuamna ah hate crimes ah mi tam a kithahna penna dingin August 3, 2019 in El Paso, Texas ah Walmart store kum Patrick Wood Crusius in a suamna ah a tamzaw Hipanic kihelin mi 23 a thah banah mi 23 a kapliam hi.
• US tangthu sungah Judahte kisuamna nasia penna ding October 27, 2018 Sabbath zingsangin Robert Gregory Browes in Pennsylvania State sunga Pittsburgh khuapi-a Tree of Life – Or L'Simcha Congregation or synagogue kici Judahte biakinn a va suamna ah mi 11 a thah banah mi sagih na kap liam hi.
• May 1, 2020 in Covid-19 lockdown a deih lohna thu a kutkut thangah a nungzuite in Michigan State Capitol va buluh uh hi. Democrats new HOAX a cih pandemic hangin a presidency hun sungin Americans 400,000 val a sih banah a natna ngah 24 millions val hi.
• December 31, 2019 panin January 1, 2020 kikal Iraq state capital Baghdad khuapi-a US embassy kubuluhin, mei tawh kihal a, a sunga sem staffs-te lau in US gam dongah lehtai uh a, US embassy staffs member om zah kikhiam suk uh hi. March 2020 in Iraq gamah US in militaryv bases giat a neihte lakah thum ah US galkapte in Jan. 3, 2020 in IRGC commander Qassem Soleimani kicipa Baghdad airport ah a suam lupsakna a thukkikna hangin nusiatsan uh hi. Soleimani kithah khit US bases kisuamna ah US galkap leh American civilian contractors a hun khop liamna leh sihna tuaklawh uh hi.
• November 3, presidential elections ah Japan Gal bangin guallelhna tuakin votes 7 millions val tawh a guallelh thuman sang nuam loin vote kigukna om hi, ci-in a zuau bulomtang tawh a tawholh a nungzui ten January 6, 2021 in US Capitol building va buluh uh a, police khat kihelin a nungzuite li si uh hi.
• Afghanistan ah US galkapte kidawhkhiatna pen February 29, 2020 in Trump administration hunin US in terrorist group in a ciamteh Taliban group tawh kilemna thukimna Doha Peace Accord a kici thukimna suai a kaihna thukhun sungah US galkapte khempeuh Afghanistan gam panin dawhkhiat dingin a kamciamna bangin thupiang leh Biden' hunin sepkhiatna hi. Biden in Jan. 20, 2021 in White House office a let ni-in Trump in Afghanistan ah US galkap 2,500 bek na koih lai hi.
• Trump presidency hunin Covid-19 pandemic hangin leitung bupah a natna ngah leh a si leh a natna ngah America ah mi tam pen hi. 1930s Great Recession khit US economy kisia pen, unemployment rate sang pen a, innsap a pia zo mi tam kihawkhia (evicted) pen lai hi.

Trump presidency hun sungin American tangthu sung adingin US ah Christian nak kiam pen lai hi. White House ah a pasian puak lut pen zuau or Baal pasian na hih tuak zawsop hi. Amah a gum thusuak ngah a kineih kamsang kineihkhemte in, "Pasian' sathau nilhpa leh a mi zat Trump term nih cingkik ding hi," ci-in a genkholhna khempeuh uh leh a guallelh khit nungin president len kik veve ding hi, ci-in November 3 elections ma leh khit nungin a thusuak gente uh leh pro-Trump news gente a tangtung khat zong om nai lo hi. Pasian leh Lai Siangtho cikmah in zuau ngei lo ahih manin Trump leh a gumte pasian gengen pen milim pasian - khua mu thei lo leh khua a za thei lo pasian mawkmawk hih tuak hi.

Kam beembeem in America First leh Make America Great Again ci-in otot ding baih mahmah a, mi kim in tua bang gen theih hi. Ahih hangin a kisap hun taktak ciangin tua bang hunin a kimu lo leh a kibu mang pen Trump hi zaw a, Vietnam War hun lai-in bone spur a kici guh natna or guh kisia ka nei hi, ci-in military draft nga vei tak a kipelna (deferment) dingin America sik leh tangin galdo ngam lo leh ding ngam loin a zuau a gen leh a kampi bek tawh a gam a itpa hi. 1891 kum in White House ah electrict a kitunsak khit nung June 1, 2020 in George Floyd kithahna hangin White House gal Lafayette Park ah lungphona neite kihta-in White house mei taangsak ngam loin a mitsak masa leh a bucip masa pen mi hangsan Trump kicipa bek om pan hi.

@Thang Khan Lian #ZUNs reports 

US IN 9/11 ATTACKS A KUM 20 CIN'NA PHAWKNA HUN ZANG; US PRESIDENTS LUITE KIHEL NAPI-IN TRUMP VOTE ZONG LEH ZUAUGEN IN BUAI-IN KIHEL LO

 

US IN 9/11 ATTACKS A KUM 20 CIN'NA PHAWKNA HUN ZANG; US PRESIDENTS LUITE KIHEL NAPI-IN TRUMP VOTE ZONG LEH ZUAUGEN IN BUAI-IN KIHEL LO

Sept. 12: Leitung tangthu sungah terrorist suamna lak panin a nasia pen September 11 attacks or 9/11 a kici Sept. 11, 2001 ni 8:46 a.m. – 10:28 a.m. (EDT) kikal sungin Manhattan, New York; Arlington County, Virginia; Stonycreek Township near Shanksville, Pennsylvania munte ah a om World Trade Center or WTC (AA 11 and UA 175), Pentagon (AA 77) leh U.S. Capitol or White House muitumna in commercial flights li al-Queda members 19te in pikawi-in a suamna ah a vanleng pikawi teng leh mi 2,977 a sih banah mi 25,000 liamna piangsak a, a sumtangin infrastructure leh property $10bn kisiatna a pian' ni a kum 20 cin'na phawkna US in zang hi.

VANLENG KIPIKAWI LITE LEH A KIAT/DEN'NA MUN

American Airlines Flight 11: 7:59am in Logan airport panin lengkhia-in Los Angeles a manawh crew 11, 76 passengers leh a vanleng pikawi mi ngate Boeing 767 aircraft sungah tuang uh hi. Boeing 767 aircraft a pikawite (hijackers) ngate in New York khuapi-a om WTC leilu lam-a om North Tower kici a leilu building (northern facade) lam 8:46am in taihsakin kicimsak uh hi.

United Airlines Flight 175: Logan airport panin 8:14am in lengkhia in Los Angeles a manawh crew kua leh passengers 51 banah a vanleng pikawite nga Boeing 767 aircraft ah tuang uh hi. A vanleng pikawite in Boeing 767 tawh New York khuapi-a om WTC leitaw lam-a om South Tower a leitaw building (southern façade) lam 9:03 a.m. in taihsakin kicimsak uh hi.

American Airlines Flight 77: Washington Dulles International Airport panin 8:20am in lengkhia-in Los Angeles a manawh crew guk, 53 passengers leh a pikawi ngate tuanna Boeing 757 aircraft lengkhia hi Boeing 757 pikawite in Arlington County, Virginia ah a om US galphualpi Pentagon kici a nitumna lam building (western facade) 9:37am in taihsak uh hi. Super power gamte galphual Pentagon kisuamna bekah a munah mi 184 si uh hi.

United Airlines Flight 93: Newark international Airport panin 8:42am in lengkhia-in San Francisco a zuan crew sagih, passengers 33 leh a pikawi mi lite tuanna Boeing 757 aircraft lengkhia hi. Boeing 757 pikawite a passengers ten a ngimna mun uh-ah a lengsak theih lohna dingin matcip sawmin a vanleng sungah passengers hangsante leh a pikawite kilaina piang ahih manin a pikawite in a ngimna mun uh dengsak/taihsak thei lo uh ahih manin Shanksville, Pennsylvania kianga om Stoneycreek Township sunga om Somerset County lo lai-ah 10:03am in a vanleng kia hi.

1980s Soviet-Afghan war hun (1979-1986) kikal sungin Afghanistan ah Soviet galkapte lehdo dingin US in funding, training leh galvan tawh huhna a piak mujahideen or holy warriors lakah kihelin damin a-Qaeda a phuankhia Osama bin Laden leh a deputy Ayman al-Zawahiri khuakpeina (masterminded) tawh Saudi mi 15 kihelin al-Qaeda members 19te in a vanleng pikawite uh zangin America a suamna uh-ah mi 2,997 a thahna uh phawkna leh kum 20 a cin'na ni-in a site minte kisim khia hi. US in hun khat lai-in a huh ngekngek ngei Bin Laden in a thukkik ciangin kahna leh ha gawina piangsak zawsop hi.

9/11 attacks ah a site a phawkna leh 9/11 attacks kisuamna a kum 20 cin'na Pennsylvania ah nei uh hi. Tua hunah 9/11 attacks hun lai-in US President (Republican) George W. Bush in zong thugenna nei hi. Bush in a thugenna ah America ah kikhenna (division) leh politics ah huatna a deih lohna leh a beina ding a deihna leh gam bup kipumkhatna ding thu gen a, Trump presidency hun Jan 6, 2021 in Biden' gualzawhna dalna dingin Trump in do cih takin do un (fight like hell) ci-in a thapiak a nungzuite in Congress in EVMs votes kipsakna leh Biden' gualzawhna a kipulak ding dal sawnin Trump gumte in Capitol building a buluhna uh hem gen hi.

9/11 ATTACKS HUN LAI-IN TRUMP' KAMPAU

New York, Shanksville leh Pennsylvania ah US local time in Saturday in 9/11 attacks official in a phawkna pawi (memorial ceremonies) neihna hunte ah ex-President Donald Trump zong a kihel dingin a kicial hangin mun khat beekah va kihel lo hi. Trump in a beisa kum 20 hun lai-in US a kisuam lai-in New York khuapi-a WTC building nihte vanleng tawh a kitaihsakin a kicip khit nungin, "WTC a kicipna Jersey City, New Jersey panin a en mi a tul-a simte lungdamin awng ziahziah (cheering) uh hi," ci-in Sept. 9, 2001 in gen mawk hi.

Tua hunin politics ah a lut sawm nai lo leh real-estate developer in sumbawl Trump in downtown Manhattan, New York ah Trump Tower kici building sang nei hi. Tua hunin local TV station WWOR kiangah Trump kiangah, "Donald, Financial District, 40 Wall Street ah landmark buildings omte lakah nang zong khat na nei hi. Nang building kisia kha lo hiam? Tua lai-ah bang piang hiam? ci-in Trump' lawm, publicist lui leh WWOR analyst Alan Marcus in na dong hi.

Trump in, "Pha hi, phone call lamdang (amazing phone call) ka ngah hi. Ka gennop bel downtown Manhattan ah 40 Wall Street (ama building) pen buildings omte lakah a sangpen nihna hi. WTC a kilam ma-in a sangpen ni napi-in WTC a kibawl khit a sangpen nihna hi a, tu-in kei building a sangpen hita hi. Tu mahin ka mite ka hopih khin lian a, amaute in up zawh loh ding thupiang mu uh hi. WTC panin blocks sagih or giat kigamla hih tuak hi. Feet nih in a sang suang leh leiseek, leh sik leh steel-te WTC ah kuang lai hi," ci-in ama building sang a phatna a kisialhpih kawmin dawng hi. WTC a kisuamna hangin downtown Manhattan ah ama building a sangpen a suahsak a lungdampa 9/11 attacks kisuamna a site dahpihna leh phawkna hunah a kihel nuam loh pen a lamdang hilo hi.

9/11 ATTACKS MEMORIAL CEREMONIES

A beisa kum 20 hun lai-in World Trade Center towers nihte a kicipna phawkna National September 11 Memorial hun Saturday zingsang US local time in President Joe Biden, ex-president George W. Bush, ex-President Bill Clinton leh ex-President Barack Obama-te dahna pawi "somber ceremony" kici-ah kihel ciat uh hi.

Flight 93 vanleng tawh a kisuamna Shanksville ah 9/11 attacks ah a site phawkna dingin pakkual sialna "wreath-laying ceremony" kici hunah a kihel dingin Biden va pai hi. Tua ma-in Flight 93 memorial hunah ex-President George W. Bush leh Vice President Kamala Harris in thu gen tuak uh hi. New York, Pennsylvania leh Shanksville ah 9/11 memorial ceremonies neihna hunte khat beekah a va kihel lo Trump in New York City (NYC) sunga om Trump Tower building panin blocks bangzah hiamin a kigamla 17th police precinct leh NYC neighboring fire station ah va pai zawsop hi.

Genkhol masa loin Shanksville fire department ah Biden a va hawhna ah a thugenna ah George W. Bush in American gam bup kipumkhatna ding a genna hangin a lungdam thu ko a, Afghanistan gam panin kidawhkhiatna (withdrawal) ah a panlakna a kimawhsakna thu a gupna press pool ah gen hi. Kiginni in a tawpna dingin Biden in Washington DC khuapi-ah National 9/11 Pentagon Memorial hunin a zi US First Lady Jill Biden, Vice President Kamala Harris, Defense Secretary Lloyd Austin leh Joint Chiefs of Staff chairmar Gen. Mark Milley tawh hanah pakkual koihna hunah va kihel uh hi.

9/11 attacks a kum 20 phawkna Saturday in Biden in a ngeina bangin thugenna (formal remarks) a neih loh hangin Friday in a video statement panin US khang thu sunga kisuamna nasia pen ah site a phawkna leh gam bup kipumkhatna ding gen hi. Sept. 11, 2001 ni-in al-Qaeda terrorists 19te in US nitumna lam west coast zuan dinga leng dalsi a kiguang (fuel-loaded) US commercial airplanes li a pikawite uh New York City, Washington DC, leh Pennsylvania state sunga om Shanksville pua a suamna uh-ah mi 2,977 na that uh hi.

9/11 attacks phawkna a kum 20 cin'na ni-in US presidents luite - Bush, Clinton leh Obama a kihel kim uh hangin mun khat beekah kihel lo napi-in Americans mite nuntakna a it pen bangin America First leh Make America Grat Again (MAGA) cih bil-aphuai liangin a tangkopih mun mahmah Trump in New York Police Department officers-te kiangah 2024 ciangin president a tuh kik sawmna thu genin vote zon'na hunin zang zawsop hi.

New York Police Department officers lakah khat in 20th anniversary of 9/11 attacks hunin Trump Tower kianga om 17th precint ah White House na tuh kik sawm hiam ci-in a dotna a dawn'na ah Trump in, "Oh, tua pen dotna haksa hi,'' ci-in dawng a, ''A taktakin dotna haksa hi loin dotna nuam hi,'' ci-in dawng kik hi. "Ka hih ding keimah in ka thei hi. Ahih hangin tua thu ka gen uh hun nai lo hi. Ahih hangin lungdam mahmah ding hi teh,' ci-in campaign finance laws in president a tuh kik sawmna thu gen khiat phal lo hi, ci-in a tuh kik sawmna thu hem gen hi.

New York mi Trump in a beisa kum 20 hun lai-in America khang thu sunga kisuamna nasia penna 9/11 ceremonies hun zatna mun koimah ah Kiginni in kihel lo a, Washington DC ah Christian event hun ah kihel sawm hi, ci-in reports in a gen banah Kiginni zanin Florida ah Evander "The Real Deal" Hollyfield vs Vitor "The Phenom' Belfort boxing kitupna ah ringside commentator in va pangin sum zon'na hun tawh buai sawm lel dih hi.

Kiginni zingsangin New York City ah 9/11 memorial service hunin a site min ngah takin a kisim khiatna hun zatna President Joe Biden kihel a, ex-presidents Barack Obama leh Bill Clinton zong kihel uh hi. 9/11 Memorial & Museum spokesman Lee Cochran in The New York Times kiangah, "Ex-president (tRump) zong hong kihelna dingin a kicial hangin hong kihel lo hi," ci hi.

United Airlines 93 pikawite in a ngimna mun uh a den'sak theih lohna dingin a vanleng sungah a pikawi al-Qaeda member lite a vanleng sungah a kilaipihna hangun a vanleng Somerset County ah lo lai-ah kiden'na hi. Shanksville, Pennsylvania ah United Airlines Flight 93 sunga tuang a site phawkna hun zatna ah Biden va kihel hi. Shanksville memorial service hunah ex-President George W. Bush leh Vice President Kamala Harris in a thugenna uh-ah US gam bup kipumkhatna ding gen uh hi. Pentagon ah 9/11 memorial service hunah zong Biden kihel hi.

Kiginni in Midtown ah Trump kiangah NYPD officer khat in, "White House tutna na ngah zawh kik kei leh New York City' mayor na tuh sawm hiam?" ci-in na dong hi. Trump in, "Tua bang dotna lungluthuai hi. Na i mansak/tangsak (straigtened it up) thei uh hi. Nipi kal khat sungin hong pulak khia ding uh hi. Crime bangmah om lo hi..... Nasep dingin tua bang (mayor office) baih ding hi," ci-in dawng hi.

Midtown ah tawl khat sung a va hawhna ah Trump in kingakna ding a bul a bal a nei lo 2020 election ah vote hong kiguksak hi, ci-in ngawh kik a, "Tu ni-in hih thu ka gen nuam kei hi," ci-in Biden administration in Afghanistan panin US galkapte a dawhkhiatna (withdrawal) gensiatna zom leuleu hi. Trump administration hunin US in Feb. 20, 2020 in Doha ah peace agreement Islamic hard-line terrorist Taliban group tawh US kidawhkhiatna dingin thukimna suai na kai uh hi. Trump in ama presidency kum li sungin a kamciamna a zawh loh Biden in ama hunin US galkap khempeuh Aug. 31 ni-in na dokkhia hi.

Kabul airport panin US galkapte leh Talibante khut thuak ding a lau US-led coalition forces tawh kipawl Afghan mi 124,000 valte evacuation process hun Aug. 15-31 kikal sungin kihemkhia a, war history sungah mi tam a kihepkhiat penna hi lai hi. Aug. 26 ni-in ISIS sihpih bomb puaksakte in Kabul airport a suamna uh-ah mi 170 val site lakah US galkap 13 kihel uh hi. Hih thu hangin Trump leh Republicans makaite leh a gumte in Biden pen mihai leh cinh lo ci-in a paikhiatna dingin impeachment proceeding pat ding a deih tam mahmah uh hi.

Republican president Bush hunin Pentagon kihelin US gam sung terrorists ten commercial airlines li zangin a suamna uh-ah mi 2,997 si uh hi. US galphualpi Pentagon kisuamna bekah a si 184 pen Kabul airport kisuamna ah si zah sangin tam zaw lai hi. Ahih hangin paihkhiat ding a sawm nak sangun president term nihna len dingin Republicans ten Bush teelcing kik veve uh hi. Trump in Covid-19 pandemic a kipal cilin Democrats ten hong paihkhiatna dingun mi uptheih ding zuau a phuahtawm thak uh "new Democrats HOAX" hi, season flu mawkmawk hi, Chinese-virus hi peuh na ci a, Covid-19 testings a kinak bawl leh a natna kimu tam ahih manin a tests khiam un, peuh na ci hi.

March 13, 2013 in Trump in pandemic hunin a mawhpuakna thudon loin mi dang bek mawhsakna ding na zong hi. "2009 H1N1 pandemic hun April 2009 leh 2010 kikal sungin Americans 60 million in H1NI or swine flu natna ngah uh a, Obama administration in testing bawl lo hi Testing a patin zekai lua khin hi," ci-in Obama a pum mawhsakna thu na gen hi. March 13, 2020 in South Korea in ni sim in a gamah Covid-19 a tests zah 11,000 tawh Trump administration uliante in tua hunin kal sagih sungin Americans 11,000 kitests hi, ci-in a gen zah uh tawh kikim hi. March 13, 2020 in US ah Covid-19 positives mi 1,700 val a, mi 41 si khin ta hi. Tua ni-in Trump in daily Covid briefing hunin, "I do not take responsibility at all," ci-in mawhpuakna tavuan ka la vet kei hi, ci-in American mite nuntakna humbit dingin a tavuan a thudon lohna na gen lai hi.

Trump in White House office a nusiatsan ni-in leitung bup-ah Covid hangin mi 2 million a si lakah US ah Covid-19 hanga si mi 400,000 val khin ahih manin Galpi Nihna ah Americans si 405,000 hi ci-in Department of Veterans Affairs ciamtehna zah tawh Covid-19 hanga si kikim dektak hi. Tua hunin leitung bup-ah Covid-19 hangin a si 100% lakah US ah a si 5% na tung a, leitung bup-ah Covid-19 natna ngah 96 million cases om lakah Americans 24 million Covid-19 cases nei Trump' presidency kum li sungin na om hi.

TRUMP' PRESIDENCY HUNIN THUPIANG PAWL KHATTE

Kum li sung Jan. 20, 2017 panin Jan. 20, 2021 kikal sung Trump in US president a let sungin hate crimes 17 year record-high na tung a, Christian biakinn (church), Judah biakinn leh sumbuk Jersey Kosher Grocercy ah kisuamna na pen, high school, shopping mall leh public concert ah gun violence nasia pen US tangthu sungah na piang hi. Tua loin Egypt leh Sri Lanka gamte ah Good Friday leh Palm Sunday ni-in Christian biakinn kisuamna mi tam na kithat pen a, Trump' presidency hun sungin America tangthu sungah Christian percentage na nak kiam pen lai hi.

• Trump' presidency hunin US in a foreign policy tawh democratically elected Syrian President Bashar al-Assad leh a government lotkhiatna dingin ISIS do kineihin a kipawlpih gam 68 val tawh Syria a dona ah guallelh leh lawhsap piikpeek khit nungin Assad government a lehdo leh ISIS dona ah funding leh galvan a supply Kurdish rebel groups nusiatsanin Syria panin US galkapte na dokkhia hi. Syria gam-a US military bases teng Russia leh Turkey galkapte leh a pawlte in luah pah uh hi.
• Trump administration in Syria ah US kipawlpih Kurdish rebels leh a pawlte nusiatsan a, US galkapte a dawhkhiat hunin evacuation operation ah US pawlte a hepkhiat ZERO hi. Ahih hangin tua hunin tRumpanzees ten," Thupi tak e, tRump in ISISte leitung panin beisak mang zo hi. Syria panin US dokkhia-in a kamciam bangin sem hi," ci-in pum phat thapai uh hi.
• Trump in leitung panin beisak leh thah bei khit ISIS ten Biden' hun evacuation operation hun lai-in August 26, 2021 in Kabul airport a suamna uh-ah mi 170 val site lakah US galkapte 13 kihel hi. A ISIS thah beite a hankhuk sung panun a va kaihthawh kik hi ve maw? ahih kei leh Obama leh Biden in a thawhkiksak hi, ci nuam niloh hi zaw ai tam?
• Trump in leitung panin ISIS a beisak leh Middle East sung, cikmah in a om ngei loh uh Africa leh Asia gamte ah ISIS ngongtatte gamtatna leh suamnate na piang lo ding hi. Trump presidency hun in Palm Sunday ni 9 April 2017 in Egypt gam leilu lam-a Nile delta ah a omTanta khuapi-a George' Church biakinn kisuamna ah mi 78, Alexandria khuapi-a St. George' Church biakinn kisuamna ah ah mi 48 - a vekpi in ISIS ten mi 126 suicide bombings tawh a thahna uh hi.
• Trump presidency hun sungin Christian biakinn kisuamna nasia pen Easter Sunday ni-in Sri Lanka gamah RC biakinn thumte leh luxury hotels thumte 21 April 2019 in a kisuamna uh-ah mi 269 (+8 bombers) a sih banah mi 500+ liamna thupiangte zong a beisak ISISte Obama leh Biden in vok ek va namsakin a va suam lupsak uh hi ve uh maw?
• Trump presidency hun sung mahin American tangthu sunga Christian biakinn kisuamna lak panin a nasia pen Texas State sunga om New Braunfels, Texas mi Devin Patrick Kelley in November 5, 2017 in Sutherland Spring Church biakinn a va suamna ah mi 26 a thah banah mi 26 na kapliam hi.
• American tangthu sungah high school shootings ah mi tam a kithahna penna February 14, 2018 in kum 19 mi Nikolas Cruz in Stoneman Douglas High School ah mi 17 va kap lumin, mi 17 kapliam hi.
• American tangthu sungah public concert ah mi tam a kithah penna dingin kum 64 mi Stephen Paddock in mandalay Hotel dawl 32 tung panin October 1, 2017 in Mesquite, Nevada ah Route 91 Harvest music festival a suamna ah mi 60 (amah tawh 61) a kap lup banah mi 867 (thau tawh a kapliam 411) in liamna tuak uh hi.
• 15 March 2019 in Muslim ten Friday Prayers a neih hun lai takun Trump in a anti-immigration vai leh migrant invasion cih kammal zangin gambeelte a deih lohna thu a gennate hangin tha hong pia hi, a ci far-right extremism, Islamophobia, white supremacy, white genocide conspiracy theory, Great Replacement conspiracy theory leh ecofascism ideologies a nei amah bekin a gamtang (lonewolf) Australia mi Brenton Harrison Tarrant kicipa in New Zeland gam-a Chrischchurch khuapi na suam hi. Tarrant in AR-15 style rifles nih, 12-gauge Mossberg 930 semiautomatic shotgun, 12-gauge Ranger 870 pump-action shotgun, .357 Magnum Uberti lever-action rifle leh .223-caliber Mossberg Predator bolt-action rifle tawi-in Al Noor Mosque leh Linwood Islamic Centre a va suamna ah mi 51 a thah banah mi 40 kap liam hi.
• American tangthu sungah mall shopping kisuamna ah hate crimes ah mi tam a kithahna penna dingin August 3, 2019 in El Paso, Texas ah Walmart store kum Patrick Wood Crusius in a suamna ah a tamzaw Hipanic kihelin mi 23 a thah banah mi 23 a kapliam hi.
• US tangthu sungah Judahte kisuamna nasia penna ding October 27, 2018 Sabbath zingsangin Robert Gregory Browes in Pennsylvania State sunga Pittsburgh khuapi-a Tree of Life – Or L'Simcha Congregation or synagogue kici Judahte biakinn a va suamna ah mi 11 a thah banah mi sagih na kap liam hi.
• May 1, 2020 in Covid-19 lockdown a deih lohna thu a kutkut thangah a nungzuite in Michigan State Capitol va buluh uh hi. Democrats new HOAX a cih pandemic hangin a presidency hun sungin Americans 400,000 val a sih banah a natna ngah 24 millions val hi.
• December 31, 2019 panin January 1, 2020 kikal Iraq state capital Baghdad khuapi-a US embassy kubuluhin, mei tawh kihal a, a sunga sem staffs-te lau in US gam dongah lehtai uh a, US embassy staffs member om zah kikhiam suk uh hi. March 2020 in Iraq gamah US in militaryv bases giat a neihte lakah thum ah US galkapte in Jan. 3, 2020 in IRGC commander Qassem Soleimani kicipa Baghdad airport ah a suam lupsakna a thukkikna hangin nusiatsan uh hi. Soleimani kithah khit US bases kisuamna ah US galkap leh American civilian contractors a hun khop liamna leh sihna tuaklawh uh hi.
• November 3, presidential elections ah Japan Gal bangin guallelhna tuakin votes 7 millions val tawh a guallelh thuman sang nuam loin vote kigukna om hi, ci-in a zuau bulomtang tawh a tawholh a nungzui ten January 6, 2021 in US Capitol building va buluh uh a, police khat kihelin a nungzuite li si uh hi.
• Afghanistan ah US galkapte kidawhkhiatna pen February 29, 2020 in Trump administration hunin US in terrorist group in a ciamteh Taliban group tawh kilemna thukimna Doha Peace Accord a kici thukimna suai a kaihna thukhun sungah US galkapte khempeuh Afghanistan gam panin dawhkhiat dingin a kamciamna bangin thupiang leh Biden' hunin sepkhiatna hi. Biden in Jan. 20, 2021 in White House office a let ni-in Trump in Afghanistan ah US galkap 2,500 bek na koih lai hi.
• Trump presidency hunin Covid-19 pandemic hangin leitung bupah a natna ngah leh a si leh a natna ngah America ah mi tam pen hi. 1930s Great Recession khit US economy kisia pen, unemployment rate sang pen a, innsap a pia zo mi tam kihawkhia (evicted) pen lai hi.

Trump presidency hun sungin American tangthu sung adingin US ah Christian nak kiam pen lai hi. White House ah a pasian puak lut pen zuau or Baal pasian na hih tuak zawsop hi. Amah a gum thusuak ngah a kineih kamsang kineihkhemte in, "Pasian' sathau nilhpa leh a mi zat Trump term nih cingkik ding hi," ci-in a genkholhna khempeuh uh leh a guallelh khit nungin president len kik veve ding hi, ci-in November 3 elections ma leh khit nungin a thusuak gente uh leh pro-Trump news gente a tangtung khat zong om nai lo hi. Pasian leh Lai Siangtho cikmah in zuau ngei lo ahih manin Trump leh a gumte pasian gengen pen milim pasian - khua mu thei lo leh khua a za thei lo pasian mawkmawk hih tuak hi.

Kam beembeem in America First leh Make America Great Again ci-in otot ding baih mahmah a, mi kim in tua bang gen theih hi. Ahih hangin a kisap hun taktak ciangin tua bang hunin a kimu lo leh a kibu mang pen Trump hi zaw a, Vietnam War hun lai-in bone spur a kici guh natna or guh kisia ka nei hi, ci-in military draft nga vei tak a kipelna (deferment) dingin America sik leh tangin galdo ngam lo leh ding ngam loin a zuau a gen leh a kampi bek tawh a gam a itpa hi. 1891 kum in White House ah electrict a kitunsak khit nung June 1, 2020 in George Floyd kithahna hangin White House gal Lafayette Park ah lungphona neite kihta-in White house mei taangsak ngam loin a mitsak masa leh a bucip masa pen mi hangsan Trump kicipa bek om pan hi.

Source: Associated Press; Politico; Washington Times; Business Insider; BBC; Independent; Xinhua; Web MD; ABC; Businesscom; Pew Research Wikipedia

@Thang Khan Lian #ZUNs reports