US TEN ISRAEL KHUAPI DINGIN JERUSALEM KHUAPI A CIAMTEHNA UN IN NAWLKHINSAK
Dec. 10, 2017: Middle East ah buaina kibehlapna khan'na dingin US in Israel khuapi dingin Jerusalem a ciamtehna sakna dingin Nilaini a Trump tangkona hangin zan in UN Security Council meeting ah US in UN memberte daangkoihna leh nolhna/nawkhinna (reject) tuak hi. United Nations Security Council member 15 lak panin gam giate nawhna bangin zan in emergency meeting UN Security Council in nei a, UN Security Council members giat ten leitung ah bitna leh kilemna leh daihna omna ding a deihna thu gen uh hi ci-in Efe news agency reports in gen hi.
UN Security Council emergency meeting na-ah European Union (EU) nga ten Jerusalem dinmun vai pen Israel leh Palestine kihona tawh thukhensatna nei ding hi ci-in meeting kipat cil in a statement uh-ah pulak uh hi. "EU in Israel leh Palestine buaina pen two-state solution bek tawh thu hamsa ven'sak theih ding hi cih leh Jerusalem khuapi pen gam nihte khuapi (capital) hi ci-in kipumkhat leh kituak takin ngaihsutna kibang nei-in kiding khawm hi. EU in Jerusalem khuapi suaktakna nei gam khat thuneihna khempeuh nei (sovereignty) kuamah neituam dingin ciamtehna kipia lo ding hi," ci-in a statement ah pulakkhia hi.
European statement pen Security Council meeting a kihelte kituak takin thukimna leh dinna kibang (collective position) ahih hangin Security Council meeting bei-in joint statement ahih kei leh resolution bangmah bawl beh tuan lo uh hi. Hih thu hangin UN a UN palai Nikki Haley in a lungkim lohna thu gen a, "UN in Israel tungah muhdahna leh gal bawlna tawh kum tampi a neih pen thangpaihhuai mahmah hi," ci hi.
UN Security Council meeting kipat cil in UN special envoy to the Middle East Nickolay Mladenov in, "US in Israel khuapi dingin Jerusalem ciamtehna dingin thukhensatna a bawl pen patauhhuai hi. Buaina kibehlap lohna dingin parties kigolh khempeuh in kihona neih ding teel a, kiphinna pelh ding hi," ci-in Jerusalem panin videoconference tung tawnin gen hi. Mladenov in, "Israel leh Palestine mite adingin Jerusalem pen a nuntakna uh leh a pu leh pa' ngeina (culture) laizang uh hi den ding a, tua mah bangin leitunga biakna tuamtuam millions tampite adingin ciamtehna leh inn kiu suangpi hi den ding hi," ci-in gen beh hi.
“Jerusalem pen Israel leh Palestine buaina ven'sakna dingin thu tawpna buaina dinmun (final status issue) ahih manin kihona neihna tawh ven'sak loh phamawh hi. Kilemna om theihna dingin parties khempeuh a phuatuam ding lamsanga kihona ah a kihelna ding uh ka kunh hi," ci-in Mladenov in ci hi. Trump in Isreal khuapi dingin Jerusalem a ciamtehna dingin a thukhensatna vai tawh kisai a genna ah hih bang thukhensatna hangin Palestine mite sungah "hehna" lianpi piangsak a, Middle East ah "lunghimawhna;awlmawhna/om muang theih lohna (anxiety) piangsak hi ci-in gen beh hi.
Source: IANS; Efe news agency
@Thang Khan Lian #ZUNs
@Thang Khan Lian #ZUNs
Photo: US ambassador to UN Nikky Haley
No comments:
Post a Comment