MODI GOVERNMENT IN JAMMU & KASHMIR STATE AHIHNA LAKKHIAT SAKIN UNION TERRITORY SUAKSAK

MODI GOVERNMENT IN JAMMU & KASHMIR STATE AHIHNA LAKKHIAT SAKIN UNION TERRITORY SUAKSAK

Aug. 5, Pizing: Princely state tawh na ki-uk tuam Jammu and Kashmir (J&K) kumpi Maharaja Hari Sigh in Oct. 1947 in India' ukna nuai (Dominion of India) ah om dingin Government of India (GoI) tawh Treaty of Accession thukimna suai na kai uh hi. Dominion of India nuai-ah om ding Maharaja Hari Sigh in thukimna suai a kaih manin Government of India (GoI) in Article 370 (1) constitution nuai-ah Article 35A powers pia-in, autonomy leh special status hamphatna a ngah state suaksak hi.

Tu ni-in Indian Home Minister Amit Shah in Parliament dawl tungnung pen Rajya Sabha ah Article 370 (1) phiatmang leh lakkhiat (repeal) sakna dingin bill a puaklut regional parties BSP, BJD, YSRCP leh AIADMK ten gum uh ahih manina bill kithukim ahih manin Modi Government in J&K state ahihna a beisak banah, a autonomy leh special status neih lakkhiat sakna ding bill passed a, J&K state phel nih suahsak hi.

Rajya Sabha in J&K ah Art. 350 a beisak manin J&K in state ahihna, autonomy leh special status hamphatna a neih bei a, legislative assembly bel nei ding hi. Ladakh in legislative assembly nei lo ding a, ahih hangin a nih un union territory (UT) kisuaksak hi. J&K state ahihna bei-in UT suak ta ahih manin state laws khempeuh Central government in thuneihna sang pen neih khum ta ding cihna suak hi. GoI in J&K ah vanleng tawh CRPF forces 8,000 pualut pah a, galkap koih beh sawm lai hi.

ARTICLE 370 KIPHIAT SAK MANIN J&K AH BANG SUPNA PIANG DING? BANG THUPIANG OM?

• Article 370 in Jammu and Kashmir in amau constitution tuam leh lan (state flag) tuam a neih theihna dingin hamphatna a piak banah defence, communications leh foreign affairs cihte lo buang ah thuneihna khempeuh \nei-in thukhensatna bawlna dingin hamphatna (decision-making right) a neih bei ta ding cihna suak hi.
• Oct. 1947 in J&K in Dominion of India nuai-ah a omna ding leh India a belhna dinga a poimawh Art. 370 of constitution kiphiat ahih manin J&K in special status hamphatna a ngah bei cihna hi.
• Article 370 hangin J&K ah Center govt. in policies khatpeuh ahih kei leh constitutional powers khatpeuh a neih khum theihna dingin state legislature' thukimna a ngah masak ding hi cih beisak a, Center govt. in final power nei ta hi.
• Jammu and Kashmir ''state" ahihna bei a, state khat kimlai union territories nih in kiphelkhap ahih manin Lieutenant Governors nih nei ta ding hi. Ladakh leitang teng legislature nei loin Union Territory (UT) suak a, Jammu and Kashmir in legislature nei ding hi.
• Modi government nuai-ah Indian motor company in 38 sungin supna lian pen a tuah laitak leh economy a kiat lai takin J&K a Amarnath Yatra ah biakna pia-in khualzin mite (pilgrims) Pakistan leh Pakistan-based terrorist groups ten a suamna dingin geelna nei uh a, US-made sniper leh landmine kimu hi ci-in Kashmir phaizang (valley) ah galkap 10,000 sawllut dingin thu pia a, Kashmir senior makaite house arrest in koih a, tuate lakah Chief Ministers lui Omar Abdullah leh Mehbooba Mufti kihelin house arrest in a koih khit nungin Art. 350 phiat hi.
• J&K ah Internet leh phone lines kiban khaktan a, Central govt. in kum sim-a biakna pia-in khualzinna Amarnath Yatra a ki-cancel hi ci-in a pulak khit nungin paramilitary galkap tul tampi sawllut beh a, khualzin mite leh state pualam mite in J&K manlang takin a nusiatsanna dingun thu pia hi.
• Tu zingsang in PM Modi' teenna ah cabinet ministers tengin meeting nei uh a, HM Amit Shah in bill parliament ah a Art. 370 kiphiatmangna a pulakkhiat ngai dingin cabinet ministers teng leh PM Modi lut uh hi.
• J&K ah educational institutions leh offices kiban kikhak a, groups tuamtuamte Kashmir leh Jammu khuapite ah a kikaihkhop leh kimuh ding uh kikham hi.
• Finance minister lui Arun Jaitley in a tweets ah: "History man lo tu ni-in kidik sak hi. Article 35A pen Article 368 of the Constitution of India procedure zui loin inn nung lam panin hong letlut ahih manin a pai hun ta hi," cih a Twitter posts ah tuangsak hi.
• J&K CM lui Omar Abdullah in "Government of India (GOI)' in amah bek deihna leh thukimna bek tawh gamta (unilateral) a, tu ni-in dipkuatna a piangsak thukhensatna a pulak pen J&K state mite in 1947 in India belhna dingin a muanna uh a piak khempeuh khem hi. Hih thukhensatna saupi a tun banah a khuanung thupiang ding kihtakhuai hi. State in gitloh masakna tawh gam mite a suamna hi a, hih thu zan in Srinagar khuapi-a all-parties meeting ah hih bang a pian khak ding warning kipulak hi ci hi.
• J&K state ah Article 370 (1) of the constitution nuai-ah state in autonomy a ngah theihna dingin Article 35A powers a zat theihna ding pia hi. Art. 370 (1) leh Art. 35A pen J&K leh Central government constitutional kizopna (connection) articles hi a, hihte gel a kilakkhiat manin Oct. 1947 in Kashmir Maharaja Hari Singh in Dominion of India belhna dingin GoI tawh Treaty of Accession thukimna suai a kaih kizatna leh kimanna beisak (null and void) a, a mawknapi suaksak ta hi.
• Article 35A pen 1954 Presidential order tawh Constitution ah kiguanglut hi. Article 35A in J&K state citizens mite special rights leh privileges a piak banah state pualam mite in a kikhin thei lo neih leh lamte (immovable property) a lei theih lohna dingin dal a, J&K state' legislature in "permanent residents" kuate hi hiam cih thukhenna leh thuneihna dingin thuneihna a piak banah J&K a teng mite (residents) tungah hamphatna tuam ngiat pia hi. Tua hamphatna bei ta hi.
• Article 35A in J&K ah non-permanent residents mite a tawntung in a teen theihna (permanently settling) dingun thukhensatna leh thuneihna a piak banah non-permanent residents mite in immovable property a lei theihna ding uh, leitang a ngah theihna ding uh, government jobs, scholarships leh huhna (aids) leh public welfare projects khatpeuh a ngah theihna phalna leh phal lohna pia thei hi. J&K legislature in tua bang thuneihna nei nawn lo hi.
• Article 35(A) sunga Permanent Residents Law ah state sunga numeite in state pualam mite a teenpih uh property rights khatpeuh a neih theih nawn lohna dingun dalna bawl hi. Tua loin tua bang numeite tate in property khatpeuh ngah theihna dingin succession rights a neih ding uh dalsak hi. Tua bang dalna kilakhiatsak ta hi.
• 2002 in Jammu & Kashmir High Court full bench in non-permanent residents mite teenpih J&K numeite in a pu a pate uh panin a luahsuk leh ngah sawn uh neih leh lamte (ancestral properties) a ngah theihna ding uh rights a phiatsak banah right to work, education, inheritance or ta dangte amau ta dingin la-in kep (adoption) ding phal lo hi. J&K mite in hih bang special status a neih uh Modi govt. in lakkhiat sakna ding Rajya Sabha ah bill passed ta hi.
• Article 35A phiatna bill Lok Sabha ah BJP in members hau zaw ahih manin a kiphiat khin bang ta a, Indian states danga mite in J&K ah leitang, neih leh lam a ut bangin lei thei-in, rights kikim in teng thei ta ding uh hi. Legal experts ten Article 35A pen J&K in autonomy hamphatna a ngah theihna dingin Article 370 (1) of the constitution in power a piak ahih manin kiphiat thei lo ding hi a cih hangun Art. 370 kiphiat ahih manin J&K in autonomy leh special status khahsuah hi.
• Oct. 2015 in High Court of Jammu and Kashmir in a thukhenna ah Article 370 pen kinulmang thei lo ding hi. Bang hang hiam cih leh a article clause (3) phiat theihna ding power pen state constituent assembly in nei hi ci hi. Ahih hangin tu-in J&K state constituent assembly tungah Central govt. in final power nei khum ta hi.

@ Thang Khan Lian #ZUNs