US IN 2016 SANGIN INDIA MI TAM DEPORT ZAW; 2017 IN 460 DEPORT

US IN 2016 SANGIN INDIA MI TAM DEPORT ZAW; 2017 IN 460 DEPORT

Jan. 17: Trump administration in immigration laws 2017 in a khauhsakna hangin gambeel kiman 2016 tawh teh in 30% in khang a, ahih hangin a kipuak kik (deport) mi tawm zaw hi. US gam phalna nei lo-a lut a om (undocumented residents) kipuak kik 2016 sangin 2017 in a tawm zawk hangin India gammi tam kipuak kik zaw hi. 2015 in India gammi 311 kipuak kik a, 2016 in 335 kipuak kik a, 2017 in 460 kipuak kik hi ci-in Immigration and Customs Enforcement (ICE) in ci hi. ICE in hih thupiang pen Trump administration in national security khauhsakna dingin immigration policy laih a, gambeelte dalna ding a khauhsakna hang hi ci.

ICE ulian in zan zingsanin hih thu tawh kisai a genna Sept. 11, 2011 in US a kisuamna 9/11 khit nung gamdang mi international terrorism a ngawhna tuak 549 lak panin 402 kimawhpaih a, US gam hong pai ten a gam a it uh a, Mangpau in a pau ding uh hi ding uh hi ci-in gen a, US gam hauhsakna ding khan'toh sakna ding piangsakte bek US gammite tawh tengkhawm thei ding uh hi ci hi. Trump adimistration in Mangpau thei lo leh siamna nei lote gambeel lutsak lohna dingin "merit-based immigration" a bawl thak banah visa lottery zong beisak sawm ta hi.

ICE in phalna nei lo nei-a US gam-a omte matna ding leh puak kikna ding ngimna in buluhna "enforcement raids" kici 2018 in kibawl lai ding a, ICE agents ten sumbuk 7-11 kikal buluh ta uh a, phalna lai nei lo nasemmi 20 val man ta uh hi ci hi. Acting head ICE' Homeland Security Investigation Derek N. Benner in enforcement raids kibawl na muhte a kipatna hi pan a, tu kum in mun tam zaw sem kibuluh ding hi ci hi.

Pew Research Centre study in 2016 in US ah phalna lai nei lo India gammi 5 lakhs om hi ci hi. Hih mi 5 lakhs ten Trump administration immigration laws khauhsakna hangin haksatna thuak ding uh hi. Hih bang mite pen US gamgi thukham palsat a lutte ahih kei leh a visa uh a bei khit nunga om suakte ahih man un US gam-a Indian diplomats om ten huh theihna ding tam nei lo uh hi. Tua ahih manin a kingetna bangin Indian consulates in India mite kiangah travel documents manlang takin a piak ding kisam hi ci-in ICE ulian in ci hi. 2017 in Indian consulate in 1229 travel document piakhia a, 2016 in 1000 piakhia a, 2015 in 850 piakhia hi. Deportation leh emergency travel documents pen tang takin kizopna lian nei lo hi.

US in 2017 in phalna nei lo a gambeel 2.40 lakhs a gam uh-ah puak kik a, 2017 in 2.26 puak kik hi. (a tam pen Mexico gammi hi a, a tam pawl-a kiciamtehna ah Guatemala, Honduras, El Salvador cihte zong kihel kha hi). Nung kum in gamgi panin a sim lutte kum dang sangin kilim dal zaw ahih manin 2016 sangin 2017 in mi tawm kipuak kik zaw hi ci-in ICE in ci hi.

“Gambeel phalna nei lote buluhna, matna leh puak kikna hangin US gam-a South Asian gammi ten nak thuak mahmah uh a, phalna lai poimawh nei lo (undocumented) Indian 450,000 banah kum cing lo-a US gam DACA ahih kei leh DEAM Act tawh lut 23,000 Indians leh Pakistani DREAMers om beh lai hi ci-in National Asian Pacific American Women’s Forum (NAPAWF) leh South Asian Americans Leading Together (SAALT) in a statement bawlkhawmna uh-ah gen uh hi. Trump administration in DACA ahih kei leh DREAM Act tawh US gam-a phalna nei lo nupa lutte tate DEAMers puak kik ding a sawm hangin 9th Circuit Court in dal lai hi.

Source: The Hindu
@Thang Khan Lian #ZUNs