MYANMAR IN GALVAN BANGCI NEIH A, KOI GAMTE TUNG PANIN NGAH HIAM?
Sept. 16, 2017: Global Military Strength 2017 ah top ah US, Russia, China, India, France, UK, Japan Turkey, Germany, Egypt, Italy, South Korea cihte kigualsuk deudauna panin nung kum 34na panin tu kum in 31na Myanmar army hong kahto hi. Myanmar in January 4, 1948 in British kumpi tung panin suahtakna hong ngah khit nungin March 2, 1962 in galkap ten thuneihna aana tawh hong len uh a, kum 50 sung galkap thahatna (military junta) tawh Myanmar gam ukcip uh hi. Galkap ten 25% parliament (Hyuttlaw) ah len in, 75% mipi thuneihna (quasi-democracy) tawh ki-ukna 2012 in hong om kik ma-in Kawl galkap ten March 30, 2011 in upadi thak (New Constitution) hong gelhpha uh a, tu dong tua upadi kilaih zo nai lo hi.
Galkapte ngongtatna leh human rights palsatna hangin 1990s bul panin Myanmar tungah European Union leh US in khalna (sanctions) na koih uh hi. Tua khit nung democracy 100% piang zo lo ahih manin EU leh US in khalna pawlkhat a lakkhiat hangun galvan zuak khawlsan (arms embargo) khawlsan lai uh hi. EU gamte leh US in arms embargo a bawl khit nung uh a nuai-a thutte enleng 1990 khit nung China, Russia, India, Israel leh Ukraine in Myanmar tungah galvan tam zuakkhia pen uh hi. Galvan supply pia gamte leh bang galvan teng, bang zah pia in, zuak uh hiam en ni:
1. Galdona vanleng: China =120, Russia = 64, Poland = 35, Germany = 20, Former Yuguslavia = 12, India = 9, Switzerland = 3, Denmark = 1
2. Missile vuakte leh a zuakkhiat zah uh: Russia = 2,971, China = 1, 029, Belarus = 102, Bulgaria = 100, Ukraine = 10
Navy teembaw zuak gamte leh a zuakkhiat zah uh:
China = 21, India = 3, Former Yugoslavia = 3
China = 21, India = 3, Former Yugoslavia = 3
3. Galdona mawtaw/tank zuak gamte leh a zuakkhiat zah uh:
China: 698, Israel = 120, Ukraine = 50, India = 20
China: 698, Israel = 120, Ukraine = 50, India = 20
4. Thaupi/artillery zuak gamte leh a zuakkhiat zah uh:
China = 125, Serbia = 120, Russia = 100, Israel 21, North Korea = 16, India = 10
China = 125, Serbia = 120, Russia = 100, Israel 21, North Korea = 16, India = 10
*Germany leh Denmark a galdona vanleng pen arms embargo a koih ma-in a zuak uh ahi hi.
Myanmar in galvan hoih bang zah nei hiam?
Myanmar in 2017 in gal vangleng 249 nei a, Fighter 56, Attack Aircraft 77, Transport Aircraft (galkapte leh van puakna) 97, Trainer Aircraft 58 nei hi. Helicopter 86 nei a, Attack helicopter 9 nei hi. Galdona Tanks (Combat Tanks) 592, Armored Fighting Vehicles (AFVs) kici galdona mawtaw 1,358 nei uh hi. Thaupi: Self-Propelled Artillery 108, Towed Artillery 884, Rocket Projector 108 nei hi. Myanmar Navy ten galdona ah zat theih ding teembaw 155 nei a, Frigates kicite 5, Corvettes 3, galvilna ding teembaw 40, tuipi a bomb kiphum etna/zonna ding teembaw Mine Warfare Vessel kici khat nei a, Submarine, Destroyers leh vanleng puakna teembaw khat beek nei nai lo hi. Kawlgam Defense Budget pen $2.4 billion hi a, gamdang sumbat (External Debt) $ 9.041 billion nei hi. Galkap 516,000 nei a, Active Personnel kici a kizang galkap 406,000 nei a, zat theih dinga mansa a kikoih Reserve Personnel kici galkap 110,000 nei hi. Kawlham milip pen 56,890,418 hi a, nasem thei ding (Fit-for-Service) 21,635,000, galkap tum thei ding kum cing mi 1,030,000 om hi. Nasem thei ding baihsa (Manpower Availaible) mi 30,000,000 pha hi.
Source: Al Jazeera; Global Fire Ranking 2017; Wikipedia
@Thang Khan Lian @ZUNs
@Thang Khan Lian @ZUNs
No comments:
Post a Comment