BANG HANGIN U.S. IN COLD WAR OR HOT WAR KIDONA AH CHINA A ZAWHNA DINGIN KAAM (CHANCE) NEI LO HIAM?
July 22: US in China' tungah nawhna (pressure) a bawl theihna nam tuamtuam mun tampi panin pressures bawl a kisaan semsem hangin China in leitung paizia fashion leh ngeina zia a theihna zaipi (sophisticated culture) leh a kikemcing leh sawt a kimangna (sustainability) phawkkhak in nei lo ahih manin China tungah US in a strategy neih pen a mainawtna ding mel a kimagenkholh thei lo; a phenglen or phengtatna (erratic) ahih manin a lawhsam ding sa hi ci-in sociologist Dr. Heinz Dieterich in US a lawhsap dingzia hilhcianna hih a nuai-a bangin gen hi.
July 6 in US Secretary of State Mike Pompeo in China in South China Sea ah ko leitang ci-in a cihna (claims) munte pen "illegal" hi a, kizatna leh kimatna om lo (null and viod) hi ci. People's Republic of China in South China Sea 3.5 square kilometre sea lak panin 80% ko aa hi ci-in "nine dash line" kici tawh kituakin amau leitang leh tuipi hi ci uh hi. "Leitung in South China Sea sung teng China' maritime empire a suah ding phal lo ding hi," ci-in gen Pompeo in ci hi. Pompeo thugenna a dawn'na ah Chinese embassy in, "Trump administration in hih kiim leh guam (region) sungah kitelsiam lohna ding leh buaina a pian'na dingin a thapiakna khawlsan ta hen," ci-in US tungah warning pia hi.
WASHINGTON IN BEIJING TUNGAH NAWHNA A BAWL BEHLAP IN KHAUPAISAK SEMSEM
US in Muslim gam - Iraq, Syria, Libya, Afghanistan gamte UNSC resolution palsatin a simna leh Muslim numei leh naupangte a thahna kitheihmawh bawlin China in Xinjiang sunga Muslim tengte adingin re-education program tung tawntawnin detention camps ah bawlte ah khum hi cih reports pansanin human rights a palsatna hi ci-in Chinese officials pawl khat tungah khalna (sanctions) koihkhum hi. China in US sanctions a thukkikna dingin US officials pawl khat tungah sanctions koihkhum a, US in tu kha-in thatang hatna lahna (show of force) South China Sea ah nei hi. Tua banah Trump administration Chinese trade, high-tech sector leh tuikulh bawltawm a bawlna (artificial island building) hangin China tungah gakna khauhsak bawl zom zel hi. Public opinion polls panin a kimuhna ah US gamah anti-Chinese ngaihsutna sentiment nei kibehlap a, China a hoih lo lamin ngaihsutna nei 66% om ahih manin China tawh US kikal ah a simtham in kidona "cold war" kici piang ding hi cih upmawhna piangsak hi.
Hih bang hun kawmkal ah US Chamber of Commerce in Chinese officials ten January 2020 in thukimna trade agreement phase 1na a khep nih (double) in a khan'sakna dingun nawhna bawl hi.
"International standing scientifically sound metric khatpeuh – economic, scientific, demographic, political, military or Covid-19 cihte panin a kilatna ah China tawh a simtham ahih kei leh a taktakin military force zangin kidona ('cold' or 'hot war') khatpeuh ah US in China lel khin hi cih kilang khin zo hi," ci-in Mexico City khuapi-a Autonomous Metropolitan University ah Centre for Transition Sciences (CTS) director leh World Advanced Research Project (WARP) ah coordinator len Dr. Heinz Dieterich in gen hi.
Washington´ China strategy pen a movement ding a kigenkhol thei loin a phenglen (erratic) banah US ah a system om tawh kituakin a tuah buaina (systematic crisis) hangin a gam sung uh-ah politics ah kikhenna leh tangpi tangte sungah kikhenna (internal partisan and social divide) om hi cih kilangkhia hi ci-in Dr. Heinz Diererich in gen hi.
US gam-a buaina pen systemic hi; bang hang hiam cih leh political, economic, cultural leh social kiu teng (dimensions) nawk kha hi. US in leitung bup amau khut nuai-ah a koihzawhna uh ''global US domination-system'' kici a humbit theihna dingin Democrats leh Republican sunga thunei leh uliante kituahna (intra-elite consensus) kiciim khin zo hi cih thuman tawh a lahna ding teci kimu hi. Tua banah US gam-a tangpi tangta liangko kikim lohna (social inequality), a gam bup leibat nakpi takin a khan'na (skyrocketing national debt), tuihual banga lungphona (swirling protests) in America gam buaina nasiasak semsem hi. Tua banah America gam sunga bit leh kho in a omna (internal stability) in lauhuaina dinmun manawh ahih manin leitung bup thuneihna kilangleek loin a kikimna leh kilemna; daihna (global balance of power and world peace) lauhuaisak hi ci-in Dr. Dieterich in a warning gen hi.
TRANSATLANTIC A SIHNA LEH BEINA
US in UK gam in Chinese telecom company Huawei 5G networks equipment zat ding a khamna (banned) a phat lai takin Trump administration in European Union (EU) tawh relations hoih nei lo a, EU bloc ah nial zawh ding ahi lo a makaipi gam Germany khualmi bangin tuambawlin gam dang mi bangin koih (alienated) hi.
29 June in German Foreign Minister Heiko Maas in tu laitak-a US leh Germany kikal-a kitelsiam lohna ahih kei leh buaina (tension) vai November ciangin US presidential elections ah a kua a kua (or party) in gualzawhna a ngahzongin maban hun muhkholh thei loh hun in zong kivengsak zo lo kha ding hi ci-in a warning gen hi. "Trans-Atlantic partnership (kipawlna) puahpha in structural kilaihna a bawl Democratic president hi ci-in mi khempeuh in ngaihsutna nei uh hi," ci-in Maas in German press agency DPA kiangah gen hi.
Trump leh a administration in NATO sum zatna (spending), migration leh economic policies vai-ah Germany a mawhsakna thu gen mun mahmah a a, tu nai diakin US in khalna (sanctions) a koihkhum Russia-led Nord Stream 2 gas pipeline project ah Germany a kihel manin zong mawhpaih in sanctions koihkhum dingin Germany tungah vauna bawl hi.
Tua bang hun tawh kituakin US in China, Russia, North Korea leh Iran mipi theih dingin a lausakna dingin a zat "open policy intimidation" kici muibun lo bek tham loin lawhsam khin zo hi ci-in Dr. Dieterich in ci hi. US in Venezuela' tungah economic sanctions a koihkhumna palsatin Iran in May leh June 2020 in US gal dona teembaw ten a lampi na khak sawmin vauna a bawl hangin Iranian gasoline 1.5 million barrels kiim Venezuela gam puatung veve in a supply zawh veve manin US nuclear power ahih kei leh powerful state ahihna tawh kituakin Iran' tungah nawhna khauh pen leh sang pen "maximum pressure" policy a zat hangin lawhsam hi cih kician takin kilangkhia hi ci-in gen beh hi.
US in South China Sea ah a military thahatna zangin a vauna leh a tha a sangna (sabre-rattling and muscle flexing) a lah hangin China tawh tang takin kinawktuahin a kidona (direct confrontation) piang lo ding a, kidona a piang zongin a military force zangin a vauna leh a thasangna lawhsam peelmawh ding hi ci-in China's civil war (1946-49), Korean War (1950-53), Vietnam War (1955-75), leh tu nai diakin Afghanistan ah US in Asia ah mun li ah a gal dona ah guallelhnate (de facto "lost" four wars) panin a phawkkhiatna thu Dr. Dieterich in pansan in nei-in gen hi.
"Ka Center for Transition Sciences (CTS) un multi-variable 'Geopolitical Index of Relative Power of Nation-States' (GIRP) a bawlna 2014 kum in Moscow ah presentation a bawlna ah 1950s hun lai-in US leh a kipawlpih gamte (allies) in China tawh nuclear war kido hileh zo kha ding uh hi ci-in kitelcian takin lak hi. Ahih hangin Mao Zedong' light armed peasant army neunote nangawn US Korean War ah zo zo lo hi," ci-in Dr. Dieterich in gen hi.
1945 khit nungin superpower ahih bangin tu ni leh tu hun in US superpower gam omsun ahih pen 1945 hun lai bangin a liim (shadow) bek hi lel hi ci-in Dr. Dieterich in, Soviet Union leader Nikita Khruschev in US gam nuclear ha a nei kamkei "tiger with nuclear teeth" hi a cih panin Mao Zedong in laidal lel ahi kamkei "paper tiger" hi a cih suak ta hi ci hi.
US IN CHINA' SAU VEIPI A KIMANGNA (SUSTAINABILITY) NEUMUH HI
US in China' economic, social leh political spheres cihte tungah a vauna bawlte banah South China Sea boundary vai-ah kitelsiam lohna kibehlapna thu tawh kisai Dr. Dieterich in a genna ah, Washington in China in haksatna a tuah hangin manglang takin a thawhkikna ahih kei leh thakhauhna (resilience) kingakna bulpi pen a sophisticated culture neih man leh Confucius, Lao-Tse leh Gautama Buddha-te' "dialectical spirit" ah kibulphuh kinga ahih manin a tangthu ah tonate tampi veipi tak a tuah hangin socio-economic leh political transformation (kilaihna) manlang takin piangsakin a gualzawh zawhna dingin China na huh den napi-in hih thu Washington in neu ngaihsutsak hi ci-in Dr. Dieterich in ci hi.
Dr. Dieteric in, "A beisa kum zalom nih i etkik ciangin China in a gam sungah Japanese Imperialism kigolhna a dal zawh banah Civil War panin suakta zo a, Korean War leh Vietnam War ah a thahat kicing zo (sufficient) hi cih thuman tawh a lahkhiatna thu mi khempeuh in mi thei ding hi. Mao Zedong' makaihna tawh Cultural Revolution, Deng Xiaoping' makaihna tawh socio-cultural transformation piangsak kik uh hi. Xi Jinping makaihna tawh Made in China 2025 strategic plan zangin thakhat thu in lamdang takin techlogical leap (kalsuanna lianpi) Chinese society ah piang khin zo hi," ci hi.
"Marxism' scientific principles, international global power leh metric poimawh dang omte bulphuh in hih bang lawhcin'nate a ngahna hangin a government in mipite tung panin gupna lianpi a ngah banah strategic leadership kician a neihna hangin gam bup kipumkhatna khauh piangsak zo uh hi," ci-in Dr. Dieterich in gen hi. US Secretary of State Mike Pompeo makaihna tawh US in anti-China coalition kipawlna phuatkhiat ding sawm in a buai saan lai takin China a khutpi tungte ah na mot tut hithiat lo a, China in Russia leh Germany makaih European Union tawh kizopna khauhsak semna tawh multilateral alliances kici gam tampi kipawlna bawl ding na hanciam hi.
Hih thu hangin China in Association of Southeast Asian Nations (ASEAN) leh FTA partners, tuate lakah China, Australia, Japan, New Zealand leh South Korea tawh siah kila loin sum bawlna (free trade) neih theihna dingin Regional Comprehensive Economic Partnership (RCEP) kipawlna makaih in bawlkhiat ding ngimna nei a, Trump administration in a sanctions regimes hang tawh US allies teng gawtin a buai saan lai takin China na kipei hi. Tua bek hi loin Donald Trump in president a let khit nungin US a dawhkhiat Obama-era Trans-Pacific Partnership (TPP) kici updated version in Comprehensive and Progressive Agreement for Trans-Pacific Partnership (CPTPP) kici ah a kihel theihna dingin loin People's Republic of China in "positive leh open attitude" lahna a neih laitak ahi hi.
"Global balance of power a humbit theihna dingin Washington in symmetrical multi-polar world a letkip zawk a, a beisa hunin world supremacy kici leitung ah thuneihna sangpen a neihna a ngah kik theihna dingin China, Russia leh Europe tungah thuneih khum dingin a ngimna a khawlsan hun ta hi. World system ah Democracy leh Justice pen suakta takin a tuam in omna (entities) tuamtuamte in thuneihna kikim a neih ciang bekin piang thei hi," ci-in Dr. Dieterich in ci hi.
"Eco-civilisation thak ah nuntakna neite (species) a suahtak leh nuntak zawhna ding omsun pen global non-market economic system bulpuh in a kingak kisam hi. Market ah mimal khatin ama deihna bang bekin kumpi gilo bangin a ukna (private tyranny) tawh amau meetna ding bek ngah nopna neite (profit monger) leh leitung bup mihaute bek thuneihna (global plutocratic elite) leh democracy a langpang gam ahih kei leh kipawlna mi tawmkha bek ki-ukna (anti-democratic oligarchic political systems) pen mipite adingin maban ah a tunna dinga kisam mun (destiny) hilo hi," ci-in Dr. Dieterich in a thugen khum hi.
#Disclaimer: Hih article pen Dr. Heinz Dieterich in ama tuahna panin a sinnate (experiences) pansan leh ama ngaihsutna leh muhna a genna hi a, news hong kiteina mun asource Sputnik leh Zokam tawh a kikhahna ZUNs group ngaihsutna hilo hi.
Source: Sputnik
