FBI IN DNC THUSIM PHOLAKKHIA SETH RICH HI MAH HI CI

FBI IN DNC THUSIM PHOLAKKHIA SETH RICH HI MAH HI CI

Aug. 4, 2017: Pulitzer-prize winning reporter Seymour Hersh in US ah Democrats party-te formal governing body Democratic National Committee (DNC)-te email thusim tul tampi WikiLeaks-te kiangah US presidential campaigns lai-in a pholakkhiatsak pen Seth Rich hi ci-in FBI ten thuman tawh lakkhiatna ding (evidence) nei uh hi ci hi. Seymour Hersh in nung diakin phone panin a interview na-ah DNCte email thusim WikiLeaks-te pholakkhiatsak pen Seth Rich hi cih FBIs cyber unit ten thuman tawh lahkhiatna dingin Seth Rich’ computer ah Rich kithah ma-in DC police ten mukhia uh a, DC police ten Rich' computer passward thei lo uh ahih manin FBI cyber unit-te sam uh hi ci-in gen hi. FBI ten Rich' password-protection pen Rich’ computer tung panin theikhia thei uh hi ci-in FBI report ah tuang hi ci hi.

FBI report in a genna ah 2016 tuk hun lai (spring) ahih kei leh nipi hun lai (summer) in Rich in a computer panin WikiLeaks tawh kizopna (contacts) neih kipan a, a computer panin DNCte email leh email thusim theihnop huaite WikiLeaks-te kiangah thu poimawh (documents) tampi pia hi cih tuang hi.

Ahih hangin a thu paizia taktak ah bel DNCte computer panin a emails uh ki-hack sak lo a, Rich pen DNC a sem ahih manin DNCte sample tampi a piak hi bek a, thusim pholkakkhiate (whistleblowers) WikiLeaks in sum tampi pia hi ci-in Seymour Hersh in ci hi. WikiLeaks ten tua bangin DNCte sample a ngah ciangun a password thei uh a, Rich' dropbox pen a kihumbit
(protected dropbox) ahih hangin a dropbox honsak ding pen haksa lo hi ci hi. FBI ten zong tua bangin Rich' dropbox lut theih uh ahih manin DNCte email thusim pholakkhia masa pen Rich hi cih thei uh hi cih FBI report ah tuang hi.

FBI report in Rich in a kizoppihte midang zong theisak a, tuate tungah thu pia sawm in, a dropbox zong a lawmte mi nih share sawn hi cih tuang hi. Ahih hangin WikiLeaks ten Rich a kithah ma-in Rich' dropbox ah lut thei (access) uh ahih manin Rich in a piak pen sample bek hi a, WikiLeaks ten DNCte computer buluh/suamsak (hacked) in DNCte email sunga thusim teng pholakkhia thei uh hi.

DNCte email thusim za lom tampi a kipholakkhiat a kipatna pen thu gina hilo (whole fucking thing began) a, CIA director lui John Brennan operation hi a, American disinformation campaign hi lel hi ci-in Seymour Hersh in ci hi.

Seth Rich pen January 3, 1989 in piang a, Democratic National Committee (DNC) ah nasem ahi hi. July 10, 2016 in Bloomingdale neighborhood, Ward 5, Washington, D.C. ah 4:20 am (EST) in a dek lam panin kikaplum hi. Rich kithahna thu pen "right-wing conspiracy theories" tawh kidim a, May 2017 in thukanna kinei pan hi. A nu leh pa ten bel politics meetna dingin mimal gamtatna tawh thahna tuak hi ci uh hi. Metropolitan Police Department of the District of Columbia (MPDC) in Rich thahna information pia theite tungah $25,000 piak dingin ciam a, August 9, 2016 in WikiLeaks ten $20,000 piak ding ciam uh hi. November 2016, Republican lobbyist Jack Burkman in $100,000 piak dingin ciam a, December kha-in police department leh WikiLeaks-te ciam ban ah $5,000 piak beh dingin ciam a, January 2017 in $25,000 piak beh dingin ciam kik leuleu hi. American businessman leh investor Martin Shkreli in $100,000 piak dingin ciam hi. DNC staff a sem ngei Pakistan mi Imran Awan kici Rich that dingin ki-ummawh a, US panin taimang sawm ahih manin Huly 29, 2017 in kiman hi. Rich pen a tat a lawte mah dingin ki-ummawh a, tu dong a that kithei nai lo hi. A kithah in a wallet a sum $2000, a nai manpha leh a phone zong kiguksak lo hi.

Source: Your News Wire; Wikipedia
@Thang Khan Lian